Hinn nýi guð Vatikansins ...

Vatikanið hefur gefið út silfur evru frá 2002 með esb-stjörnum en eins og fólk veit þá kveðst páfi vera staðgengill Drottins á jörðu. Þetta er snotur bísniss því silfurevra Vatikansins hefur söfnunargildi; gefin út í takmörkuðu upplagi, selst jafnan upp og hækkar í verði. Fyrsta silfurevra Vatikansins 1€ var af Jóhannesi Páli páfa, svo hafa komið út seríur með Benedikt páfa og Francis páfa sem hefur agiterað fyrir nýrri ríkistrú 21. aldar, Krislam. Francis páfi boðar að kristni & islam rúmist í einni og sömu persónu. Nú er silfurevran 20€. Evru prentsmiðjur eru í yfirgír líkt í Ameríku vegna styrjaldar og plágu svo þessar traustu myntir gjaldfalla með auknu framboði og okkur óbreyttu alþýðufólki er sendur reikningurinn. Mun þarna komin skýring á 20€ silfurevru ... Maður spyr sig. Frá stofnun ameríska Seðlabankans 1913 hefur verðlag í Ameríku hækkað um 2.921.92% samkvæmt nýjum tölum enda hafa allar götur síðan geisað styrjaldir & plágur í mannheimum.

Á nýjustu silfurevru Vatikansins er páfa hvergi að sjá en kominn er nýr staðgengill guðs í Vatikaninu. Það er vaksínsprauta í höndum sérfræðinga sem boða að við eigum að treysta vísindum því þau viti best enda verði allt að gulli í höndum Bill Gates og big-pharma. Læknir og hjúkka með sprautu í hönd standa yfir ungri manneskju og sprauta, ja eigum við að segja vaksíni frá Pfizer líkt og á Íslandi sem leggur allt sitt traust á vísindin. Svo örugg voru KataJak, Willum, Svandís, BjBen, Þórólfur, Alma & Víðir að íslenskri þjóð var smalað í Höllina til að testa pfizer. Myntin er merkt Citta del Vaticano; borgríkinu Vatikan.

Terror í nafni frelsis og lýðræðis & stolin olía til Evrópu

Stríðið í Sýrlandi hófst fyrir tólf árum, 2011 með uppreisn Isis gegn ríkisstjórn Assad Sýrlandsforseta. Ég hef áður sagt ykkur frá því að Bandaríkin í tíð Obama fjármögnuðu Isis hryðjuverkasamtökin. Ég hef sagt ykkur frá og sýnt myndir af senator John McCain með leiðtogum Isis. Þegar Isis var búið að gera nægilegan óskunda árið 2014 sendu Obama & Biden amerískt herlið til Sýrlands í nafni frelsis og lýðræðis. Bashar-Al-Assad stjórnin var sökuð um hvers kyns stríðsglæpi. Corporate-Main-Stream-Media MSM í órofa bandalagi við facebook google og evrópska ríkismiðla sjá um að uppfræða okkur í nafni Trusted News Initiative. Sama frétt fer á rauntíma um öll Vesturlönd. MSM eru í eigu Black Rock og Vanguard sem eiga allt sem framleiðir allt; own everything that makes everything. Upppsretta auðsins er Federal Reserve í eigu prentaranna sem selja pappírsdollar á 150 krónur. 

Ameríka er enn í Sýrlandi. Norð-austurhéruðin eru hernumin. Okkur er sagt að Ameríka sé að verja héraðið fyrir grimmdarverkum Assad sem sé skúrkur sem beiti efnavopnum á eigin þegna. Amerísk lygi fer hringinn um heiminn í boði Trusted News. Al-Tanf herstöðin í Raqqa á bökkum Efrat er helsta ameríska vígið. Isis náði borginni á sitt vald á sínum tíma. Biden-stjórnin segist vera með small forces in partnership with indigenous ground forces. Ameríka er að verja frelsi og lýðræði fyrir harðstjóranum Assad. Hljómar vel, ekki satt? En er raunverulega svo? 

  Olían seld til Evrópu

Sýrland er hernumið land og Bandaríkin stela allt að 83% af olíu Sýrlands sem þeir flytja til Íraks og þaðan hvert annað en til Evrópu. Snoturt ekki satt? Amerísk/evrópsk ný-nýlendustefna. Tugir þúsundir olíufata af hráolíu fara daglega yfir landamærin til Íraks. Olíutrukkar undir hervernd streyma yfir landamærin; hundruð trukkar fram og til baka, fram og til baka, sem hér má sjá.  MSM sér um lygina; rúv&co afritar og birtir. Evrópa bakkar Ameríku í vestrænni frelsis- og lýðræðisför í Sýrlandi alveg eins og Úkraínu. Vesturlönd eru sögð hafa stolið sýrlenskri olíu fyrir 100 milljarða dollara og flutt drjúgan hluta til olíuþyrstrar Evrópu.

Endalausar styrjaldir hafa geisað frá falli Sovétríkjanna. Þemað er jafnan að leiðtogar ríkja utan Vesturlanda eru rægðir af vestrænum fjölmiðlum, sakaðir um ofbeldi gegn þegnum sínum áður en Kaninn og Nato fara á vettvang. Skúrkurinn Bin Laden var sagður í felum í Afganistan, Saddam Hussein var með efnavon í Írak, Ghaddafi var ógnvaldur í Líbýu, Assad með efnavopn í Sýrlandi, MiloÅ¡ević var dreginn fyrir Alþjóða glæpadómstólinn eftir loftárásir á Belgrad Serbíu. Í þrjátíu ár sem liðin eru frá falli Sovétríkjanna liggja í valnum á annan tug milljónir múslima; milljónir ýmist farlama eða misst heimili og tugir milljóna á flótta. Allt í boði Nato og Ameríku. Hinir raunverulegu stríðsglæpamenn eru Clinton, Bush, Obama og Biden.

Hin fornu menningarríki múslima hafa verið sprengd á steinöld til þess að útbreiða vestrænt frelsi og lýðræði. Þetta var kallað war on terror en það eru Vesturlönd sem hafa fært þessum þjóðum terror í nafni frelsis og lýðræðis. Nú er verið að sprengja Úkraínu á steinöld og Pútin er sagður skúrkur. Það á að búta Rússland í nokkur ríki því neo-con hugveitur Pentagon; Rand & New American Century telja Rússa ógna amerískum heimsyfirráðum 21. aldar. Öllum evrópsku stelpunum finnst Biden aðalgæinn á ballinu í Davos. Hvað er heimstyrjöld milli vina. Stelpurnar falla fyrir Biden með sólgleraugun. Biden býður í dans og dýrlegar veitingar. Kata og Þórdís þiggja boðið jafnvel þó Biden sé þjófur og lygari. Sá versti frekar en næstbesti. Þetta er ekki hægt að skálda. Stoltenberg er stoltur af framgöngu Íslands fyrir að skrifa undir íslenska aðild að hryðjuverkaárás Ameríku og Noregs á þýsku þjóðina með því að sprengja Nord Stream. Spaugilegt að CIA laumar villuljósi um sex manns á snekkju í Eystrasalti og tengir við Úkraínu en Kænugarður neitar!

