Af hroka & valdi: Er þetta ekki bara komið gott, Gulli ...

Það hefur gerst á Íslandi á undraskömmum tíma að fjölmiðlar hafa orðið 4ða vald ríkisins; allir helstu fjölmiðlar okkar eru háðir ríki og pólitík enda sækja þeir mola í ríkissjóð og rúv átta milljarða milli handa. Hroki ríkis og pólitíkusa vex eftir því sem lygaveitur ríkisins ljúga meir að þjóðinni. Miðstýring vex ofurhratt með útlendum tilskipunum. Okkur er sagt að við verðum að vera fremst í orkuskiptum því veröldin sé að farast. Tvöfalda þurfi raforku á næstu 15 árum.

 

MIÐSTÝRING Í NÝJU VELDI

Engir eru jafn hlýðnir hinum nýja miðstýrða boðskap frá útlöndum en íslenskir pólitíkusar, alveg sérstaklega Gulli Þór og Kata Jakobs; Gulli græni og Kata who-litla. Slíkur er spretturinn að Ísland á að verða fyrst í mark tíu árum á undan öllum öðrum þjóðum í svokölluðu kolefnishlutleysi sem snýst um að taka koltvíoxíð CO² frá þyrstum grænum gróðri sem skilar því sem súrefni svo mannkyn fái andað. Þessi furðustefna gegn grænum gróðri á að bjarga heiminum og fólkinu í landinu gerðir refsiskattar til Brussel.

 

Ráðherrar boða orkuskipti. Landsmenn eiga að fara á rafmagnsbíla, bændur og beljur hverfa og við fá skordýr á hlaðborð. Gulli hefur lagt fram frumvarp um vindmyllugarða fyrir Alþingi. Að sögn Gulla í viðtali við Arnþrúði Karlsdóttur á Útvarpi Sögu, verða vindmyllur reistar þar sem fuglinn fljúgandi er ekki á flugi, alveg sérstaklega ekki örninn. Fugalífi mun ekki stafa hætta af, segir Gulli. Vindmyllur verða alls ekki á hálendinu að sögn Gulla sem nefndi tvo vindmyllugarða, annan við Búrfellsvirkjun og hinn Blönduvirkjun á hálendinu! Ég er ekki að skálda. Landsvirkjun sér um að reisa herlegheitin undir forystu forstjóra sem hefur ekki reist virkjun í 15 ár eða allan hans feril! Suðurnesjamenn finna á eigin skinni afleiðingar orkuskorts Svandísar Svav og gnægð hælisleitenda allt að 15 þúsund á þremur árum. Hvað verður um íslenska lýðveldið; íslenska menningu og tungu? Gulli hefur lausn; allir þeir sem koma fylgi reglum, annað verði ekki í boði! Gulli hefur sjálfsagt rætt þetta við arabana frá Palestínu.

 

HROKI & YFIRLÆTI RÁÐHERRA

Á Útvarpi Sögu setti Gulli græni hvað eftir annað ofan í “vitleysur og rangfærslur” Arnþrúðar sem var augljóslega brugðið og hraktist undan hroka og yfirlæti ráðherrans. Ekki fór á milli mála hvort var húsbóndi og hvort var hjú. Útvarp Saga komin á fjárlög. Gulli græni kveður Ísland hvorki lúta útlendu valdi né ógna fullveldi þjóðar. Hér á landi gerist ekkert án vitundar og vilja þjóðinnar í hvaða málaflokki sem er, segir Gulli græni! Bullið er ekki hægt að skálda. Það var ekkert að frétta í viðtalinu um viðvörun norsks sérfræðings í opnu bréf til Íslendinga um afleita reynslu Norðmanna sem hafa lagt sem nemur 82 þúsund fótboltavelli undir vindmyllur svo norska þjóðin hefur snúist gegn brjálæðinu. Á Íslandi erum við að tala um tug þúsundir fótboltavalla, á Klausturseli á Jökuldal eru áformaðir sem nemur 5.756 fótboltavöllum eða hálfu Þingvallavatni. Gulla hefur á löngum ferli ekki tekist að koma að einum mannsæmandi fótboltavelli í Laugardal.

 

Gulli var ekkert að upplýsa þessa martröð sem bíður þjóðarinnar, sei sei. Tveggja megawatta vindmylla vegur um 250 tonn. Hún er um 75% stál, um 15% trefjagler, plast eða trjákvoða, um 8% járn eða steypujárn, 1% kopar svo helsta sé nefnt. Til að framleiða stálið í skrímslið þarf um 150 tonn af kolum og 25 tonn í sement. Spaðarnir eru úr trefjagleri sem illmögulegt er að endurvinna. Endurnýja þarf spaða á 10 ára fresti. Hvert flytjum við úrgengna spaðana, til Afríku eða Indlands eða kannski bara Grænlands? Hvert flytjum við ónýta rafbíla ...  á ruslahauga þróunarríkja? Gulli kannski svarar. Allt grænt og gott á Íslandi?

