Lygari afhjúpaður fyrir opnum tjöldum ... keisarinn er án fata

Nú hefur Volodymyr Zelensky verið afhjúpaður frammi fyrir opnum tjöldum; leikari sem hefur leikið hlutverk í leikriti fyrir luktum dyrum frammi fyrir óvitum og kjánum alls ófróðum um sögu mannkyns, fávís um harmleik okkar tíðar. Leikari sem leitt hefur helför þjóðar er þjóðhættulegur lygari. Þegar hann steig á stóra sviðið í Washington þá mætti hann mönnum sem vissu betur. Pótemkintjöldin voru dregin frá og í ljós kom að keisarinn er í engum fötum. Berassaður leikari var leiddur út úr Hvíta Húsinu.

 

BROTIN PLATA

Zelinsky fór til Lundúna þar sem Kier Stormer hlustaði á brotna hljómplötuna meðan Dísa Reykaás sló falsnótur á landsfundi Sálfstæðismanna og óupplýstir kjánar tárfelldu. Um alla Evrópu eru óvitar í valdastólum berassaðir, afhjúpaðir sem þjóðhættulegir kjánar kyrjandi sömu bábyljuna. Öllu stýrt: “Við stöndum með þér.“ Nazistakveðja Frostrósar ein sú versta. „Slava Ukraini.“ Úfff. Platan er brotin. Kristrún við fótstall leikarans með NB-8 kjánunum í Kyiv trúði hverju orði. Myndin er afhjúpandi. Togga töff segir að Úkraína gangi fyrir, fötluðu börnin okkar verða að bíða.

 

FEILNÓTUR ÞEIRRA

Mette Frederiksen fulltrúi Frostrósar í London hitti Stormer og leikarann. „Friður er hættulegri en stríð,“ segir Mette. Sannleikurinn leitar alltaf upp. “Ekkert er hulið sem eigi verður opinbert, né leynt sem eigi verður kunnugt,“ sagði Jesú. En lygaveita ríkisns með brotinn tónsprota mun halda áfram að slá feilnótur, Stöð 2, Vísir og Mogginn og rest. Niðurbrotið verður algört líkt og þegar Berlínarmúrinn og Sovétið hrundu sem spilaborgir. Stormer hyggst leggja hald á rússneskar eigur; frozen assests sem er þjófnaður. Kjarnarnir halda sig við leikþátt; playbook kókaínfíkils og ætla að biða Ameríku um að verja bak sitt. Það verður ekki gert. Litla fólkið heldur áfram evrópskri helför sem getur ekki endað í öðru en stríði.   

 

Trump gaf út yfirlýsingu: “...Margt kom fram það sem áður var hulið. Það er magnað hvað birtist með tilfinningum ... Zelinsky er ekki tilbúinn fyrir frið, honum finnst þátttaka okkar gefa sér drjúgt forskot í samningaviðræðum ... Ég vil ekki forskot, ég vil FRIÐ ... Hann getur komið aftur þegar hann er tilbúinn fyrir frið.“

Lygar og blekkingar Zelinsky í Hvíta Húsinu ...

Zelinsky vísað á dyr Hvíta Hússins er heimsögulegur viðburður sem boðar endalok Úkraínu-stríðsins nú þegar bundinn er endir á getu einræðisherrans í Kyiv til að tortýma eigin þjóð með því að heyja stríð, stríð, stríð í stað þess að leita friðar. Zelinsky sjúgandi í nös, nuddandi nef vanvirti Bandaríkin, Trump forseta og J.D. Vance varaforseta. Hann sakaði Vance um upphrópanir og bölvaði: Tíksonur, andskotans tíkarsonur; Cyka Blyad á úkraínsku/rússnesku. Ferð Zelinsky til Washington var lokatilraun til að fá Bandaríkin til að fjármagna hernað sinn og fá bandaríska hermenn á vígvellina í Austurvegi; US Boots on the Ground. Með því hefði þriðja heimstyrjöldin hafist; World War III. Emmanúel Macron og Kier Starmer höfðu reynt það í vikunni án árangurs. Trump kvaðst vilja vera friðarforseti sem stofnar ekki til styrjaldar. Sjá hér. Litla fólkið reitir hár sitt yfirkomið af reiði. 