 

  10% to the Big Guy

Óli kanslari náði Biden í mitti í Washington á dögunum og í febrúar 2022 þegar Biden lofaði heiminu: We will bring an end to it [Nord Stream] I promise you. Óli stóð við hlið hans og kinkaði kolli. Samkvæmt Laptop-from-Hell tekur Biden 10% af dílum Hunters; 10% for the Big Guy. Nú lofar Óli litli Leopard skriðdrekum til Úkraínu til stríðsrekstrar gegn Rússlandi 62 árum eftir að skriðdrekar Hitlers stormuðu Kænugarð. Þetta er ekki hægt að skálda. Quisling fagnaði nazistum í Noregi fyrir 62 árum og Stephan Bandera í Úkraínu. Quisling er norskur þjóðníðingur en Bandera úkraínsk þjóðhetja. Sagan gleymir ekki. Fjölmargir borgara-blaðamenn líkt og ég; citizen-journalists fjalla um glæpi Biden og Ameríku þó við elskum Bandaríkin. Gamli jaxlinn Sy Hersh, fyrrum foxarnir Glenn Beck, Clayton Morris, Lou Dobbs og hin flotta Lara Logan, svo nokkur séu nefnd afhjúpa keisarann í engum fötum. Epoch Times, The Cradle, And We Know, Rebel News fleiri, fleiri og fleiri fræða. Sannleikur leitar alltaf upp á yfirborðið, lygin morknar og rotnar.

Af Biden stóra bróður & Scholz litla bróður ...

Olav Scholz kanslari Þýskalands var kallaður til Washington fyrir helgi. Þýskum blaðamönnum var bannað að ferðast með kanslaranum til Washington. Engar óþægilegar spurningar, bara vinnuferð litla bróður. „Hvers vegna ferðu þangað, útskýrðu fyrir okkur,“ mælti Fredrich Merz leiðtogi kristilegra dómókrata í Bundestag. Af þessu tilefni birti tímaritið Stern – Stjarnan meðfylgjandi mynd á forsíðu af litla bróður Olav Scholz með stóra bróðir Joe Biden. Áfram Stóri Bróðir. Myndin segir allt sem segja þarf, ekki satt? „Heppinn Joe Biden ... Í deilum við Rússland og Kína höldum við áfram að fylgja USA. Ein Gluck, dass er Joe Biden gibt – im Konflick mit Russland und China können wir uns wieder die USA verlassen.“

USA NICHT UNSEREN FREUND

Víðtæk og vaxandi mótmæli eru í Þýskalandi en auðvitað eru þau þögguð. Kollegar mínir virðast telja að með því að þegja & þagga sé óþægilegum sannleika bægt frá. Petr Bystr þingmaður AfD sem á sæti í utanríkisnefnd Bundestag segir stöðugt fleiri vísbendingar um að Bandaríkin hafi egnt Rússland í stríð. Samningar hafi nánast verið í höfn milli Rússlands og Úkraínu síðastliðið vor en Bandaríkin og Bretland hafi komið í veg fyrir friðarsamninga í Istanbul. Bystr segir að ef marka megi fréttir um Nord Stream séu Bandaríkin ekki vinir Þýskalands; nicht unseren freund sbr þetta viðtal. Á Evrópuþinginu hefur ítrekað verið krafist rannsóknar og bent á aðild Ameríkana og Norðmanna að Nord Stream.

Þingmaðurinn kveður Biden og Boris Johnson hafa komið í veg fyrir friðarsamninga í Istanbul í apríl 2022. Boris stormaði til Kænugarðs 9. apríl þegar friður virtist innan seilingar, sbr. mynd af viðræðum. Boris  lofaði fé og vopnum. Mogginn segir að Zelinskyi sé Churchill okkar tíðar. Zelinskyi bannar málfrelsi, bannar stjórnarandstöðu, bannar frjálsa fjölmiðla, ofsækir trúaða, fangelsar og drepur stjórnarandstæðinga. Níu dögum eftir að stríðið hófst var samningamaðurinn Denys Kireyev myrtur. Kireyev hafði talað fyrir friðarsamningum. Lík hans var skilið eftir á götu í Kænugarði öðrum til viðvörunar. Hvers á Churchill að gjalda? Hvenær opnast augu vina minna? ...

   SPRENGING Í OHIO

Gríðarleg sprenging var í East Palestine Ohio 3. febrúar með skelfilegum afleiðingum svo var sem kjarnorkuský yfir bænum. Þessi atburður hefur ekki vakið mikla athygli, fremur en hryðjuverkið í Eystrasalti. Atburðinum hefur verið líkt við Chernobyl, skelfileg mengun með hroðalegum afleiðingum fyrir náttúru og heilsu fólks, margt er á huldu um orsakir. Joe Biden hefur ekki séð ástæðu til að heimsækja íbúa Ohio. Innviðir í Ameríku eru í niðurníðslu; flugvellir, járnbrautir, hafnir, innrás á suðurlandamærum USA glæpagengi smyglandi fetanyl sem árlega fellir 70.000 ungmenni ásamt yfirþyrmandi fátækt sem er viðhaldið í borgum demókrata. Árlega falla mun fleiri fyrir dópvæðingu Ameríku vegna opinna landamæra en tuttugu ára Víetnamstríði. Á sama tíma spreðar Biden yfir hundrað milljörðum dollara í stríðsrekstur í Úkraínu. Augu Ameríku eru að opnast, fólk áttar sig á að fátækt og kynþáttahyggja eru valdatæki demókrata. Ameríka er að sjá hvers kyns Biden er, Olav lýtur honum sem stóra bróður líkt og Stern bendir á; Þýskaland sér í gegn um Scholz.

Sprengja Ísland í loft upp ... jafnvel líka Bretland

Í vinsælum þætti í rússneska sjónvarpinu RU.tv 2 í janúar, minnti einn helsti álitsgjafi Rússlands, gyðingurinn Yevgeny Satanovsky á að til greina komi að „...sprengja Ísland í loft upp“. Þann 19.janúar vitnaði Haukur Hauksson fyrrverandi fréttamaður RÚV og nú Útvarps Sögu í  orð Satanovsky sem hafði vísað til orða Vladimirs Shirinovsky [1946-2022] sem vildi gera Ísland að fangaeyju. Raunar bætti Yevgeny Satanovsky við að ef Nato róast ekki þá líka að sprengja Bretland með Posedon flaug til þess að vara Vesturlönd við og sérstaklega Bandaríkin. Satanovsky sagði orðrétt:

„Aðalóvinur okkar eru Bandaríkin, þau óttast gereyðingu og þeim kemur mjög illa að missa nokkra tugþúsundi hermanna hvar sem þeir er; ef til vill þurfum við að taka slíkt á okkur. Rússland þarf að byrja tilraunir á kjarnorkusprengjum annars staðar en á Novaja Zemlja, margir möguleikar ... Ég minni á orð Zhirinovskys um að sprengja Ísland í loft upp ... Hins vegar eru [líka] aðrar eyjur sem eru mannlausar ... góður kostur síðan, ef þeir róast ekki er að sprengja upp Stóra Bretland með Poseidon [flaug] ... Allt Nato er í stríði gegn okkur í Úkraínu ... Við þurfum að láta þá trúa á hótanir okkar.“

Daily Mail fjallaði um hótun Zhirinovsky 26. maí 2016 og taldi helst að hann ætti við Færeyjar, Orkneyjar eða Shetlandseyjar. Satanovsky hins vegar er skýr um að eyjan er Ísland og þá taka út Reykjanesskaga þar sem Keflavíkurflugvöllur er. Rússar telja að Vesturlönd þurfi að læra að þekkja, virða og stafa ógn af geigvænlegan rússneskum hernaðarmætti.