 

ORKUGEIRI Í ÚTLENDAR HENDUR

Gulli græni nefndi ekki eitt stærsta alþjóða vindmyllufyrirtæki veraldar sem hér er á ferð; Vestar, ásamt Qair, Zephyr og sjálfsagt feiri. Níu verkefni á Vesturlandi, hundruð vindmylla í undirbúningi bara á Vesturlandi; Gilsfirði Reykhólahreppi, Laxárdal í Dölum, Hvítársíðu og Norðurárdal í Borgarfirði og auðvitað stóráform upp af Hvalfirði. Sjálfsagt tugþúsundir á landinu öllu; Mosfellsheiði, Klaustursel á Jökulsárdal, Hólmavík, Steingrímsfjarðarheiði, Vindaborg  Þykkvabæ, Skáldabúðir Skeiða- og Gnúpverjahreppi, Meðallandi Skaftársýslu, Lagarfossvirkjun Fljótsdalshéraði, Hólaheiði Norður Þingeyjarsýslu.

 

Þau eru búin að undirbúa jarðveginn, stimpla orkupakkana fyrir ESB, orkumál undir forræði Orkustofnunar Evrópu Acer, tilbúin að einkavæða Landsvirkjun og Orkuveituna sem verða í eigu alþjóðarisa auk nokkurra ofurríkra Íslendinga. Evrópskir fjárfestar eru að fjárfesta í vindmyllum og sjálfsagt nuddar Larry Finck í Blackrock saman höndum fyrir hönd húsbænda sinna. Orkugeirinn í útlendar hendur. Gulli græni varð önugur þegar Arnþrúður nefndi sæstreng, suss, suss. Er þetta ekki bara komið gott, Gulli ...

Ef vér slítum í sundur lögin, munum vér slíta og friðinn ...

Vatnaskil urðu fyrir um þrjátíu árum þegar Vesturlönd hófu að taka upp guðlausan sið sem boðar að manneskjan komi úr myrkri þar sem ekkert er og hverfi í myrkrið að loknu lífshlaupi. Horfið var frá kristnu lífi í ljósi, kærleika, jafnrétti og upprisu. “Ég er vegurinn, sannleikurinn og lífið,” sagði Jesús Kristur fyrir tvö þúsund árum. Hann kvaðst varða leiðina til Drottins, skapara himins og jarðar, bauð heilagan anda. Hálfur annar áratugur er síðan kristnikennslu var hætt á Íslandi og Jesús Kristur hvarf úr kennslubókum. Nú eru börn kynvædd og limlest í nafni trans-húmanisma kennt af aðgerðasinnum. Við höfum tekið upp nýjan sið guðleysis sem hrærir saman ólíkum siðum. Vindhani settur í stað kross á Bessastaðakirkju, forseti veifar hornum Satans. Verið er að slíta í sundur lögin og friðinn. Fyrir rúmum þúsund árum mælti Þorgeir ljósvetningagoði hin fleygu orð:  “…Ef vér slítum í sundur lögin, að vér munum slíta og friðinn.“

 

HNIGNUN & UPPLAUSN

Við sjáum skelfilega hnignun evrópskra og amerískra borga; glæpagengi, fátækt á götum, fólk í tjöldum, dópað fólk, mannlega hnignun, stríð í Austurvegi, Endalaus stríð í Mið-Austurlöndum, stjórnlausar innrásir hælisleitenda. Við sjáum hnignun Íslands, hnignun Reykjavíkur. Austurvöllur svívirtur, Jón Sigurðsson atyrtur, öskrað að þingmanni að fokka sér, palestínskum fánum flaggað, leigubílastríð á götum, konum nauðgað í leigubílum. Ísland hervæðist, KEF natovöllur, Helguvík athvarf kjarnorkukafbáta, B2 váfuglar voma yfir Íslandi. Bændur, sjómenn, einyrkjar, öryrkjar, aldraðir afskiptir; landbúnaður upp við vegg, fiskimið og orkulindir skulu undir Brussel. Guðlaust Alþingi hefur selt fullveldi þjóðarinnar úr landi, á leið inn í guðlaust alheimsríki í þágu hinna ofsaríku og voldugu wefara í Davos. Jafnrétti í glatkistu. Brussel er leppur fyrir Nato, hernaðararm amerískrar hermaskínu í Washington.

 

LEPPAR WEFARANNA

Festa, íslenskur leppur wefaranna með elíturáðstefnur undir merkjum Reset styrkt af flugufólki í fyrirtækjum þjóðarinnar í Landsbanka og Landsvirkjun og sendiráðum. Orð DV segir að forstjóri B-team alþjóðarisa Halla Tómasdóttir á mála hjá wefurnum í Davos og hinna illræmdu schwab hyggist bjóða sig fram til forseta Íslands. Ef áform þessa fólks ná fram að ganga hverfur íslenskt lýðveldi; menning, tunga og erindi Íslendinga við veröldina.

Af hverju efast svona fáir um sturlun í Austurvegi ...

Það er ekki einfalt mál að vera gagnrýnandi og segja hluti sem ráðamönnum finnast óþægilegir. Lýðræðisleg samfélög þarfnast gagnrýni og verða að umvefja mismunandi skoðanir. Þingflokkur Sjálfstæðisflokksins er nú á hingferð um landið, var á Akureyri um helgina. Ég sótti fundinn og átti ánægjulegar samræður við forystu flokksins og þingmenn. Ekkert þeirra lét gagnrýni mína hafa áhrif á viðmót sitt, sýndi kurteisi og virðingu. Sjálfstæðismenn sameinast um sömu gildi; kristið líf í ljósi, frelsi og lýðræði sem flokkurinn var stofnaður um. Nú eru erfiðar tímar. Samtíð okkar er andsnúin lífsgildum flokksins og eltir hóphyggju. Sá tími kemur að vindast snúast. Í tilefni að tvö ár eru liðin frá því styrjöld braust út í Evrópu vil ég enn árétta mínar skoðanir.