 

ZELINSKY ÓGNAR HEIMSFRIÐI

Trump kvað Zelinsky ógna heimsfriði: “Þú gamblar með World War III. Án okkar hefur þú engin spil á hendi.“ JD Vance kvað Trump reyna að bjarga úkraínsku þjóðinni með því að leita friðar en ekki styrjaldar. ... “Við verðum að fá friðarviðræður; diplomacy.“ Eftir fundinn kvað Trump Zelinsky ekki tilbúinn fyrir frið. “Zelinsky getur komið þegar hann er tilbúinn fyrir frið.“ Síðustu fimm mínútur af um 50 mínútna fundi í Oval Office mótuðust af hörðum orðaskiptum eftir að JD Vance greip inn í umræðuna. Zelinsky tók þá orðið og fór með lygavaðal sem hann hefur gert allt stríðið. Hann sagði: “OK. Svo hann [Pútin] hernam land okkar, stóran hluta af austur Úkraínu og Krímskaga. Rússar hófu stríðið 2014 og enginn stöðvaði Pútin... Nú mun Trump forseti stöðva hann[Pútin]. En árið 2014 stöðvaði enginn Pútin. Hann bara hertók. Hann drap fólk ... Árin 2014-2022 var staðan söm. Fólk hefur dáið á vígvöllum, enginn stöðvaði hann ...“.

 

Vance benti á að Zelinsky ætti í erfiðleikum með að manna herinn. Zelinsky svaraði ekki en Vance sagði þá: “Og heldur þú að þú sýnir virðingu hér í Oval Office og ræðst á stjórnvöld sem eru að reyna að koma í veg fyrir tortýmingu þjóðar þinnar...“. Þá greip Zelinsky til Rússagrýlunnar og sagði Rússa munu koma yfir hafið; over the Ocean þá greip Trump fram fyrir vitleysuna.

 

SLÁANDI LYGAVAÐALL

Lygavaðall Zelinsky er sláandi og gengur gegn öllum staðreyndum mála. Deilan 2014-2022 var innanríkisdeila en ekki við Rússa. Hún reis eftir valdarán CIA; Coup d‘Etat í Kyiv 2014 sem leidddi Nato að landamærum Rússlands. Donbass og Luhansk lýstu yfir sjálfstjórn innan Úkraínu. Kyiv lýsti óbreytta rússneska íbúa hryðjuverkamenn. Stjórnvöld fóru með stríði á hendur óbreyttum íbúum A-Úkraínu. Þeir kölluðu herförina: ... anti-terrorist-operation. Minsk-sáttin 2015 gekk út á að um væri að ræða úkraínska innanríkisdeilu. Rússar neituðu aðkomu að deilunni þar til eftir átta ára hernað, að Rússar gripu í taumana. Friðarsamningar náðust í Istanbúl en Vesturveldin komu í veg fyrir frið þegar Boris Johnson fór til Kyiv í apríl 2022.

 

ZELINSKY & LITLA FÓLKIÐ Í EVRÓPU

Zelinsky hefur getað logið að litla fólkinu í Evrópu en forseti og varaforseti Bandaríkjanna sjá í gegn um hann. Úkraína er lögregluríki. Zelinsky ofsækir pólitíska andstæðinga, bannar flokka og shjanghæjar ungmenni á götum, ofsækir presta og stefnir á útrýmingu ortódox kirkjunnar með lögum nr. 3894/2024. Um 1500 orthódox kirkjur hafa verið yfirteknar og færðar ómerkilegri ríkiskirkju með fjárstuðningi Biden-stjórnarinnar. Íslenskir ráðamenn óvitar og kjánar hafa látið ljúga að sér allan þennan tíma með skelfilegum afleiðingum, stofnað til hatursbandalags NB-8 á landamærum í Austurvegi. Aldrei hafa leiðtogar Íslands, né nokkurar Nato-þjóðar austan Atlantshafs nefnt frið, aldrei.

