Halla Hrund & refskák Ólafs Ragnars ...

Aldrei í sögu forsetakosninga hefur blekkingum verið beitt með jafn lævíslegum hætti til yfirtöku Bessastaða og í tilfelli Höllu Hrundar Logadóttur orkumálastjóra. Framboðið vandlega undirbúið til margra ára. Fingraför mannsins á bak við Höllu Hrund eru Ólafs Ragnars Grímssonar sem hefur plottað og planað stelpuna. Framboð hennar fékk vængi 22. mars sl. þegar RÚV birti auglýsingu “...frá gangnamönnum á Síðu“. Halla Hrund kom af fjöllum! Svo landsleikur í Póllandi. Þarna auðvitað eru fingraför stórmeistarans í refskák. Tímalínuna má rekja meir en áratug aftur.

 

FRÆÐIMAÐURINN, KATAR & HAMAS

Árið 2012 fór Ólafur Ragnar forseti til Harvard í Massachusets. „Forseti ræðir við fræðimenn,“ var fyrirsögn RÚV. Þar var maður að nafni Henry Lee kynntur til sögu, sagður vinna að skýrslu um orkubúskap Íslendinga, sagður fræðimaður. Henry Lee er enginn venjulegur “fræðanörd“ líkt og ÓRG gaf til kynna. Henry Lee er fulltrúi hinnar ofurríku Jassim M. Jaidah-fjölskyldu á topp 100 lista Forbes yfir ríkasta fólk heims. Katar er hið pólitíska höfuðsetur Hamas sem fjarstýrir Palestínu. Katar er eitt helsta hreiður ofbeldisstefnu Hamas. Hér er aðeins bent á hið augljósa.

Ári síðar hóf Ólafur Ragnar ráðstefnur í Hörpu um Norðurslóðir; Arctic Circle Assembly. Stjórnmálafræðingurinn Halla Hrund snéri heim og var rennt inn í HR í School of Energy. Árið var 2013. Halla Hrund var “stelpan“ hans Ólafs Ragnars. Hún varð virk á Norðurslóða ráðstefnum með Ólafi Ragnari. Árið 2017 var Halla Hrund mætt í Harvard sem stofnandi Amerískra Norðurslóða; Arctic Initiative með stuðningi hinna ríku og voldugu. Þar poppuðu upp Henry Lee og  Halla Hrund sem stofnendur og stjórnendur! Verður ekki skáldað.

 

Frami ungu sveitastelpunnar var skjótur. Árið 2019 var hún “Young Global Leader“ wefaranna í Davos og vann að “....kortlagningu breytingaþátta Norðurslóða“. Aldrei unnið fyrir Davos, segir hún. Jón Ólafsson á leið til LA tvítaði að Halla Hrund væri hans forseti. Jón bæjó undir radarnum vinur ÓRG hefur selt hinum ríku og voldugu stóran hluta í  Icelandic Water Holding  að Hlíðarenda í Ölfusi fyrir milljarða. Mogginn segir kínverska auðjöfurinn Jack Ma stærstan. Nefnir einhver afsal auðlinda ... stela vatninu ... auðlindagjald? Alsæl Halla Hrund hitti Al Gore sem hefur auðgast á loftlagsbransanum, metinn á 300 milljónir dollara litla +50 milljarða fyrir mestu svikamyllu sögunnar.

 

SPILLING FYRIR ALLRA AUGUM

Árið 2021 var tími Höllu Hrundar kominn á Íslandi. Tilkynnt var í janúar að fimmtán hefðu sótt um Orkustofnun. Halla Hrund var skipuð orkustjóri, spilling fyrir allra augum. Hún tók við í maí og hóf ferðalög vítt og breitt um heiminn, til Japan, Kína og Argentínu þar sem forstjóri Orkustofnunar átti fund með utanríkisráðherra Argentínu um orkuskipti!  Viðskiptablaðið gerði grín að tengslum ÓRG og stelpunnar: “Orkumálaráðherra Ólafs Ragnars á ferð og flugi.“ Starfsmönnum Orkustofnunar er ofboðið, líka utanríkisráðuneytisins sem þekkja alla innviði. Halla Hrund hefur með einbeittum hætti stöðvað orkunýtingu á tímum orkuskorts. Hún hefur ekki mátt vera að því að svara erindi Norðurorku um litla borholu í Eyjafirði. Þetta er ekki hægt að skálda.

 

HALLA HRUND & HERTAKAN Á AUSTURVELLI

Tíu árum síðar hefur Hamas numið land á Íslandi og reist búðir á Austurvelli fyrir framan Alþingi og svívirt þingheim. Allt er kolsvart í kringum hertöku Austurvallar. Karen Kjartansdóttur fyrrum framkvæmdastýra Samfylkingarinnar á launum Orkustofnunar án auglýsinga skipulagði hertöku Austurvallar ásamt Hamasliða þar sem palestínski fáninn var reistur og stytta Jóns Sigurðssonar svívirt. Hertakan var bein ögrun við íslenska lýðveldið og fólkið í landinu. Palestínski fáninn líka reistur við Stjórnarráðið þýðir að múslimar stefna á íslamskt ríki. Það er  leikið með eldspýtur á helgasta stað lýðveldisins.

 

ARFLEIFÐ ÓLAFS RAGNARS

Ólafur Ragnar kominn á níræðisaldur teflir refskák. Það kann að vera til þess að varðveita arfleifð og viðhalda Norðurslóðum með Höllu Hrund á Bessastöðum. Ólafur Ragnar er fæddur ári fyrir stofnun lýðveldisins. Ekki skal efast um hollustu hans og vonandi lifir hann 100 ára afmælið 2044. Hins vegar stefna útlend valdaöfl að því að gera Ísland að evrópsku útskeri. Senn eru 800 ár frá því Hákon gamli í bandalagi við Vatikanið sendi flugumenn á eftir Snorra Sturlusyni mesta syni Íslandssögunnar og drápu í Skálholti 1241. Þjóðveldið var kramið og Ísland varð norrænt útsker. Þjóðin þurfti að bíða í næstum sjö aldir eftir frelsi sínu með stofnun lýðveldis 1944 ...