 

  DÓMDAGSÞOTAN TIL ÍSLANDS

Heimsstyrjöld er dauðans alvara. Ísland hefur tekið þátt í hryðjuverki USA & Noregs á rússneska gasleiðslu í Norðursjó með geigvænlegum afleiðingum og árás á þýsku þjóðina. Raunar komu kafarar frá Stokkhólmi til að koma sprengjum fyrir á Baltops æfingu Nato í júní, að sögn bandarísks herforingja, svokallaðs whistleblower. P8 þotunni sem virkjaði sprengjuna að morgni 26.september 2022 var flogið frá Íslandi. Það þarf lítinn neista til að kveikja bálið. Daginn eftir að Vlaldimir Pútin ógilti START kjarnorkusáttmálann lenti DÓMDAGSÞOTA Bandaríkjahers á Keflavíkurflugvelli og bandaríska sendifrúin á Íslandi ásamt fylgdarliði stormaði suður á Keflavíkurflugvöll til móttöku. Væntanlega hefur verið mikið dáðst og hlegið dátt. Hvaða íslenskt fyrirmenni var þar? Þotan samræmir kjarnorkuherafla á landi og í sjó. Hvað eru íslenskir ráðamenn að hugsa? Keflavíkurflugvöllur er alþjóða flugvöllur, er ekki svo. Hvers vegna eru íslenskir ráðamenn og ögra Rússum bendandi á Keflavíkurflugvöll, virkir þátttakendur í hryðjuverki gegn Rússland og síðast en ekki síst lama Þýskaland?

 

  ÚKRAÍNA Í HLEKKJUM HELSIS

Satanovsky þjónaði sem leiðtogi Jewish Congress í Rússlandi. Hann vill hengja úkraínsku gyðingana Joseph Zissels, leiðtoga Vaad-nazista og Igor Kolomoisky stofnanda Azov-nazista. Kolomoisky er guðfaðir gyðingsins Zelinskyi sem hefur bannað málfrelsi, bannað stjórnarandstöðu, bannað fjölmiðla, ofsótt trúaða, fangelsað og drepið stjórnarandstæðinga og lét skjóta þá sem í apríl 2022 vildu friðarsamninga við Rússa. Ísland neitaði að lýsa yfir stríði á hendur Þýskalandi í öðru heimsstríði. Ísland er í fremstu víglínu í þriðja heimsstríði? Má segja um Kef að völlurinn sé svo vitnað sé í þekkt ummæli: ... clear & present danger to Russia? ... Hvað þýðir það?

ÍSLAND ÞÁTTTAKANDI Í ÁRÁS USA & NOREGS Á ÞÝSKU ÞJÓÐINA

Þegar Nord Stream gasleiðslan var sprengd 26. september 2022 kl. 02:03 og kl. 07:04 var bandarísk P-8 þota yfir skotmarkinu. P-8 þotan hafði tekið á loft frá Keflavíkurflugvelli og haldið til Eystrasaltsins rúmlega þriggja tíma flug. Þotan flaug yfir gasleiðsluna og síðan yfir til Póllands og var klukkustund og 20 mínútur að taka eldsneyti í 26 þúsund feta hæð. Það er afar langur tíma og til merkis um að verkið hafði ekki klárast. Eftir eldsneytistöku var þotunni flogið út yfir Eystrasaltið á ný, lækkaði flug og hóf aðflug að Nord Stream í síðara skiptið og var yfir leiðslunni kl. 07:04.

   

ÍSLAND VIRKUR ÞÁTTTAKANDI Í STRÍÐINU

Þessar upplýsingar staðfesta aðild Íslands að mesta hryðjuverki og mengunaratviki í sögu Evrópu þegar bandarískar og norskar sérsveitir gerðu árás á þýsku þjóðina og eyðilögðu rússneska gasleiðslu sem hafði fært Þýskalandi og V-Evrópu ódýrt gas. Ísland er virkur þátttakandi í stríði Vesturlanda gegn Rússlandi.

Tvö atvik komu fram á jarðskjálftamælum nóttina 26.09; hið fyrra og smærra kl. 02:03 og hið síðara miklu mun öflugra kl. 07:04 þegar P8 þotan var aftur yfir gasleiðslunni. Sex af átta sprengjum sprungu. Þrjár af fjórum leiðslum eyðilögðust. Það þurfti tvö aðflug yfir Nord Stream til að ljúka verkinu. Áður hafði bauju verið varpað í sjóinn með Raytheon sónar, nokkurs konar byssugikkur.

 

 

   

GEIGVÆNLEG MENGUN Í EYSTRASALTI

DR – Danmarks Radio skýrir í dag frá því að ný rannsókn leiði í ljós að sprengingin og afleiðingar hennar hafi leitt til dreifingar eiturefna af hafsbotni sem nemi ellefu rúmkílómetrum. Hið gífurlega magn eiturefna sé að hafa geigvænleg áhrif á lífríki og dýralíf í Eystrasaltinu. Rannsóknin er unnin af dönskum, pólskum og þýskum vísindamönnum, þar á meðal Hans Sanderson við Árásóarháskóla. Um er að ræða hvers kyns þungmála, blý og þrávirk eiturefni, meðal annars frá botnmálningu skipa; eiturefni sem hafa safnast upp frá upphafi iðnvæðingar. Vísindamenn telja að 250.000 tonn af eiturefnum hafi þyrlast upp af hafsbotni undan ströndum Skandinavíu, Þýskalands og Póllands.

VAR ÍSLAND UPPLÝST - GAF ÍSLAND SAMÞYKKI?

Norsk, dönsk og sænsk stjórnvöld munu hafa verið upplýst en Þjóðverjum var haldið óupplýstum. Ákveðið var að P8 þotan flygi frá Íslandi en ekki USA eða Kanada. Bretar munu hafa hafnað því að þotan flygi frá breskum herflugvelli. Var Ísland upplýst um árásina líkt og Noregur, Danmörk og Svíþjóð?

Bandaríkjamenn fóru frá Keflavíkurflugvelli árið 2006. Er Keflavíkurflugvöllur undir íslenskri stjórn? Eftir að Úkraínustríðið braust út hafa verið stöðug og vaxandi hernaðarumsvif á Keflavíkurflugvelli og allt að tólf P8 þotur verið samtímis á vellinum. Þotum hefur verið perkerað á svokallaðan Top-Ramp sem þýðir mikinn viðbúnað. Spurt er: Hvað er um borð í þotum á Top-Ramp? Flugvöllurinn er okkur sagt, að sé undir íslenskri stjórn Isavia svo íslenskir fjölmiðlar geta spurt um hernaðarumsvifin. Hvað veit Isavia um flug P8 þotunnar frá Íslandi sem var yfir sprengjustað kl. 02:03 og 07:04 26.09 2022?