 

Frostrós frosta sendi kveðju: BKærasti Zelinsky … Slava Ukraini." Frostrós slúttar eins og fáfróð kona með ný-nazista kveðju. Togga töff sakar Trump um að plana niðurlægingu Zelinsky og Dísa Reykás kvaddi á landsfundi XD: "Bandaríkin eru ekki málsvarar frelsis." Þetta er ekki hægt að skálda. Prófessor Guðmundur Hálfdanarson varð sér og stétt sinni til skammar á lygaveitu ríkisins með fákunnáttu um stærstu atburði okkar tíðar. Nýr forseti í Hvíta Húsinu krefst friðar nú þegar hálf önnur milljón Úkra og Rússa hafa fallið á vígvöllum A-Úkraínu en Evrópa krefst styrjaldar. Hvað eru evrópskir leiðtogar að fela?

Stefna Kristrúnar ógnar þjóðaröryggi ...

Frostrósin okkar var í Osló á fundi krataflokka eftir hörmullegt klúður sitt í Kænugarði með hinum sigruðu á lokadögum Zelinsky í T-bolnum. Hún hefði átt að halda sig á Íslandi, fylgjast með dauðateygjum stríðsstjórnar Zelinsky úr fjarlægð og friðarfrumkvæði Bandaríkjanna. En nei. Hún tók lest til Kyiv með litla fólkinu og tvöfaldaði framlag Íslands til vopnakaupa í 3.6 milljarða í ár, eftir að hafa beðið fólkið í landinu um tillögur til að spara. Frostrós hækkaði stríðsframlag okkar til Úkraínu í 27 milljarða; hvert er kick-backið. Ísland sagt í bandalagi NB-8; Norðurlanda og Eystrasaltsríkja. Þetta bandalag hefur tekið að sér að vopnvæða úkraínsk herfylki í styrjöld við Rússa, langfjölmennustu þjóð Evrópu. Við erum í hatursbandalagi með þjóðum sem eiga landamæri með Rússlandi. Stefna Frostrósar er þjóðhættuleg. Hún ógnar þjóðaröryggi. Hún gengur gegn íslenskum þjóðarhagsmunum og hegningarlögin taka á því.

Í lestinni hefur Frostrós hlustað á Mette gagga; “Friður er hættulegri en stríð.“ Orwellskt ekki satt? Frostrós gengur út frá stríði: „Vopnahlé sé á réttum forsendum...ekki stoppa stríðið sama hvað,“ segir Frostrós í viðtali við Morgunblaðið. Konan bullar. Stríðið hefur varað í þrjú ár, allan þann tíma hafa Evrópuleiðtogar aldrei rætt frið. Græni T-karlinn gætti þess að litla fólkið færi ekki hænufet út á meðal íbúa Kænugarðs. Frostrós tók ekki hænufet út fyrir sápukúlu græna T-karlsins.

ÓGNIN VIÐ BANDARÍSKT ÞJÓÐARÖRYGGI
Evrópskir leiðtogar toga þjóðir Evrópu stöðugt nær allsherjarstríði við Rússa. Hins vegar lítur Trump-stjórnin á stríð við Rússa sem ógn við bandarískt þjóðaröryggi. Stríð við Rússa getur leitt til kjarnorkustríðs. Friður við Rússa sé eina leiðin út. Trump kveðst vilja vera friðarleiðtogi og efla viðskipti. Stefna Evrópuþjóða getur leitt til eyðingar vestrænnar siðmenningar, en það svo sem hefur verið á dagskrá glóbalista. Fyrir 8 árum skrifaði ég grein í Fréttablaðið; Aðförin að vestrænni siðmenningu. Frostrós er þegar allt kemur til alls femin-glóbalisti sem tekur evrópska hagsmuni fram yfir íslenska.

"Friður er hættulegri en stríð" ... pólitískt sjálfsvíg Kristrúnar ...

Frostrós Frosta í Kænugarði með hinum litlu leiðtogunum sem gaggandi hænur á lokadögum Zelinsky í græna T-bolnum er ein spaugilegasta pólitíska sýning sem sett hefur verið á svið. Við erum vitni að lokadögum Úkraínu-stríðsins. Við eru vitni að endalokum útþenslu Nato og ESB í Austurveg. Stóru strákarnir eru víðs fjarri. Rússar hafa hrundið fimmtu árás Vesturlanda á Rússland; fyrst Svía árin 1240 og 1708, Napóleóns 1812, Hitlers 1941 & nú 2014-2025. “Friður er hættulegri en stríð,“ segir hin danska Mette Frederiksen. Hún var fulltrúi Íslands á neyðarfundinum í Elyssée-höll!!!

