Sveitastelpan Halla Hrund sem varð "stelpa" Klaus Schwab ...

Hér verður að skrifa íslensku. Sveitastelpan Halla Hrund Logadóttir fór til starfa í sendiráðinu í Brussel 24 ára gömul eftir að hafa lokið BA í stjórnmálafræði frá HÍ 2005. Henni var boðin öll dýrð veraldar og þáði glitrandi borgarljós hinna útvöldu. Hún nam við London School of Economics og kom heim 2013 til þess að ýta úr vör School of Energy í HR. Þetta var þegar Ólafur Ragnar hóf Norðurslóða vegferð sína. Halla Hrund var send til Harvard í eitt helsta hreiður hinna ríku og voldugu; glóbalista þar sem hún stofnaði “Amerískt Norðurslóðasetur; Arctic Iniative.“ Einn ríkasti og voldugasti maður veraldar er bakhjarl Höllu Hrundar og Ólafs Ragnars. Eric Schmidt var annað hvort “hrint eða stökk“ úr forstjórastól Google 2011. Hann hrökklaðist úr stjórn Google 2020 fyrir drullumix með Pentagon, samkvæmt Business Insider og Pro-Publica. Uppljóstrari innan Pentagon “reisti fána“ og galt dýru verði; raised flags and paid the price.  

 

YOUNG GLOBAL LEADER 

Halla Hrund varð Young Global Leader; ungur heimsleiðtogi innan Davos árið 2019. Hún er í innsta hring, “stelpan“ hans Klaus Schwab sem hefur lofað að svipta okkur húsi, bíl og lifa sæl; Own Nothing and be Happy. Halla Hrund hampar titlinum Young Global Leader wefaranna en segist aldrei hafa unnið fyrir Davos! Þetta snýst hvorki um að vinna fyrir Davos né Schwab. Málið snýst um útsendara; flugufólk í feit embætti á heimaslóð til þess að keyra stefnu wefaranna í Davos og svipta þjóðríkin fullveldi undir alheimsstjórn í okkar tilviki íslenska lýðveldið. Klaus Schwab hefur státað af því að eiga flugufólk í vestrænum ríkisstjórnum. Schwab og Schmidt eru húsbændur Höllu Hrundar. 

 

ORKUSTJÓRINN SEM EKKI VILL VIRKJA

Árið 2021 varð hin fertugi stjórnmála- & hagfræðingur Halla Hrund orkustýra! Hvernig fór sú ráðning fram? Buðu verkfræðingar ekki fram krafta sína? Viðskiptablaðið fjallaði á dögunum um feril Höllu Hrundar í Orkustofnun undir fyrirsögninni: Orkustjórinn sem vildi ekki virkja. Það er orkuskortur í landinu og Halla Hrund vill ekki virkja! Halla Hrund hefur komið í veg fyrir borun Norðurorku eftir heitu vatni á Árskógsströnd í Eyjafirði. Norðurorka kærði Orkustofnun Höllu Hrundar. Allir muna orkuklúðrið á Suðurnesjum. Gæluverkefnin fá brautargengi. Vindmyllur Gulla græna verða á sem nemur tugþúsundum fótboltavalla vítt og breytt um landið. Ríkasti maður Bretlands kenndur við Rottuklett; Ratcliffe hefur keypt jarðir á Norð-Austurlandi sem nema sautján Þingvallavötnum. Þetta er ekki hægt að skálda.

 

KLANDUR HÖLLU HRUNDAR

Mannlíf hefur fjallað um “klandur“ Höllu Hrundar vegna Karenar Kjartansdóttur samskiptastýru Orkustofnunar fyrir vinnu að framboðinu á verktakalaunum frá Orkustofnun. Karen var gert að víkja úr starfi þar sem hún  hefði ekki skilað skýrslum fyrir stofnunina en hún var ötul í hatursmótmælunum á Austurvelli. Halla Hrund er að fá „...stimpil spillingar,“ segir höfundur Mannlífs. Mogginn hefur upplýst að Orkustofnun hyggist “... fylgja því eftir að verkbókhald og eða tímaskýrslur fylgi reikningum.“ Elítu feministar standa saman. Halla Hrund talar um forsetakosningarnar sem frjálsíþrótttamót en nefnir ekki lýðveldið; menningu og tungu. Halla Hrund mælir fagurgala en undir fögru skinni er fulltrúi hinna ríku og voldugu sem ásælast auðlindir okkar; fiskimið og orku.

Athugasemdir

[Sigurður Kristján Hjaltested, 29.4.2024 kl. 17:30]

Takk fyrir frábæran pistil.

Engvu við þetta að bæta.