Gaf Ísland samþykki sitt fyrir stríðsaðgerð gegn Rússlandi og Þýskalandi sem leiddi til mesta menungaratviks í sögu Evrópu frá Chernobyl í Úkraínu? Spurningunni mega fjölmiðlar beina til Katrínar Jakobsdóttur og Þórdísar K.R. Gylfadóttur.

STRÍÐSAÐGERÐ – ACT OF WAR

Jake Sullivan öryggisráðgjafi Biden stýrði aðgerðum úr Eisenhower byggingunni gegnt Hvíta Húsinu. Umdeilt var í aðgerðarhópnum að halda þýskum stjórnvöldum óupplýstum: „...Allir litu á þetta sem stríðsaðgerð gegn Rússlandi og jafnvel Nato-þjóðinni Þýskalandi ... act of war ... Biden hafi valið að láta Þýskaland frjósa í pólitískum tilgangi en ekki með þjóðarhagsmuni í huga. Biden Chose To Let Germany Freeze For Strictly Political & Not National Security Purposes,“ skrifar John Basham fyrrum hermaður US Army, sérfræðingur í upplýsingatækni og veðurfræðingur.

Olav Scholz kanslari andmælti ekki þegar hann stóð við hlið Joe Biden í Washington þegar forsetinn hótaði að „...bring an end to it [Nord Stream], I promise you. We can do it.“ Kanslarinn sagði ekki orð. Í kjölfari Nord Stream hækkaði verð á gasi og tveimur dögum eftir hryðjuverkið tóku Norðmenn í notkun Baltic-gasleiðsluna til Póllands. Norskt og danskt gas flæddi til Evrópu á mun hærra verði en Rússagasið hafði kostað enda verð rokið upp við hryðjuverkið. Að sögn Sy Hersh fremsta blaðamanns Vesturlanda síðustu 50 ár, völdu norskir sérsveitarmenn og sérfræðingar staðinn undan Borgundarhólmi. Bandarískir kafarar í borgaralegum klæðum frá flota- og björgunarmiðstöðinni í Panama City Flórída komu fyrir sprengjum á Baltops22 Nato æfingu í júní 2022. Að loknu verki voru kafararnir sóttir af norskum kafbát. Það þótti of snemmt að sprengja í júní, svo finna varð leiðir til að virkja sprengjurnar þegar Biden gæfi skipun sem svo kom í september. Orkulaust Þýskaland er lamað, af-iðnvæðist í frjálsu falli líkt og Evrópa. 

ÚKRAÍNA LYKILL AÐ LAMA RÚSSLAND

Í bók sinni The Grand Chessboard 1997 lýsir neo-con Zbigniew Brzezinki hvernig Úkraína sé lykill að því að lama Rússland til að tryggja stöðu Ameríku sem stórveldi 21. aldar. Sterkt Þýskaland við dyragætt Rússlands með alla sína olíu, gas og málma ógni amerískum yfirráðum yfir Evrópu. Það þurfi að loka á náin samskipti Þýskalands og Rússlands. Þarf að útskýra frekar? Nord Stream hryðjuverkið sló tvær flugur í einu höggi. Hryðjuverkið var innan við mánuði frá því norska þingið samþykkti varnarsamning við Bandaríkin. Fjórar bandarískar herstöðvar í Noregi fengu sömu stöðu og Keflavíkurflugvöllur á árunum 1951-2006; bandarísk lög og leynd gilda innan herstöðvanna: Rygge Østfold í nágrenni Moss, Sola skammt frá Stafangri ásamt Evenes og Ramsund í N-Noregi.

Norsk árás á þýsku þjóðina

Í byrjun júní 2022 samþykkti meirihluti norska Stórþingsins varnarsamning við Bandaríkin sem markaði  mestu þáttaskil í norskum utanríkismálum frá 1949 þegar Noregur gekk í Nato. Vinstri & hægri blokkirnar tóku höndum saman undir forystu Jónasar Gahr Støre forsætisráðherra gegn jaðarflokkum. Fjórar bandarískar herstöðvar í Noregi fengu sömu stöðu og Keflavíkurflugvöllur í den; bandarísk lög og leynd gilda innan herstöðvanna; Rygge Østfold í nágrenni Moss, Sola skammt frá Stafangri, Evenes og Ramsund í N-Noregi.

   Árás innan mánaðar

Innan við mánuði frá samþykkt Stórþingsins höfðu Noregur og Bandaríkin gert árás á þýsku þjóðina með því sprengja Nord Stream gasleiðsluna 29.júní 2022. Árásin í Eystrasaltinu er ein skæðasta efnahagsárás sögunnar og hafði í för með sér stórfellda metan mengun. Bandarískar sérsveitir komu sér fyrir í Noregi við skipulagningu og Norðmenn völdu staðinn í Eystrasalti skammt frá Borgundarhólmi.

Norsk P-8 þota varpaði stýri bauju í sjóinn þremur dögum fyrir sprenginguna örlagaríku sem svipti Þjóðverja ódýru gasi og skilur eftir berskjaldaða fyrir vetrarhörkum.  Samþykkt Stórþingsins var keyrð í gegn um þingið í upphafi sumars meðan norska þjóðin hafði hugann við sól og sumar. Árásin er auðvitað á rússneska gasleiðslu en þýska þjóðin er þolandi sem á allt undir ódýru gasi. Þýskir stjórnmálamenn hafa snúist gegn þýskum almenningi í pólitísku valdatafli.

 

   Rússum kennt um

Rússum er kennt um árásina sem Jói Biden hótaði með Ólaf Stolz kanslara sér við hlið í Washington í febrúar 2022. “We will bring an end to it,“ sagði Biden. Bandaríski verðlauna blaðamaðurinn Sy Hersh uppljóstraði um árásina í ítarlegri grein en CNN, Washington Post og New York Times þagga. Þýskir falsmiðlar hafa  þurft að hagræða og breyta skoðun sinni á Hersh. Fyrir uppljóstrun sína kallaði Der Spiegel Hersh „...legendary American journalist, world famous“ sem upplýsti um My Lai fjöldamorðin í Víetnam 1970 og pyntingar í Abu Ghraib fangelsinu í Írak 2004. Eftir uppljóstrun er Hersh „...controversial who in a poorly written blog post“ heldur því fram að US hafi sprengt gasleiðsluna. Þetta er auðvitað bara grátbroslegt. Ég hef ekki séð falsmiðlar okkar segja frá uppljóstrun Sy Hersh. Þeir sjá ekki, heyra ekki, segja ekkert. Hversu vandræðaleg er vestræn blaðamennska, hversu vandræðaleg er íslensk blaðamennska?

Macgregor: 700.000 Rússar undir alvæpni ...

Morgunblaðið gerir því nú skóna að stórsókn Rússa sé hafin undir fyrirsögn: „Stöðva þarf Rússa áður en þeir sækja lengra í vestur.“ Herskáum Mogga-tón linnir ekki, þarf ekki frekar að semja frið? Rússar eru að láta hné fylgja kviði. Mogginn hefur eftir varn­ar­málaráðherra Úkraínu, Oleksí Resni­kov, að Rússar hafi kallað til „mun fleiri“ her­menn en 300 þúsund, tel­ur hann töl­una vera nærri 500 þúsund.