 

KICK-BACK MÚTUR

Íslensk þjóð varð vitni að pólitísku sjálfsvígi Frostrósar sem laumaði 2 milljörðum að græna T-kallinum meðan heilbrigðis og menntamál eru í ólestri, vegakerfi ónýtt og mannréttindi eru brotin á börnum með kynvæðingu í skólum baki luktum dyrum. Ísland hefur lofað 27 milljörðum til vopnakaupa í Úkraínu. Doge uppljóstranir Elon Musk sýna fram á lævíslegt kerfi sem kallast Kick-back mútur til Kænugarðs borgað af US-aid. Aldrei hefur íslenskur forsætisráðherra gengið gegn þjóðarhagsmunum með jafn afdrifaríkum hætti og Frostrós hefur gert á stuttum tíma í embætti. Litla fólkið frá örríkjum Norðurlanda og Eystrasaltsins steytti hnefa og krefst heimstyrjaldar. Þarna voru líka Justin Trudeau á leið út og Úrsulu Leyen sem enginn talar við.

 

HERFÖR GÖMLU NÝLENDUVELDANNA

Tilraun gömlu nýlenduveldanna til að leggja undir sig Rússland og skipta upp í 5-10 smáríki hefur mistekist. Athyglivert að Bretar, Frakkar, Þjóðverjar og Ítalir voru ekki í Kænugarði. Emmanuel Macron í Washington að ræða við Donald Trump, Keir Starmer fer í vikunni, forseti Póllands hitti Trump um helgina. Þjóðverjar héldu kosningar. Litlu leiðtogarnir heimta stríð og steyta hnefa í garð risavelda Bandaríkja og Rússlands. Donald Trump kveðst vera friðarforseti og vill fækka um helming í herjum risaveldanna. Litla fólkið grettir sig. Stríð er betra en friður, er hrópað! Þið munið 1984 George Orwell. Við eigum í deilum við Bandaríkin og Rússland, langfjölmennasta ríki Evrópu. Litlu kjánarnir vita ekki að ný heimskipan er tekin við. Einpóla veröld er horfin. Stórveldin eru þrjú – fjölpóla veröld; Kína, Ameríka og Rússland fjórða mesta efnahagsveldi heims stærra en Þýskaland án orku í frjálsu falli.

Af hrútspungafýlu frú Sæland & eiturpennum Heimis Más

Við erum að sjá pólitíska umræðu sem ekki hefur sést frá dögum Kalda stríðsins. Inga Sæland sem loks heldur landsfund hefur farið áratugi aftur í tímann í árásum út í bæ. Hún sagði í ræðustól Alþingis að hrútspungafýlu leggi frá Hádegismóum og réðst á Jón Steinar Gunnlaugsson líkt og hann hefði framið glæp. Minn gamli vinur JSG hallar sér í áttrætt þvælist fyrir frú Sæland. Heimir Már Pétursson nýr áróðursmeistari Ingu fer áratugi aftur í tímann í pólitískum ofsóknum: “Eiturpennar á Mogganum án alls siðgæðis.“ Ummælin voru óvenju ósvífin árás á blaðamenn. Raunar bætir Heimir Már hrútum við lýsingu sína. Í allri sinni fréttamennsku hefur Heimir Már ávallt haldið fram hagsmunum vinstriafla; allaböllum, Vg og Samfó. Morgunblaðið upplýsti að Inga Sæland og sonur hennar hafi fengið leiðbeiningar frá Skattinum og lofað að halda landsfund “...bráðlega.“ Það var ekki gert. Málatilbúnaður fjármálaráðherra um “...góða trú“ féll um sjálfan sig. Enginn hefur spurt Ingu um þær 240 milljónir sem Flokkur fólksins þáði. Hvað varð um peningana? Heimir Már kveður ekkert athugavert við fjármál Flokks fólksins. “Með slíka öndvegisbyrjun er næsta víst að hann og Inga Sæland munu eiga góða daga saman í gefandi og uppbyggilegu samstarfi,“ sögðu Staksteinar. Flokkur fólksins í hendarhug útilokar XD frá stjórn borgarinnar. Af hverju ætli það sé? Frú Sæland í villta vinstrinu. Kemur það á óvart?