 

Tvö ár eru innrás Rússa í Úkraínu, tíu ár frá vestrænu valdaráni í Kænugarði stýrt af CIA úr gömlu kgb-byggingunni og ameríska sendiráðinu í samvinnu við úkranska nazista. Í framhaldi af því réðust stjórnvöld í Kænugarði með her á hendur eigin þegnum í A-Úkraínu; Donbass og Luhansk. Fasistar í Kænugarð höfðu bannað þegnum sínum að tala rússnesku, rækta menningu forfeðra sinna í bága við Helsinkiyfirlýsinguna 1975. Azov-nazistum var stefnt gegn óbreyttum borgurum. Nazistinn Stepan Bandera [1909-1959] er þjóðhetja úkra, hampað á torgum og götum, mærður í skólum. Vesturlönd vinna með nazistum, jafn og þétt eru mannréttindi skert á Vesturlöndum, Íslandi sem annars staðar.

 

GUÐLEYSI Í STAÐ KRISTNI

Þegar Rússar hrintu af sér guðleysi kommúnista 1991, tóku Vesturlönd upp guðleysi. Vesturlönd kváðust ekki ætla þumlung austur; Not an inch Eastwards en sviku það. Árið 1994 viðruðu Rússar inngöngu í Nato en neo-cons í Washington höfðu önnur áform, wefarnir í Davos véluðu og skipulögðu valdarán hinna ríku og voldugu. Mannkyni skal fækkað, millistétt eytt sem og óþarfa alþýðufólki. Brussel hóf útþenslu ESB til allra átta; pan-evrópskt ríki. Ekki leið á löngu þar til stríð geisaði á Balkanskaga, Kosovo var tekin af Serbíu; sjálfir þingvellir Serba. Loftárásir voru gerðar á Belgrad  árið1999. Pólland, Tékkland og Ungverjaland gengu í Nato sama ár. Árið 2001 var ráðist á Afganistan, svo Írak, Sýrland, Líbýu, Sómalíu, Yemen undir Bush og Obama. Árið 2004 gengu Búlgaría, Eistland, Lettland, Litháen, Rúmenía og Slóvakía í Nato. Á fundi í Búkarest 2008 var stefnan sett á Úkraínu og Georgíu í Nato og ESB. Þá sögðu Rússar nei við vestrænni útþenslu í eigin kartöflugarði en allt kom fyrir ekki. Árið 2016 reis bandarísk þjóð upp gegn Endalausum stríðum með kjöri Donalds Trump. Friður ríkti í veröld 2017-2021. Eftir valdaránið 2020; Coup d’Etat fór aftur í sama far þegar hinn seníli Joe Biden kom upp úr kjallaranum í Delaware. Rússland skyldi lagt að velli bútað í sundur, gerð að nýlendu gömlu nýlenduveldanna.

 

ZELINSKI VALDI STRÍÐ

Rússar fóru með her inn í Úkraínu 2022 og umkringdu Kænugarð. Friðarsamningar hófust í Istanbúl, Tyrklandi lágu á borðinu á útmánuðum. Í apríl fór Boris Johnson til Kænugarðs með boðskap stríðs ekki friðar. Zelinsky valdi stríð gegn einu helsta herveldi heims. Rússar hófust handa um að frelsa Donbass og Luhansk sem höfðu lýst sjálfstæði eftir valdaránið. Nú tveimur árum síðar hafa Vesturlönd tapað proxy-stríði sínu í Úkraínu sem er í upplausn. Allt að 15 milljónir flúnir, hálf milljón ungra hermanna fallnir, fimmtíu þúsund Rússar. Rússland er nú helsta efnahagsveldi Evrópu og mesta herveldi heims. Rússneskumælandi fólk mun fá skjól innan rússneska lýðveldisins. Biden veður nú á skítugum skónum um Persaflóa; gert loftárásir á Írak og Sýrland þar sem amerískt hernámslið pumpar sýrlenskri olíu úr  jörðu og flytur til þjófsnautar Evrópu. Vesturlönd eru siðferðilega gjaldþrota. Áfram er haldið að ala á ótta og hervæðingu Íslands sem Evrópu. Bandaríkin og Noregur voru bak við Nordstream mesta hryðjuverks í sögu veraldar; sterkar vísbendingar eru um að P8 þotan hafi hafið sig á loft frá Keflavíkurflugvelli áleiðis til Eystrasalts. Af hverju efast svo fáir …

Af formannskjöri KSÍ & góðri innivinnu ...