   Macgregor: Rússar tífalt öflugri

Ráðherrann fer nærri um, en Douglas Macgregor ofursti kveður um 700 þúsund rússneska hermenn í Úkraínu eða við landamærin albúna til stórsóknar gegn þegar gersigraðum her Úkraínu. 80.000 sjálfboðaliðar hafi boðið sig til herþjónustu. Rússland hafi nú þegar unnið stríðið í Úkraínu. Að minnsta kosti 150-160 þúsund úkraínskir hermenn séu fallnir og saknað í bardaga, jafnvel allt að 200 þúsund. Rússneski herinn sé tífalt öflugri en sá úkraínski; stórskotalið og eldflaugar gereyði úkraínska hernum. Der Spiegel: Ukraine Losing Hundreds of Soldiers Every Day. Paník í Berlín. Þeir sem eftir séu í Úkraínu líklega 18-19 milljónir þar af 4 milljónir í austurhlutanum. Yfir 10 milljónir hafi yfirgefið landið, tvær milljónir voru í V-Evrópu fyrir stríð. Það er líklegt að Úkraína verði örríki umhverfis Kænugarð. Pólverjar fái V-Úkraínu til baka.

   Herkvaðning: 16 ára & 60+ karlar

Herútköll hafa verið tólf  talsins, nú síðast 16 ára unglingar og 60+ karlmenn. Þetta minnir á þriðja ríkið fyrir 80 árum. Því lengur sem stríðið heldur áfram því meiri hörmungar. Úkraína er hrunin, innviðir rústir einar. Mannfall rússneska hersins sé 10-15% af úkraínska hernum. „Það veldur mér hugarangri að fólk á Vesurlöndum lætur sig örlög úkraínsku þjóðarinnar ekkert varða,“ segir Macgregor ofursti skriðdrekaforingi í Flóabardaga 1991, Balkanskaga & Júgóslavíu. Hann er gagnrýnandi herskárrar stefnu Bandaríkjanna undanfarna áratugi. Hann hætti herþjónustu ári eftir innrásina í Írak. Macgregor var ráðgjafi Hvíta Hússins í tíð Dónalds Jóns og tilnefndur til embættis sendiherra í Þýskalandi en stríðshaukar Washington komu í veg fyrir staðfestingu hans.

Til þess að skilja atburði 2016-2023 verða menn að átta sig á að Dónald Jón Trump lofaði að draga Bandaríkin út úr Endalausum styrjöldum. Stríðshaukar í báðum flokkum snérust gegn forsetanum; neo-cons & neo-libs í þágu Military Industrial Complex & lyfjarisa Big-Pharma. Frá falli Sovétsins hafa geisað Endalausar styrjaldir & plágur. Dónald Jón kom á friði í Mið-Austurlöndum; steig fæti á N-Kóreu; hvatti Zelinskiy til að velja sættir og semja við Pútin. Þegar seníll Jói Biden kom upp úr kjallaranum í Delaware þá var "kveikt" í Úkraínu. Þetta er amerískt stríð alveg eins og stríðin í ríkjum múslima. Stórveldisdraumar ESB eru sem brunarústir, Evrópa án orku er púnteruð.

Sy Hersh: Ameríka & Noregur sprengdu Nord Stream

Hvernig Ameríka tók niður Nord Stream, er fyrirsögn greinar eftir fremsta rannsóknarblaðamann veraldar, Seymor Sy Hersh sem lýsir nákvæmlega aðdraganda. Kafarar frá Köfunar- & björgunarmiðstöð Bandaríkjanna í bænum Panama City í Flórída sprengdu Nord Stream leiðsluna í september 2022 í samvinnu við norsku leyniþjónustuna og flotann. Í júní höfðu kafararnir tekið þátt í BALTOPS 22 æfingu Nato í Eystrasalti. Þeir komu fyrir sprengjum við þrjár af fjórum leiðslum sem sprungu þremur mánuðum síðar. Noordstream 1 hafði séð Þýskalandi og V-Evrópu fyrir ódýru rússnesku gasi í áratug. Nordstream 2 var tilbúin en ekki starfandi. Biden-stjórnin  leit á gasleiðsluna sem ‘rússneskt vopn’ sem yrði að eyðileggja. Þegar hún sprakk 29. september 2022 neituðu Hvíta Húsið og CIA aðild þegar fréttamenn spurðu: „Þetta er lygi og algjör skáldskapur,“ sagði Hvíta Húsið, benti á Rússa og meginmiðlar dilluðu rófunni.

Þegar í upphafi litu bandarísk stjórnvöld á ódýrt Gazprom gas sem ógn við yfirburðastöðu Bandaríkjanna í Evrópu. Nordstream 2 hefði tvöfaldað gassölu til V-Evrópu og verið Rússlandi dýrmæt tekjulind. Litið var á Nordstream 2 sem ógn og ósigur Biden ef gas rynni um leiðsluna. Ósigur á pari við útreiðina þegar Ameríka hrökklaðist frá Afganistan svo vakti upp minningar um útreiðina í Víetnam fyrir næstum 50 árum. Í febrúar 2022 hafði Biden með Ólaf Scholz kanslara sér við hlið sagt: „...það verður engin Nord Stream 2. Við munum enda hana; we will bring an end to it.“ Í september 2022 kvað Blinken utanríkisráðherra felast mikið tækifæri að fjarlægja Nord Stream: „It’s a tremendous opportunity to once and for all remove the dependence on Russian energy.“ Ameríka hryðjuverkaríki.

   Noregur fullkomin miðstöð

Bandaríkin hafa aukið mjög viðbúnað sinn í Noregi á undanförnum árum. Þeir hafa byggt upp aðstöðu fyrir flota- og flugher í Noregi og hlera djúpt inn í Rússland. Í nóvember 2021 samþykkti norska þingið viðbótar varnarsamning; Supplementary Defense Cooperation Agreement sem veitir ameríska lögsögu í tilteknum herstöðvum, ekki ólíkt Keflavíkurflugvelli í den sem auðvitað var amerískt landsvæði. Harðlínugarpurinn Stoltenberg er framkvæmdastjóri Nato, einkavinur KötuJak. „Hann er hanskinn sem passar á amerískar hendur. He is the glove that fits the American hand,“ skrifar Hersh. Í mars 2022 fór sveit til Noregs til fundar við norsku leyniþjónustuna og flotann til að kortleggja hentugan stað til að sprengja. Norðmenn bentu á stað skammt undan Borgunarhólmi. Sveit kafara frá Panama City var flogið til Noregs. „Það kann hafa verið bónus fyrir Norðmenn. Eyðilegging Nord Stream gerði Noregi kleyft að auka gassölu til Evrópu.“ Koma varð í veg fyrir að Danir og Svíar hefðu veður af plotti Kana og Norðmanna. Kersher skrifar að Norðmenn hafi lagt til að sprengjunum yrði komið fyrir á BALTOPS æfingu Nato. Það þóttu of augljós tengsl að sprengja í júní, svo finna varð leiðir til að stilla sprengjurnar þegar Biden gæfi skipun sem svo kom í september.