Danir yfirgefa velferð fyrir styrjöld við Rússa ...

Mette Frederiksen, fulltrúi Frostrósar og Toggu í París, var ofuræst nánast sturluð á TV2, sagði að velferð, menntun og grænu hagkerfi verði skipt út fyrir hervæðingu og stríð við Rússland. “Vi ma ha markant skifte til forsvar ikke bare bare kongeriget Denmark men hela Nato. Velferd, det grönne og skoler og alt mugligt andet skal væk. Russerne er den reel trussel mod Europa.“ Sjá viðtal við Metta á TV2. Danska þjóðin fær tillögurnar innan fárra daga. „Vi kalder det kæmpkraften.“ Um ógn Rússa við Evrópu sagði Donald Trump um helgina: “...Not even a little bit.“ JD Vance sagði í Munchen að ógn Evrópu komi innan frá?

THE HILL: MAD KING OF KYIV VEÐJAR Á STYRJÖLD
Frostrósin okkar boðar ferð til Kænugarðs 3.400 kílómetra í burtu. Við vitum nú að $100Billion; hundrað milljarðar dollara hafa horfið í Kænugarði – fimmtán þúsund milljarðar. Vestrænir stjórnmálamenn, Hollywoodstjörnur og blaða/fréttamenn hafa jafnan þegið svokallað kickback. Bílfarmar af dollurum og evrum farið vestur á bóginn. The Hill kallar Zelinsky The Mad King of Kyiv sem veðjar á styrjöld, ekki frið. Kómizar Kaja Kallas vill skipta Rússlandi upp í 3-5 smáríki. Hvaða erindi á forstýra okkar í Kænugarði? Togga gerði ferð í Austurveg að fyrsta verki sínu. Togga ofuræst á rúvinu kvað engan frið verða án Brussel. Togga leit illa út, ótilhöfð með timburmenn allt í kring um sig. Trump vill bara frið og dollarana $350Billion sem fóru til Úkraínu. Bara endurskoða reikningana! Það er allt of sumt. Af hverju allar þessar stressuðu konur og karlar sem skæla líkt og gerðist í Munchen.

Einangrun Pútins rofin - Stríð Bidens í Úkraínu ...

Forseti Bandaríkjanna, Donald Trump segir að Úkraínu-stríðið sé styrjöld Bidens; Biden’s War. Það hafi verið mikil mistök að lofa aðild Úkraínu að Nato. Stríðið í Úkraínu hefði aldrei átt sér stað ef hann hefði verið forseti. Trump kveðst vilja vera friðarforseti, ekki stríðsforseti. Útþensla Nato hófst á tíunda áratug 20. aldar þrátt fyrir loforð Vesturlanda til Mikhail Gorbatsjov um “Ekki þumlung austur; Not an Inch East” gegn því að Þýskaland yrði sameinað. Loforðið var svikið og Nato þandist út til A-Evrópu sem og ESB útþensla ókosinna búrókrata í Brussel.

DRAUMAR HERFORINGJANNA RÆTAST
Herforingjar fengu drauma sína uppfyllta. Balkanskaga var hleypt í uppnám og loftárásir gerðar á Serbíu1999. Svo hófust endalausu stríðin í löndunum sjö; Afghanistan, Írak, Súdan, Lýbía, Sýrland, Sómalía og aðeins Íran er eftir af listanum. ESB og Nato-aðild Úkraínu og Georgíu var mótuð á fundi í Búkarest 2008. Þá sögðu Rússar hingað og ekki lengra. Nato í Úkraínu er eins og sovéskar eldflaugar á Kúbu 1962 og Kína með herafla í Mexíkó á okkar tíð.

EINANGRUN RÚSSA ROFIN
Macron boðar neyðarfund í París því Trump ætlar að koma á friði! Trump hefur bundið endi á einangrun Rússa sem ekki var boðið á “friðarviðræður í Sviss.” Yfir milljón úkrar eru sagðir fallnir og nýjasta útspilið er að stríð bara í nokkra mánuði í viðbót þýði hrun rússneska hersins og Pútins. Lygaveita ríkisins kallaði allaballann Árna Þór Sigurðsson til þess að ljúga því að Rússland Pútins sé á barmi hruns; bara þrauka í fáeina mánuði og fórna fleiri lífum úkranískra ungmenna. Rússland er langfjölmennasta þjóð Evrópu; 4ða mesta efnahagsveldi veraldar með öflugasta her heims.