Starf formennsku KSÍ er krefjandi, líklega eitt hið erfiðasta í íslensku íþróttalífi. Nú hafa þrír menn gefið kost á sér, Þorvaldur Örlygsson fyrrverandi atvinnumaður, Vignir Már Þormóðsson stjórnarmaður KSÍ og fyrrverandi formaður knattspyrnudeildar KA og Guðni Bergsson fyrrverandi formaður KSÍ. Þeir félagar komu fram á Stöð 2 og fóru yfir málin. Sérstaka athygli vekur að Guðni skuli bjóða sig fram hafandi í huga skelfilegan viðskilnað við KSÍ á sínum tíma. Feminískar drífur munu ávallt elta Guðna reiðubúnar að slá í klárinn. Það hefur framkvæmdastjóri Stígamóta þegar gert. KSÍ hefur ekki náð sér eftir kollsteypur Guðna þegar hann fór illa undirbúinn í viðtal í ágúst 2021.

 

LAUN EÐA  LAUNALEYSI

Guðni réð landsliðsþjálfara í desember 2020, Arnar Þór Viðarsson og Eið Smára. Sú ákvörðun reyndist ekki farsæl. Þjóðin þekkir þá sögu sem ekki verður rifjuð upp hér. Guðni Bergsson var kosinn formaður í Eyjum við sérkennilegar aðstæður og lítt til sóma. Þá var val milli launalauss formanns og launaðs formanns. Ég er þeirrar skoðunar að röng leið hafi verið og sé valin. Sterkur leiðtogi þarf að leiða KSÍ. Nú virðist helsta markmið framjóðenda að ná sér í feitan launatékka, góða innivinnu eins og Gnarr orðaði það um borgarstjórastólinn. Öflugir leiðtogar sem hafa aðstöðu til að leiða KSÍ án þess að reiða sig ofurlaun hafa ekki sóst eftir formennsku, því miður. Hættan er að við sitjum uppi með reynslulitla og fjármálablinda meðalmenn. Við leitum að leiðtogum ekki fleiri skrifstofamönnum. Vignir Þór kveðst ætla að sinna fyrirtæki ásamt veru bæði í Reykjavík og á Akureyri. Það var ekki stórmannlegt af Guðna að véfengja getu landsbyggðarmanns til þess að sinna starfi í Reykjavík. Það er raunar með ólíkindum að Guðni Bergsson skuli bjóða sig eftir allt klúðrið, ef ég á að vera hreinskilinn. Henry Birgir benti á að Guðni hefði aldrei gert upp það klúður. KSÍ var rekið með 126 milljón króna halla 2023. Samkvæmt könnun er baráttan á laugardag milli Guðna 34% og Vignis, 31% en Þorvaldur aðeins með 7%, tæplega þriðjungur óákveðinn.

Af trans, hommum, lesbíum & alræði öreiga okkar tíðar ...

Vesturlönd stefna að alræði transfólks, homma og lesbía undir skuggastjórn wefaranna í Davos og búrókrata sem ætla að brjóta undir sig mannkyn. Þeir sem andæfa eru ofsóttir sakaðir um razisma, popúlisma, ritskoðaðir og málfrelsi heft. Veröld er ætlað að taka upp þessa bábylju. Rússar neita að taka upp hina vestrænu helstefnu sem og 80% mannkyns. Rússar eru sakaðir um að virða ekki mannréttindi með því fara ekki undir hæl hinnar vestrænu öfgastefnu. Sjálfstæðisflokkurinn undir stjórn Bjarna Benediktssonar hefur tekið að sér að þjóna guðlausri hóphyggju undir forræði Vg. Fyrir öld höfnuðu Jón Þorláksson og Ólafur Thors sovésku alræði öreiganna undir skuggastjórn Leníns og Stalíns baki luktum dyrum Kremlar. Kommar; samfó og Vg fylgdu guðleysi gúlagsins og framsókn gyðingaandúð.

 

RÚSSAR HRINDA AF SÉR GUÐLEYSI

Fyrir 32 árum hrintu Rússar af sér guðleysi kommúnista og snéru sér á ný að orthódox kristinni trú sinni. Rússar töldu sig hafa tekið upp lýðræði að vestrænum hætti. Árið 1994 á fundi í Moskvu lagði Vladimir Pútin til við Bill Clinton forseta Bandaríkjanna [1991-2001] að Rússar gengju í Nato enda orðin lýðræðisþjóð. Clinton hafnaði tillögunni samdægurs eftir að hafa ráðfært sig við skuggastjóra sína. Þá þegar voru komnar fram hugmyndir vestanhafs mótaðar af herhyggju Military Complex þess efnis að sundra Rússlandi og gera að hjálendu Ameríku líkt og V-Evrópa er undir drottnun Nato og Wall Street; Dividing and Conquering.

 

VESTURLÖND TAKA UPP GUÐLEYSI

Hið furðulega gerðist að Vesturlönd tóku upp guðlausan glóbalizma í Washington, Berlín, London og Brussel sem hefur lagt undir sig A-Evrópu og leggur nú allt í sölurnar að knésetja hið rússneska orthódox lýðveldi. Meðan kirkjur Ameríku og Evrópu eru brenndar og rústaðar, endurreisir rússneska þjóðin sínar einstæðu býzönsku kirkjur. Rússland er stærsta efnahagsveldi Evrópu og helsta herveldi heims nú þegar Úkraínustríðið er um það bil til lykta leitt með ósigri Nato. Moskva og Sánkti Pétursborg eru glæsilegustu borgir Evrópu og Ameríku á pari við New York og San Fransisco fyrir 75 árum en nú ruslakistur. 80% mannkyns styður Vladimir Pútin í andstöðu við vestræna furðutrú um að manneskjan komi úr myrkrinu þar sem ekkert er. Hóphyggja rekur fjöldann í réttir. Sjálfstæðisflokkurinn var stofnaður um kristna arfleifð, helgi lífs í ljósi, frelsi og lýðræði með manngildi sem hornstein. Þessi gildi eru yfirgefin fyrir þjónustu við guðlaust helsi. Endalausar styrjaldir geisa, plágur skapa ótta og fjölmiðlar eru 4ða vald ríkisins undir rúvízkri drottnun.