   Norsk P8 varpaði baujunni í sjóinn

Þann 26.september 2022 flaug norsk P8 eftirlitvél yfir staðinn og lét falla bauju sem virkjaði sprengjurnar á hafsbotni, fyrst Nort Stream 2 og svo 1. Hryðjuverk Bandaríkjanna og Noregs hafði heppnast fullkomnlega, eitt mesta mengunarslys sögunnar og enginn sagði neitt. Neo-cons og neo-libs í Washington fögnuðu innilega hryðjuverkinu. Vestrænir fjölmiðlar allir sem einn sökuðu Rússa um að sprengja eigin leiðslu. Samræmdar fréttir þessa efnis fóru um öll Vesturlönd og íslenskir fjölmiðlar létu sitt ekki eftir liggja. Þýskaland hafði orðið fyrir gífurlegu tjóni og garmurinn Ólafur Scholz grjótnhélt kjafti, svo töluð sé íslenska. Hver verður dómur þýsku þjóðarinnar yfir þessum manni?

   Pulitzer fyrir My Lai, Víetnam

Seymor Sy Hersh er fyrrverandi blaðamaður New York Times Pulitzer-hafi. Hersch afhjúpaði fjöldamorðin í My Lai í Víetnam, lofárásir Nixon á Kambódíu, pyntingar í Abu Ghraib fangelsinu í Írak, ósannindi Obama um dauða bin Laden og um efnavopn í Sýrlandi. Enginn blaðamaður á feril sem Sy Hersh. Hér er linkur á frétt Sy Hersh. 

Auðvitað neitar Jói Biden í Hvíta Húsinu þar sem satt orð aldrei heyrist en allur hinn vestræni heimur eltir.

Hér á landi benti Hallur Hallsson borgara-blaðamaður ásamt nokkrum öðrum á hið augljósa sem var hótun Biden að sprengja leiðsluna. Megin-miðlar sáu ekki, heyrðu ekki, sögðu ekkert. Hversu vandræðaleg er vestræn blaðamennska, íslensk blaðamennska?

Þegar bolsévikar voru bannfærðir af rússnesku orthódox kirkjunni

Rússneska Orthódox Kirkjan bannfærði bolsévika í febrúar 1918 og setti útaf sakramenti; þiggja líkama og blóð Jesú Krists fyrir altari í nafni Guð, föður sonar og heilags anda. Tikhon pataríaki leiðtogi kirkjunnar kallaði bolsévika skrímsli og satanista. „Brjáluðu menn, takið sönsum, stöðvið brjáluð fjöldamorð. Þið eruð ekki bara grimmir, gjörðir ykkar eru satanískar. Þið brennið í helvíti og verið fordæmdir af komandi kynslóðum,” sagði patríakinn. Yfirlýsing Tikhon var andsvar við ofsóknum og morðum bolsévika og markaði upphaf andstöðu kirkjunnar gegn guðlausu ríki kommúnista. Fyrsti píslarvotturinn var 

prestur að nafni Ionn Kochurov leiddur fyrir aftökusveit í útjarði Sánkti Pétursborgar. Vopnaðir byltingarmenn höfðu og ráðist á einn helgasta stað Rússlands, Alexander Nevsky Lavra klaustrið ásamt dómkirkju í Sánkti Pétursborg, drepið prestinn Petr Skipetrov með skoti í munn og handtekið Prokopiy biskup. Pétur mikli hafði látið reisa hinn helga stað 1710 til minningar um Alexander Nevsky prins sem leiddi Rússa til sigurs á Svíum 1242 í Bardaganum á Ísnum; Ledovoye poboishche sem markaði fullnaðar sigur orthódox trúar í Rússlandi og batt endi á sókn „vestrænnar kaþólsku“ inn í Rússland. Tveimur árum áður hafði Hákon gamli Hákonsson Noregskonungur í bandalagi við kaþólsku kirkjuna brennt klaustrið í Niðarósi og drepið Skúla jarl Bárðarson þegar hann flúði eldhafið. Hákon gamli hafði og sent flugumenn á eftir Snorra Sturlusyni til Íslands með skipun um að drepa skáldjöfurinn. Kaþólska hafði tekið yfir Skandinavíu ásamt eyjum út við ysta haf. Enn í dag lúta eyjarnar norrænum vinum í Skandinavíu. 

Tikhon patríaki greindi stöðuna rétt. Hin nýju Sovétríki voru sköpun satanista sem jafnan eiga greiða leið að guðlausum almúga. Þetta er hin eilífa barátta góðsku og illsku. Guðlaus almúgi er varnarlaus gagnvart eiturtungu Satans og verður jafnan hjörð rekin í réttir. Daginn eftir yfirlýsingu Tikhon gáfu bolsévikar út tilskipun um ”...aðskilnað ríkis og kirkju”.

Bolsévikar tóku yfir kirkjur og klaustur og færðu guðlausu ríkisvaldi. Drottni var úthýst af ríkisvaldi sem breyttist í óseðjandi skrímsli. Í árslok 1922 fékk hið nýja rússneska ríki nafnið Sovétríkin. Karl Marx sagði: „Trúarbrögð eru ópíum fólksins.“ Valdimir Lenin sagði: „Allt trúar flangs, hver hugmynd um Guð, allt daður við Guð er viðurstyggileg illkynja sýking.” Kommúnistar sögðu: „Drepum borgara og böðla þeirra. Lengi lifi Rauð skelfing.“ Mark Twain sagði: „Sagan fer ekki í hringi heldur rímar.“ Dómur sögunnar hefur ekki farið mildum höndum um Lenín, Stalín og þeirra sporgöngumenn.

 

   Ofsóknir gegn trúuðum

Ráðist var á kirkjur og klaustur vítt og breitt um Rússland. Kirkjunnar menn voru drepnir í þúsundavís. Tikhon patríaki hvatti trúaða til iðrunar og bæna. Andstaða fælist í mætti trúar og bænar sem stöðvaði geggjun og ofsóknir: „Þeir hafa engan rétt til að kalla sig talsmenn framfara,“ sagði patríarkinn sem var ítrekað handtekinn og pyntaður. Árið 1923 gaf Tikov út yfirlýsingu þar sem hann lýsti því yfir að hann væri „...ekki óvinur sovéskra stjórnvalda.“ Áfram héldu þeir þó að ofsækja Tikhov þar til hann lést í mars 1925. „Ef það gagnast kirkjunni, þá má afmá nafn mitt af spjöldum sögunnar,“ sagði Tikov. Ofsóknir héldu áfram undir slagorðum byltingar öreiganna. Á fimm ára tímabili 1918-1923 voru 28 biskupar líflátnir, þúsundir presta, munka og tíu þúsund trúaðir. Trúaðir voru mun fjölmennari en kommúnistar í Rússlandi, við því var brugðist. Hinir nýju herrar stofnuðu „Lifandi kirkju“ sem viðurkenndi og studdi kommúnista í Kreml. Orwellskt tungutak komið fram strax í upphafi byltingar.