Frostrós og Togga kyrja möntruna um Úkraínu í Nato í stað þess þess að halda sig til hlés eins og Færeyingar. Þær ætla í ESB! Hefur einhver reiknað hvað brjálæðið kostar fólkið í landinu? Sturlun þessa er ekki hægt að skálda.

Ísland útkjálki Evrópu á ný ...

Okkar næsti nágranni Grænland sækist eftir sjálfstæði og frelsi undan danskri nýlendukúgun. Við eigum að standa með Grænlendingum og gera að helstu viðskiptaþjóð okkar. Ríkisstjórn Íslands sækist eftir að vera þátttakandi í stríðsátökum í Úkraínu þangað sem íslensk ungmenni verða send á vígvelli ef draumur ríkisstjórnar Íslands rætist um aðild að ESB á brauðfótum. Kókaínfíkill með brostna rödd vill stofna evrópskan her til þess að berjast við Rússland langfjölmennasta ríki Evrópu, fjórða mesta efnahagsveldi veraldar, mesta herveldi okkar tíðar.

ÞAU ÞRÁ HEIMSTYRJÖLD

Það eru líklega allt að milljón Úkrar fallnir. Bandaríkin segja hingað og ekki lengra en vinstri menn þrá þriðju heimsstyrjöldina. Þeir eru í sárum af því forseti Bandaríkjanna talaði við Vladimir Pútin og af vinsemd um Rússa. Joe Biden gerði hvorugt í fjögur ár. Frostrós og Togga hafa uppi ágreining við tvö öflugustu ríki veraldar; Bandaríkin og þær eru í stríði við Rússland. Frostrós segir: "Úkraína verður að sigra Rússa." “Bandaríkin breytir ekki stefnu Íslands,” segir Togga. Þær eru út á þekju, kjánar ófærar um að leiða þjóðina.

ÞEGAR DANIR RÆNDU ÍSLENSKU GULLI & SILFRI
Ísland var útkjálki Evrópu um aldir undir danskri nýlendustjórn. Eftir að Jón Arason biskup var hálshöggvinn 1550 rændu Danir öllu gulli, silfri og verðmætum úr klaustrum og kirkjum. Það tók Dani fimmtán ár 1555-1570 að flytja verðmætin úr landi. Þegar því var lokið komu þeir á einokunarverslun 1602-1787. Þeir bönnuðu öðrum þjóðum aðgengi að landinu, svipað og þeir hafa einangrað Grænland. Við eigum samleið með Nuuk og verðum að gæta að verða ekki evrópskur útkjálki á ný.

HRÆSNI HINNA ÓKJÖRNU
Evrópu er stjórnað af ókjörnu fólki í Brussel sem prédikar lýðræði en lifir ekki lýðræði heldur beitir ritskoðun, höftum og ofursköttum, segir utanríkisráðherra Indlands Prasad Jaishankar sem bendir á hræsnina í Evrópu. Það var við hæfi að varaforseti Bandaríkjanna JD Vance hafi rassskellt evrópska elítu í Munchen. “Ógnin kemur ekki frá Rússlandi, hún kemur innan frá,“ sagði Vance. Milljónir hælisleitenda eru ógn við vestræna siðmenningu, sagði Vance. Brussel og evrópsk elíta þráir stríð. Við eigum að standa vörð um hagsmuni og frelsi Íslands, íslenska menningu og tungumál á krossgötum milli Evrópu og Ameríku. Tallinn, Riga, Vilnius og Kænugarður eru fjarri Íslandsströndum.

Eldræða JD Vance í Munchen ...