 

ÖREIGAR ALRÆÐIS OKKAR TÍÐAR

Transfólk, hommar & lesbíur okkar tíðar eru nú í hlutverki öreiga alræðis fyrir hundrað árum. Formenn Sjálfstæðisflokksins frá Jóni Þorlákssyni til Davíðs Oddssonar voru andvígir hóphyggju kommúnisma og nazisma sem höfðu lægstu gildi sem hornsteina. Nú er öldin önnur og íslensk þjóð stendur frammi fyrir upplausn íslenska lýðveldisins; íslenskrar tungu og menningar í guðlausu alheimsríki stýrt af ofsaríkum wefurum í Davos. Það eru tíu ár frá blóðugri byltingu CIA og nazista í Kænugarði sem hófu stríð gegn rússnesku mælandi íbúum Donbass árið 2014. Illræmdur nazisti Stepan Bandera er þjóðhetja úkrönsku þjóðarinnar mærður í skólum, styttur reistar, götur og torg nefnd eftir honum. Nato styður Úkraínu land nazisma í proxy-stríði gegn Rússlandi. Utanríkisráðherra gerir vel að kynna sér sögu leikarans Zelinsky sem lofaði friði en sveik þjóð sína og magnaði stríðið.

 

HIN ÍSLENSKA ARFLEIFÐ Í GLATKISTUNA …

Hætt við að úkranska þjóðin hverfi af spjöldum sögunnar, 15 milljónir flúnar, allt a[ 500 þúsund úkrar fallnir. V-Úkraína tilheyrði Póllandi fyrir 85 árum fer líklega aftur undir pólska stjórn. Um 80% af úkraínsku þjóðinni hefur um aldir mælt á rússnesku. Óðinn mælti á forn norrænu sem sagt íslensku. Óðinn bjó í Ásgarði í Asíá austan Tanakvíslar á bökkum Volgu sem gæti verið Volgograd, áður Stalíngrad fyrrum Tzaritsyn. Óðinn hélt upp Svíþjóð hina miklu og settist að í Sigtúnum. Tæpum þúsund árum síðar mælti Snorri Sturluson á sömu tungu og Óðinn hafði gert í Ásgarði á bökkum Volgu. Við Íslendingar tölum enn íslensku 800 árum eftir Snorra. Ef glóbal-helstefnan nær fram að ganga lendir hin íslenska arfleifð í glatkistunni. Það er vitnisburður um vegvillur okkar tíðar að forseti Íslands veifar hornum Satans og setur vindhana á Bessastaðakirkju. Bjarna Benediktssyni ber skylda sem formaður Sjálfstæðisflokksins að rýna í og skilja sína tíð og um það verður sagan dómari.

Bifreið ofan í opinn lagnaskurð í Garði

Skömmu fyrir hádegi á fimmtudag lenti bifreið ofan í lagnaskurði í Garði sem Íslenskir aðalverktakar ÍAV höfðu grafið fyrir HS veitur við Meiðastaðaveg sem liggur til norðurs þegar ekið er inn í Garð frá Keflavík. Vatnslögnin mun hafa gefið sig í gosinu.  Fiskvinnsluhús er nyrst á Meiðastaðavegi. Kona var ein í bílnum sem lenti ofan á lögnum. ÍAV gróf holuna á miðvikudag og gerði við vatnslögnina en skildi skurðinn eftir opinn án nokkurra viðvarana. Hallandi vegurinn var glerháll þegar slysið átti sér stað. Rjúfa þurfti þak bifreiðarinnar til þess að ná konunni út úr flakinu og var hún flutt í sjúkrabíl með blikkandi ljós á sjúkrahús. Tveir lögreglubílar mættu á vettvang ásamt sjúkrabíl og tækjabíl Slökkviliðs.

 

Eftir að lögregla hafði verið kvödd á vettvang kom ÍAV á vettvang með keilur sem voru settar upp. Hvort lögregla hafi verið að breyta vettvangi og til hvers liggur ekki fyrir. Undir kvöld var mokað í holuna. Ekki er að sjá að lögregla hafi skýrt frá hinu alvarlega slysi í Garði. Bifreiðin er Ssangyong Korando jepplingur árgerð 2014 ónýt. Mér er ókunnugt um líðan konunnar. Spurning er hvort konan eigi kröfu á hendur HS-veitum/ÍAV, sveitarfélaginu Garði eða hvort bifreiðin sé í kaskó. Árvökull Garðsbúi sendi mér þessar myndir en  fjölnmiðlar hafa ekki birt fréttir af slysinu. Þeim er frjálst að nota meðfylgjandi myndir sem ég birti á facebók.

Vill Guðni Th. nýjan sið & ný lög á Íslandi ...