Klerkar úrskurðaðir „andsovéskir“

Sýndarréttarhöldin í Moskvu hófust 1937 jafnhliða holskeflu ofsókna gegn trúuðum. Þrátt fyrir linnulausan áróður og ofsóknir þá kváðust 56.7% Sovétmanna þá vera trúaðir. Í framhaldi af því voru klerkar lýstir „andsovéskir“. Síðla árs 1937 voru 31.359 kirkjunnar menn handteknir, þar af voru dæmdir til dauða 81 biskup, 4.629 prestar og sjö þúsund forystumenn safnaða. Sjötíu og átta þúsund kirkjur voru í Rússlandi 1918. Við upphaf föðurlandsstríðsins, síðari heimstyrjaldar voru þær innan við 400 með rúmlega fimm þúsund þjónandi presta. Innrás nazista 17. júní 1941 sameinaði rússnesku þjóðina. Sergius patríaki lýsti því yfir að með Guðs hjálp yrðu fazistar að ryki; facists will be turned to dust.

 Yfirlýsing patríakans var 12 dögum áður en nokkuð heyrðist í Stalín sem hafði fengið taugaáfall og látið sig hverfa í sumarvillu sína; dacha utan Moskvu. Stalín hélt að hershöfðingjarnir sem knúðu dyra í júlí byrjun 1941 væru komnir til að skjóta sig en þeir báðu Stalín að leiða stríðið gegn Hitler. Trúaðir mynduðu herfylki gegn nazistum. Ofsóknum gegn kirkjunni linnti í föðurlandsstríðinu. Ég var í gömlu Stalíngrad 2018 þar sem nazistar voru gersigraðir. Volgograd á Volgubökkum er risa minnisvarði um stríðið. Enemy at the Gate ógleymanleg kvikmynd. Patríakið var endurreist 1943. „Lifandi kirkja“ gaf upp öndina. En ofsóknir hófust á ný. Árin 1948-50 voru um tíu þúsund trúaðir handteknir.

 

   Solzhenitsyn afhjúpaði lygina

Árið 1945 var Aleksandr Solzhenitsyn handtekinn fyrir að skrifa einkabréf til vinar þar sem hann fór hörðum orðum um Stalín. Hann var handtekinn, dvaldi átta ár í fanga- og vinnubúðum í Síberíu, sleppt lausum 1956 og skrifaði smásöguna Dag í lífi Ivan Denisovich; Odin den iz zhizni Ivana Denisovich sem kom út 1962 í tímaritinu Novy Mir; Nýr heimur. Sagan fór eins og eldur sinu um Sovétríkin og var smyglað vestur fyrir Járntjald. Solzhenitsyn afhjúpaði lygi og hræsni Sovétsins; Gulag fangabúðirnar í Síberíu. Einn maður tókst á við lygi alræðis. Þremur áratugum síðar hrundu Sovétríkin sem spilaborg. Solzhenitsyn var sýndur mikill sómi í endurfæddu Rússlandi. Hann snéri aftur til Rússlands 1994 og lést í Moskvu 2008. George Orwell skrifaði Animal Farm um Sovétið ásamt meistaraverkinu 1984; bækur sem fóru sem eldur í sinu um Vesturlönd.

 

   Khrústsjov, Brezhnev & Gorbatsjov

Stalín gaf upp öndina 1953 og Nikita Khrústsjov varð leiðtogi. Khrústsjov hélt áfram þvingunum og ofsóknum, trúaðir voru sendir til Síberíu, ekki lengur skotnir. Khrústsjov kallaði stefnu sína „Umbætur  Khrútsjovs“ og  lofaði að sýna þjóðinni „...síðasta prestinn í sjónvarpi“. Umbætur Khrútsjovs fólust í hreinsunum í kirkjunni, tilnefna kommúnista í stað trúaðra til þess að fylgja stefnu flokksins. Dómkirkjum og helgum stöðum í Moskvu, St. Pétursborg, Krasnoyarsk, Novgorod [Hólmgarður], Orel og Riga var lokað. Trúuðum var lýst sem öfgafólki; fanatics. Þarna var upphaf geimaldar. Youri Gagarín var fyrsti geimfari Sovétríkjanna 1961. Sagt var að Gagarín hefði sagt. „Ég leitaði og leitaði að Guði en fann ekki.“ Orð úr smiðju Kremlar, Gagarín var trúaður. Ghermann Titov fylgdi í fótspor Gagaríns fjórum mánuðum síðar. Titov ferðaðist um Bandaríkin en ekki Gagarín. Á plakati með mynd af Titov geimfara stóð: „Það er enginn guð.“ Khrútsjov var velt úr valdastóli 1964. Stöðnun einkenndi valdatíma Leonid Brezhnev, sem þróaði ofsóknir með því að lýsa andófsmenn geðveika og senda á geðsjúkrahús. Geðlækningar urðu valdatæki. Með perestroiku Mikhail Gorbasjoff um miðjan níunda áratuginn losnaði um heljartök kommúnista og kirkjan tók að ná fyrri stöðu með rússnesku þjóðinni. Ég var í Moskvu 1985 þegar Gorboatsjov hafði bannað vodka við litla hrifningu fólks og á Sjónvarpinu þegar Gorbatsjov hitti Ronald Reagan í Höfða. Sovétríkin hrundu sem spilaborg þegar Jeltsin fór upp á skriðdrekann í Moskvu í ágúst 1991. Höfundar Svartbókar kommúnisma – Le Livre noir du Communisme telja að fórnarlömb helstefnu kommúnisma telji 85-100 milljónir manna þar sem Sovétríkin og Kína voru mikilvirkust.

   Sáttargjörð ríkis og kirkju

Nikulás II keisari, eiginkona og fimm börn voru myrt í Yekaterinburg í Úralfjöllum í júlí 1918 en fengu vígða gröf í Sánkti Pétursborg 1998. Það var táknræn sáttargjörð við kristna arfleifð Rússlands. Árið 1994 var Jón Kuchorov lýstur píslarvottur. Árið 2001 var Pétur Skiperov lýstur píslarvottur. Tikhov patríarki teiknaði ekki skrípó heldur kvað skýrt að orði. Hin guðlausa wikipedia segir að reiðir bænamenn hafi tekið á móti sjóurum á vegum félagsmálanefndar bolsévika þegar skotbardagi braust út og prestur var skotinn. Hús okkar, skjól okkar um aldir kristin siðmenning er í stormum okkar tíðar ekki á bjargi heldur sandi ... „Heimskur maður byggði hús sitt á sandi. Steypiregn skall á, vatnið flæddi, stormar blésu og buldu á því húsi. Það féll og fall þess var mikið.“ Jesús Kristur.

Ásamt texta mínum eru heimildir sóttar í Rossiya Segodnya á ensku Russia Today grein rússnesks blaðamanns, Georgii Tkachev: How conflict between the Orthodox Christian Church and the Soviet Union helped define modern Russia: Hvernig ágreiningur kristinnar Orthódox kirkju og Sovétríkjanna hefur átt þátt í að móta Rússland nútímans.