Varaforseti Bandaríkjanna J.D. Vance hélt mestu eldræðu bandarísks varaforseta þegar hann ávarpaði öryggisráðstefnuna í Munchen í Þýskalandi. Ræða sem allir verða að hlýða á hvaða skoðun sem þeir hafa. Lygaveita ríkisins í uppnámi, Vísir og Stöð2 fara á taugum. “Öryggisógnin er ekki frá Rússlandi og Kína heldur innanfrá,” sagði Vane. Í salnum var Kristrún Frostadóttir forsætisráðherra. Ræða Vance var skörulega flutt sem var að vonum enda afar öflugur ræðumaður. Ræðan var haldin í skugga hryðjuverks í Munchen daginn áður. Vance gagnrýndi ógildingu kosninga í Rúmeníu á dögunum þegar Cálin Georgoescu var kjörinn forseti. Vance gagnrýndi fyrrum kómizarinn Thierre Breton sem fagnaði og kvað hugsanlega þurfa ógilda kosningar í Þýskalandi á sunnudag í næstu viku ef úrslit fara ekki að vilja ESB.

GRÉTA THUNBERG & ELON MUSK
“Við eigum ekki bara að ræða lýðræði, við verðum að lifa lýðræði,” sagði Vance sem minnti á Kalda stríðið milli lýðræðisríkja og kommúnista sem lokuðu kirkjum, ritskoðuðu, fangelsuðu og breyttu kosningum að geðþótta. Vance benti á hatursorðræðu sem dæmi um tilraun evrópskra stjórnvalda til þess að bæla raddir fólks. Hann benti á mannréttindabrot í Þýskalandi, Svíþjóð og Bretlandi; dóm yfir Adam Smith Connor 51 árs Breta fyrir að biðja í hljóði fyrir utan fósturdeyðingarkliník fyrir ófæddum syni sínum sem fyrrum kærasta hafði látið deyða í móðurkviði. Hann benti á hugarglæpi í Skotlandi. Og auðvitað Bandaríkin undir Joe Biden þar sem facebók var notuð til að ljúga því að covid hafi ekki komið frá rannsóknarstofu í Kína. Heyrir Alma? Vance gagnrýndi taumlausan innflutning hælisleitenda. Hver kaus þessa stefnu? “Ameríka þoldi skammir Grétu Thunberg í áratug, þið eigið að líða Elon Musk í nokkra mánuði,” sagði Vane.

Kynvæðing barna að baki luktum dyrum ...

Skólakerfið kynvæðir börn og ungmenni að baki luktum dyrum. Foreldrar sem vilja fylgjast með innandyra er vísað á dyr og ofsóttir af fólki á ríkisfé. Foreldrum ætti að vera frjálst að fylgjast með kennslu barna sinna. Að sjálfsögðu. Auðvitað á að opna skólana og ræða námskrá við foreldra; 14.9% barna og ungmenna í 9-10. bekk vera samkynhneigð, tvíkynhneigð pankynhneigð eða eikynhneigð. Auðvitað á að hætta kynvæðingu barna. Eldur Smári formaður Samtakanna ’22 hefur stefnt Bergsteini Sigurðssyni fréttamanni, RÚV og Samtökunum ’78 fyrir pólitískar ofsóknir á ríkisfé.

BÖRN ÞORA EKKI Í SKÓLA
Nú hafa fjölmiðlar hafið umræðu um ofbeldi innan skóla. “Börn þora ekki í skóla,“ sagði á forsíðu Morgunblaðsins í byrjun viku. Fámennur hópur ræður ríkjum í Breiðholtskóla. Börn hafa orðið fyrir andlegu, líkamlegu og kynferðislegu ofbeldi. Stúlka sem tekin var kverkataki missti meðvitund. Borgin sér ekkert, heyrir ekkert, segir ekkert. Villta vinstrið er að rotta sig saman um nýjan meirihluta í nafni feminisma. Það verður bara svartara. Ríkisstjórn feminista heldur fram kynvæðingu barna í skólum, wók og trans. Karlar inn á kvennasalernum, karlar í íþróttum kvenna. Feministar ganga á mannréttindi barna og kvenna. Þeir segja að kynin séu 73 en ekki tvö; karl og kona. Þessi stefna endar auðvitað á ruslahaugum sögunnar. Vindar eru að snúast úti í hinum stóra heimi en á Íslandi ríkir miðaldamyrkur í skjóli lygaveitu ríkisins sem beitir þöggun og pólitískum ofsóknum.