Kirkja hefur staðið á Bessastöðum frá jafnvel í kjölfar kristnitöku árið þúsund og fyrir víst frá árinu 1200. Kirkjan á Bessastöðum var vígð 1796 hlaðin úr grjóti úr Gálgahrauni við botn Lambhúsatjarna. Kirkjuturninn var kláraður 1823 með vindhana og dönskum kóngi. Lýðveldi var stofnað 1944. Sveinn Björnsson varð forseti á Bessastöðum og settur var kross á Bessastaðakirkju í stað vindhanans. Krossinn var tekinn niður 1998 í tíð Ólafs Ragnars Grímssonar og var kirkjan krosslaus í aldarfjórðung til 9. nóvember 2023. Guðni Th. Jóhannesson lét þá setja upp vindhana sem snýst eftir veðri og vindum með ártalið 1823.

 

Forsetinn kveður hanann tákn árvekni og skyldurækni. Forsetinn skrifar að „...Pétur postuli afneitaði Jesú þrisvar þá gól þar hani. [sic].“ Þorgeir ljósvetningagoði mælti á  Þingvöllum árið þúsund að Ísland skuli vera kristið land með “...ein lög og einn sið... er vér slítum í sundur lögin, munum vér slíta og friðinn“. Þennan vísdóm, raunar lögmál eru guðlausir að brjóta. Þeir eru að slíta í sundur siðinn og lögin og þar með friðinn, líkt og gerst hefur í Svíþjóð svo dæmi sé tekið. Vindhaninn á Bessastöðum er táknrænn fyrir hinn guðlausa sem snýst með vindum sinnar tíðar eltandi hóphyggju sem boðar að þú & ég komum úr myrkrinu þar sem ekkert er. Þessari furðutrú er haldið að þjóðinni og börnum hennar, sem eru kynvædd og transvædd. Hinn kristni trúir á líf í ljósi, almáttugan Guð; ábyrgð frammi fyrir Guði.

 

GUÐNI TH & STJÓRNARSKRÁIN

Guðni Th. sór eið að Stjórnarskrá Íslands sem kveður á um að forseti sem æðsti embættismaður ríkisins skuli “...styðja Þjóðkirkjuna og vernda.“ Semsagt viðhalda kristnum sið í landinu. Katrín Jakobsdóttir, ríkisstjórn og alþingsimenn hafa líka svarið eiða. Stjórnarskrá áréttar jafnframt trúfrelsi og kveður forseta óheimilt að vera í bísniss. Þessu eru flestir landsmenn sammála að ég hygg. Kjörnir leiðtogar verða að fara að lögum. Þeir hafa svarið eið að Stjórnarskránni. Það er tímabær spurning til Guðna Th. Jóhannessonar hvort hann styðji nýjan sið á Íslandi og hvað honum finnist um varnaðarorð Þorgeirs ljósvetningagoða um að slíta í sundur lögin og þar með friðinn. Frá Bessastöðum hefur bísniss verið stýrt af Elízu Reid. Hafa fjölmiðlar leitað skýringa?

 

“PRESTUR“ HJÁ SIÐMENNT

Ég skrifaði um forsetann & sérfræðinginn Unu Sighvatsdóttur sem ráðin var til forseta Íslands í september 2020, valin úr hópi 188 umsækjenda. Una er athafnastjóri hjá Siðmennt vottuð af sýslumanni í september 2022. Una er að ígildi prestur. Hún gefur guðlaust fólk saman í hjónaband, fermir og skírir. „Því  fylgir ábyrgð,“ sagði Una þá í viðtali.  Guðni Th. fór á þungarokkshátíð í Þýskalandi og hyllti Satan með alkunnri kveðju. Þá voru dóttir og sérfræðingurinn með í för en Eliza ekki sjáanleg. Reynir Traustason skrifar í Mannlíf að snjallræði sé að forsetafrúin Eliza Reid fari í framboð til forseta Íslands. Ég skrifaði þá pistil um mannlíf á Bessastöðum enda þarf gagnsæi að ríkja um embættið. Auðvitað er málið umdeilt. Í framhaldinu fóru forsetahjónin í heimsókn til gamla fólksins í Reykjanesbæ og fengu saltkjöt hjá Sjálfsbjörgu. Eliza setti inn færslur með myndum á facebók. Vísir fór í skaðastjórnun; Damage Control. “Ekki annað að sjá en hamingjan leiki við Bessastaðahjónin,“ skrifar Vísir. Eiríkur Jónsson.is fréttamaður kveður færslur Elizu eiga að “...slá á sögusagnir sem geisað hafa um land allt um hugsanlegan skilnað þeirra.“

 

FRIÐRIK KRÓNPRINS & UNGFRÚ CASANOVA

Í nóvember voru danskir fjölmiðlar uppfullir af því að Friðrik krónprins hafi notið kvöldstundar í Madríd með 46 ára mexikanskri konu að nafni Genoveva Casanova;  „...hygget sig med en kvinde i Madrid.“  Spánska tímaritið Lectura birti myndir af prinsinum og fyrirsætunni fyrrverandi á veitingastaðnum El Corral de la Morería “...der er kendt for sit flamencoshow.“ Skötuhjúin fóru síðan á heimili Casanovu þar sem krónprinsinn dvaldi um nóttina. “Við erum vinir,“ sagði hún í yfirlýsingu. Konungshöllin bað danska fjölmiðla að “...respektere privatlivets fred ... herunder kronprinsen.“ Þó það. Á Íslandi þarf Guðni Th. ekki að svara fyrir eitt né neitt; 4ða vald ríkisins veifar skotti og þiggur mola úr lófa.

