Af laumuhlustun & skápahommum

Framvarðasveitir Ríkislögreglustjóra á fjölmiðlum okkar eru í yfirdrifi að dreifa ríkisáróðri í samvinnu við lyfjarisa og Íslenska erfðagreiningu. Blaða- & fréttamenn eru skilgreindir af fjölmiðlanefnd ‘framvarðasveitir‘ sem flytja ríkisáróður og þiggja til þess ríkisfé. Íhugið það gott fólk. Fjölmiðlar okkar flytja allir eina og sömu fréttina um covid; sumsé skapa rétta stemmningu. Sama á við um fréttir erlendis. Allir flytja sömu fréttina sem bergmálar um Ísland, Bretland, Þýskaland, Frakkland, Bandaríkin, Kanada á rauntíma; fréttir eru samstilltar Reuter, AFP, AP, CNN, BBC og rest í eigu hinna ofsaríku. Þannig er hlutum varið um allan hinn vestræna heim undir yfirskriftinni ‘Trusted News Iniative‘. Allt er þetta yfirlýst og skráð.

Frjáls pressa er ekki lengur við lýði á Vesturlöndum; lýðréttindi eru skert, málfrelsi heft, fólk sprautað, ferðir heftar, eftirlit alls staðar, umframdauði falinn. Ríkismiðlar Evrópu eru í bandalagi með davóskum fjölmiðlum beggja vegna Atlantsála um samstarf til að tryggja ofurvald hinna ríku og voldugu í bandalagi við glóbal-popúlíska ‘mennta-elítu‘ Sameinuðu þjóðanna og 101 metrópól veraldar.

Allir segjast hafa háleit markmið. Fjölmiðlanefnd kveðst vinna að ‘miðlalæsi almennings‘.

Frjáls umræða jaðarsett

RÚV hefur 6.6 milljarða króna milli handa til þess að þjóna og efla sívaxandi ríkisvald. Markmið RÚV er skýrt: Ísland skal sósíalískt lýðveldi, fullveldi þjóðarinnar skal selt undir erlent vald hinna ofsaríku elítu og búrókrata. Helstu fjölmiðlar okkar dreifandi ríkisáróðri fá 380 milljón króna ríkisstyrki; Stöð 2, Visir, Mogginn, Fréttablaðið, DV, Stundin vinnandi með facebók, youtube, google og rest jaðarsetja frjálsa umræðu. Þessir miðlar hafa fengið samheitið falsmiðlar því þeir selja sig undir eina ríkislygi. Nú býður sjónvarpstöðin N4 á Akureyri upp í dans, föl fyrir 100 milljóna ríkisfé og vill sameinast fréttum Rúvak um að dreifa ríkisáróðri. Svona breiðist veiran út. Það er bara pláss fyrir eina skoðun á Íslandi, eina ríkisskoðun. Mörg okkar munum Martein Mosdal.

Hvar óma raddir hlustenda?

Ein útvarpstöð leyfir öllum skoðunum að heyrast á öldum ljósvakans. Hafið þið hlustað á raddir hlustenda á Útvarpi Sögu, klukkustund eftir klukkstund alla daga? Allir fá að láta rödd sína hljóma. Spyrjið: leyfir RÚV röddum hlustenda að hljóma? Útvarp Sögu er refsað. Útvarp Saga fær ekki krónu í ríkisstyrk og sætir linnulitlum ágjöfum góða fólksins á ríkisstyrktu fjölmiðlunum. 

Á dögunum var Arnþrúður Karlsdóttir útvarpstjóri í viðtali á Stöð 2. Af því tilefni þurfti fréttamaður að niðurlægja hlustendur Sögu. Hann kvaðst hafa hitt miðaldra kennara sem hefði sagt að heyra mætti hverjir væru að laumuhlusta Útvarp Sögu. Já sæll, skrítið fólk laumuhlustar Sögu. Þetta fannst fréttamanninum fyndið.

Sú var tíð að það voru bara til skápahommar í felum. Það þurfti hugrekki til að koma út úr skápnum. Nú þykir sjálfsagt að vera hommi og enginn þarf að fela sig. Getur verið að sá dagur renni brátt upp að fólk kannist ekki við að hlusta á ríkisstyrkta Stöð 2 & RÚV ropandi úr iðrum en allir hlusti á frjálst og óháð Útvarp Sögu?

Sannleikurinn finnur alltaf leið að lýsa upp myrkrið ...

Athugasemdir

[Baldur Gunnarsson (IP-tala skráð) 21.12.2022 kl. 09:17]

Um leið eru staðreyndir sem afhjúpa hinn opinbera áróður,

nefndar ,,falsfréttir" og ,,upplýsingaóreiða."

- Too funny ;) 

[Guðmundur Örn Ragnarsson (IP-tala skráð) 22.12.2022 kl. 19:23]

Sú var tíð að til var Ríkisútvarp Guðsríkis á Íslandi stofnað 1927. Þessi stöð leyfði aðeins eina skoðun, einn boðskap, eitt fagnaðarerindi fyrir allan heiminn. Hún boðaði Jesú Krist sem frelsara heimsins.

Arthur Charles Gook stofnaði þessa útvarpsstöð á Akureyri. Sendingar stöðvarinnar, sem var langbylgjustöð með 4,5 kW styrk, náðust um heim allan, jafnvel í Ástralíu.

Um svipað leyti var íslenska ríkið farið að undirbúa útvarpsstöð. Stjórnarskipti höfðu orðið á Íslandi og sú stjórn sem tók við völdum, afturkallaði útvarpsleyfi það, sem veitt hafði verið Ríkisútvarpi Guðsríkisins á grundvelli þess að Stöðin hefði ekki leyfi til reksturs ,,gaman-útvarps”. Útvarpsstöðin var því aðeins starfrækt í tvö ár.

RÚV var stofnuð og fékk einkaleyfi til útvarpsrekstrar árið 1930. Nú 92 árum síðar er eins og Ríkisútvarp Íslenska ríkisins hafi tekið upp á því að fylgja fjölmiðlum Höfðingja þessa heims, leyfa aðeins eina skoðun, einn boðskap, eitt fagnaðarerindi, HEIMSMARKMIÐ, Markmið Antikrists, Markmið um sjálfbæra þróun fyrir allan heiminn.