Svartasta sviðsmynd er niðurbrot Íslands ...

Neyðarástand ríkir meðal 30 þúsund Suðurnesjamanna 10% Íslendinga eftir að glóandi hraunelfan rauf heitavatnsleiðsluna frá Svartsengi. Hætta er á að tugþúsundir Reyknesinga verði flóttamenn í eigin landi ofan á 3.700 Grindvíkinga og þúsundir hælisleitenda. Heitt vatn berst ekki til fólksins á Suðurnesjum né heldur til Leifsstöðvar á Keflavíkurflugvelli, KEF. Skúli Ágústs­son bygg­inga­tækni­fræðing­ur, sem unnið hef­ur fyr­ir HS Orku, varaði al­manna­varn­ir, viðbragðsaðila og HS Orku ná­kvæm­lega við hraun­flæðinu sem tók í sund­ur Njarðvík­ur­lögn. Skúli benti á þetta í netpósti til al­manna­varna, HS Orku, lög­regl­unn­ar og Grinda­vík­ur­bæj­ar þann 29. des­em­ber síðastliðinn, samkvæmt frétt mbl. Hann hélt því fram að varnargarður utan um Svartsengi leiddi hraun að Grinda­vík­ur­vegi og gæti tekið heitavatnslögnina í sundur. Það hefur nú gerst. Skúli hafði fyrst uppi varnarðarorð árið 2020.

HVE LENGI HEITAVATNSLAUST ...

Í raun veit enginn hve lengi verður heitavatnslaust. Suðurnesjamenn að minnsta kosti sumir telja þrjár vikur líklegar. Í nóvember/desember stóð ríkissjóði/almannavörnum til boða erlendis að kaupa Ketil; Boiler til varmaskipta sem hefði þjónað byggð á Suðurnesjum í neyðtilvikum. Því var hafnað. Versta sviðsmynd er að lagnir í jörðu skemmist sem taki langan tíma að lagfæra. Heitavatnslagnir skreppa saman um meter á hvern kílómeter þannig að lögnin hefur líklega skroppið verulega saman. Hætta er á að millilandaflug leggist af til skemmri eða lengri tíma. Heitavatnslagnir á flugvellinum eru nú þegar að frostspringa. Icelandair sendir eftir tankabílum til að flytja heitt vatn til KEF. Við erum að tala um mesta klúður á lýðveldistíma. Tetrakerfið gaf sig, neyðarlínan gaf sig, rafmagnslaust varð í Vogum og Kársnesi Kópavogs. Jón Magnússon skrifar um “vanrækslusynd stjórnvalda“ en RÚV og Stöð 2 lýsa atburðum sem spennandi fótboltaleik.

 

KREPPUR FYRRI TÍÐA SEM HJÓM

Kreppan 2008 og síldarhvarfið 1969 verða sem hjóm miðað við það sem framundan kann að vera hjá íslenskri þjóð. Skaftáreldar 1783 koma í huga þegar hugmyndir voru að flytja þjóðina til Jótlands. Vonandi raungerist hin svarta sviðsmynd ekki.  Fólk hírist í köldum húsum um ófyrirsjáanlegan tíma og þegar og tíma tekur að ná upp þrýstingi á kerfið. Við verðum að vona hið besta. Okkur er sagt í fréttum að „eitthvað sé til af efni,“ en Landsvirkjun heldur ekki varabirgðir svo þar er komið að tómum kofa. Verstu sviðsmyndir eru kolsvartar. Allt að 35 þúsund manns verði flóttamenn í eigin landi. Við kunnum að vera horfa upp á niðurbrot samfélags. Þjóðstjórn verði eini valkostur. Við gjöldum fyrir slóðaskap og aðgerðaleysi síðustu fimmtán ára. Þau sem stöðvað hafa uppbyggingu orkumannvirkja hafa ráðið landinu í hálfan annan áratug. Orkustofnun hefur í hálft annað ár stöðvað og tafið vinnsluholu Norðurorku í Eyjafirði. Þarf ég að útlista Hvammsvirkjun í Þjórsá? Spyrjið. Af hverju? Frá valdaráninu 2016 hafa Sjálfstæðisflokkur og Framsókn verið hækjur þessara myrkraafla. Allt með ötulum atbeina vinstri villtra á RÚV og Stöð 2. Við búum í landi síljúgandi fjölmiðla 4ða valds ríkisins.

 

AF HVERJU EKKI ÖNNUR LÖGN

Semsagt: Við erum nú þegar með 3.700 íslenska flóttamenn frá Grindavík, hugsanlega allt að tífaldast sú tala ef allt fer á versta veg á Suðurnesjum. Lagnir hafa eyðilagst í frosthörkum, flugsamgöngur lamast um ófyrirséðan tíma sem yrði reiðarslag. Þrjú ár eru síðan Reykjaneseldar hófust og allan þennan tíma hefur blasað við augum aðeins ein heitavatnsleiðsla frá Svartsengi. Spyrjið. Hvers vegna? Af hverju ekki önnur lögn? Slegið var varnargarði um Svartsengi sem ef marka má tæknifræðinginn beindi hrauni að lögninni sem var óvarin. Kerfið er fálmandi og ónýtt. Eldgos hófst á Suðurnesjum 06:02, 08.02.24. Þegar glóandi hraunelfan fór yfir lögnina var umræða á Alþingi um galopin landamæri fyrir hælisleitendur frá Palestínu sem hafa verið flóttamenn í þrjár kynslóðir allar götur frá 1948 á framfæri alþjóðasamfélagsins. Krafan er loftbrú milli Íslands og Palestínu um Egyptaland. Þetta fólk mun hafast við í fyrsta gettói landsins og hatast við land og þjóð.

 

AÐ VÍLA & DÍLA UM MANNSLÍF

Á Alþingi sakaði Þórhildur pírína BjarnaBen um að „...víla og díla með mannslíf“ á sama tíma og Suðurnesjamenn voru að missa heitt vatn. Pírínan sakaði BjarnaBen um að stefna mannslífum í hættu. Þetta er ekki hægt að skálda. Á þremur árum; 2022, 2023 & 2024 á grundvelli opinna landamæra koma hingað um 15.000 hælisleitendur, líklega 30-50 milljarða árlegur heildarkostnaður. Hvern einasta dag hækka skuldir í útlöndum sem fólkið í landinu greiðir vegna stefnu Alþingis  um opin landamæri. Kerfið er sprungið en það virðist engu skipta á Alþingi. Þetta er eins og Neró með fiðluna í Rómaborg.

 

LÆÐST UM LAUT, GIL & GÖTUR

Ríkissjóður galopinn gestum og gangandi meðan alþýða fólks, aldraðir og öryrkjar eiga ekki rödd en auðvitað hefur góða fólkið heimili sín harðlæst. Vinstri villtir og börn þramma á Austurvöll með fána Palestínu og lýsa stuðningi við hryðjuverkasamtök Hamas sem heita því að útrýma gyðingum, kristnu fólki og gera konur jafnréttháar geitum. Þeir sem efast um opin landamæri eru uppnefndir rasistar. Dyr eru galopnar hælisleitendum sem streyma til landsins með opinn reikning á ríkissjóð; fólkið í landinu. Þau sem víla og díla hafa selt fullveldi í hendur erlendu valdi sem leiðir til niðurbrots Íslands eins og við þekkjum; íslenskrar þjóðar, tungu og menningar.  Þau læðast um laut, gil og götur eins og ræningjarnir í Kardemommubænum uppnefnandi óbreytt alþýðufólk rasista:

 

Við læðumst hægt um laut og gil

og leyndar þræðum götur,

á hærusekki heldur einn,

en hinir bera fötur ...

 

Nú fyllt við höfum fötu og sekk,

af fæðu, drykk og klæðum.

Og allt í lagi eins og ber,

en fátt um það við ræðum.

Forsetinn & sérfræðingurinn ...

Nú hefur Mannlíf Reynis Traustasonar varpað því fram sem snjallræði að Eliza Reid forsetafrú bjóði sig fram til forseta Íslands en forsetakosningar fara fram 1. júní. Guðni Th. Jóhannesson forseti láti af embætti og fátt sé um boðlega frambjóðendur, skrifar Reynir og bætir við að nokkur eftirsjá sé af Guðna Th. Jóhannessyni. Reynir kveður Elízu hafa undanfarnar vikur verið á ferð um Dubai að kynna bók sína Sprakka, þar sem hún meðal annars fjallar um stöðu sína sem innflytjanda, konu og eiginkonu. Sprakkar eru sagðir vera kvenskörungar. Þau eiga þrjú börn fædd 2011, 2009 og 2007 en fyrir á Guðni dóttur 1994.

 

Á SLÓÐUM HAMAS-LEIÐTOGA

Dubai er ekki land heldur stærsta borg Sameinuðu furstadæmanna og því líklegt að Elísa hafi ferðast um furstadæmin ef marka má Mannlíf. Þar á meðal er Katar þar sem nokkrir helstu leiðtogar Hamas búa í lúxus en þeir eru metnir á fimmtán hundruð milljarða króna; US $ 11.000.000.000. Ekki fer sögum af því hvort Elíza hafi hitt þá til þess að ræða um aðstoð við flóttafólk frá Gaza eða umdeilda aðstoð Íslands.

 

FORSETINN & SÉRFRÆÐINGURINN

Guðni Th. hefur ekki verið með Elizu á ferðalagi. Forsetinn er sagður í „ansi nánum samskiptum“ við Unu Sighvatsdóttur sérfræðing á skrifstofu forsetans. Eliza og Guðni muni  því skilja að frá borði og sæng eftir kosningar. Myndum af Guðna og Unu úr nánasta umhverfi forsetans hefur verið dreift á netinu. Erfið mál hafa komið upp á Bessastöðum, alveg sérstaklega kynferðisáreitni þegar fólk var hrakið frá Bessastöðum. Stundin og DV skýrðu frá: “Maður sem hefur ítrekað verið sakaður um kynferðislega áreitni við starfsfólk á Bessastöðum heldur starfi sínu en þolendur hans flýja,“ var fyrirsögn DV. Málin voru hvorki kærð né rannsökuð af lögreglu líkt og tíðkast.