Frelsisför Jóns Baldvin 1991 – borgara-blaðamenn þá & nú

Janúar 1991. Jón Baldvin Hannibalsson utanríkisráðherra fór í frelsisför til Vilnius Litháen, Riga Lettlandi og Tallinn Eistlandi til þess að styðja sjálfstæðisbaráttu þjóðanna út úr myrkri og guðleysi Sovétríkjanna sálugu. Ég var með í för þá á Stöð 2. Laugardaginn 19.01.1991 ókum við framhjá stjórnvarpsturninum í útjarðri Vilnius þar sem fjórtán höfðu kramist undir sovéskum skriðdreka. Jón Baldvin vottaði hinum föllnu virðingu sína. Hann hitti Vytautas Landsbergis sem fór fram á viðurkenningu á sjálfstæði Litháen. Þetta voru sögulegir dagar. Þinghúsið vígvætt, víggirðingar reistar, fólk ornaði sér við bálkesti albúið að mæta skriðdrekum Sovétsins. 

   Skelfingatburðir í Riga

Frá Vilnius ók bílalest okkar á ofsahraða til Riga í fylgd varða undir alvæpni. Við gistum á Hótel Ridzene í Riga næst innanríkisráðuneytinu. Sunnudagur 20.01.1991 reyndist örlagadagur í sögu Lettlands. Riga var víggirt, borgarar undir alvæpni stóðu vörð um ráðuneytið, sovéskar vígasveitir með reiddar vélbyssur um öxl biðu átekta. Á hótelinu voru Andris Slapins, Gvido Zvaigzne og Juris Podniek sem voru að filma frelsisbaráttu þjóðanna gegn ofbeldi og kúgun sovétsins. Þeir höfðu verið í Chernobyl og Vilnius nú voru þeir á heimaslóð í Riga. Þeir, sovéskir ríkisborgarar leituðu sannleika sem sovétið sópaði undir teppi. Jón Baldvin hitti Anatolij Gorbanov forseta þingsins. Á meðan hvarf skjalataska ráðherrans. KGB var við hvert fótmál. Ég tók viðtal við Jón um hvarfið en svo með dularfullum hætti skilaði taskan sér. Það var komið síðdegi þegar við hlupum út í bílana fyrir utan hótelið og stefndum á ofsahraða til Tallinn Eistlandi.

   Í beina útsendingu CNN

Þegar við komum til Tallinn rúmum þremur tímum síðar þá sáum við í sjónvarpi á hóteli okkar að harðir skotbardagar höfðu brotist út í Riga þegar vígasveitir sovétsins réðust á innanríkisráðuneytið. Gorbanov hafði sloppið út um bakdyr yfir á Hótel Ridzene. Við litum í forundran hver á annan, fréttir voru óljósar; fimm voru fallnir og tólf særðir. Við vorum þarna íslenskir blaða- og fréttamenn, þeir góðu drengir Ellert B. Schram DV, Pétur heitinn Gunnarsson og RAX Mogganum ásamt Arnóri heitnum bróður ráðherrans. Jón Baldvin var horfinn af hótelinu. Einfarinn ég fór á stúfana aleinn, lét mig hverfa og rauf útgöngubannið. Ég gat mér til að Jón Baldvin hefði farið í utanríkisráðuneytið til þess að hitta Lennart Meri utanríkisráðherra og húkkaði bíl sem ók mannlausar götur til ráðuneytisins. Ég hafði rétt fyrir mér. Ég var leiddur upp á skrifstofu Meri með Jón Baldvin sér við hlið. Þeir hins vegar voru sambandslausir við umheiminn. Sovétmenn höfðu klippt á tengsl Eista við umheiminn. Hins vegar án vitneskju sovétsins höfðu Eistar lagt símalínu um Kirjálabotn yfir til Finnlands. Geturðu hjálpað, var spurt. Ég lagði til að við hefðum samband við CNN í New York, hafði unnið fréttir fyrir CNN, var með kontakta í New York og mundi símanúmerin. Þeir komust í beina útsendingu á CNN. Meri útskýrði ódæðisverk Sovétmanna í Riga og Jón Baldvin stuðning Íslands við frelsisbaráttu þjóðanna. Við vorum þarna fram á nótt. Þannig hafði ég lagt lítið lóð til að vekja athygli umheimsins á baráttu Letta, Litháa og Eista fyrir frelsi. 

Götur og torg eru nefnd eftir Íslandi; Islandijos Street & Square fyrir veittan stuðning. Löngu síðar kom í ljós að Andris og Gvido voru meðal fallinna í Riga, ári síðar var Juris látinn, rúmlega þrítugir. Mikhail Gorbatsjov stýrði Sovétinu, sagður friðarins maður á leiðtogafundinum í Höfða 1986, þá var ég á Sjónvarpinu. Vinstri mönnum var í nöp við Ronald Reagan sem mælti hin fleygu orð: Frelsið er hverrar kynslóðar að verja. Og nú öllum þessum árum síðar skrifa ég þennan pistil, einfarinn til varnar frelsi.

   Bandalag ríkis & ríkra eitraður kokteill

Sá ágæti maður Einar S. Halldórsson kveðst nú staddur í Riga þar sem rödd mín fái 0,00% undirtektir meðal Letta. Sjálfsagt rétt. Martröð sovétsins lifir með þjóðinni. Ég á vini í Austurvegi sem sárnar skrif mín. Ég set þetta á blað að vandlega íhuguðu máli, ég er ekki að leika mér. Lettar eru blekktir líkt og almenningur á Vesturlöndum. Ég á líka vini úr Austurvegi sem sjá í gegn um vestræn pótemkintjöld okkar tíðar. Vísindin eru í herkví glóbalizta, skuggi helsis lengist stöðugt. Bandalag ríkis og ríkra er eitraður kokteill alveg eins og alræði sovétsins. Vesturlönd hafa yfirgefið Drottinn, því fylgir gjald; húsið er á sandi. Vesturlönd hafa fetað í fótspor Hitlers og sleppt Big-Pharma lyfjarisum lausum svo hver plágan rekur aðra. Hergagnaiðnaðurinn Industrial Military Complex sem Eisenhower varaði við 1961 fær Endalausar styrjaldir á silfurfati eina af annarri. Hinir ofsaríku græða ofsalega meðan skortur knýr dyra meðal óbreyttra borgara Vesturlanda. Þýskur efnahagur skreppur saman, verðlag ríkur upp, Lidl og Aldi skammta matarolíur. Bretar sem kynda kamínur með viðarkubbum fá 50  þúsund króna sekt, þjóðverji dæmdur í 600 þúsund króna sekt fyrir að styðja Rússa.

Á meðan pæla fjölmiðlar í stríðstólum líkt og séu í tölvuleikjum; stóra-skriðdrekamálið, F-16 þotur, Patriot eldflaugar, Himar varnarkerfi; hvað allt þetta heitir. Stigmögnun brjálæðis, sagan rímar. Á vígvöllunum er ástandið dauðans alvara, hundruð úkraínskra hermanna falla daglega í Donbass í stórsókn rússneska hersins sem hefur tífalt herafl á við úraínska. Okkur hefur verið sagt frá upphafi stríðs að Rússar séu að tapa. Það er lygi. Sannleikurinn er að Úkraínu hefur verið att á foraðið í proxy-stríði Nato gegn Rússlandi. Við fáum ekki fréttir af örvæntingarhótun sendiherrra Úkraínu í Berlín um kjarnorkuvopn.

 

Rússar hristu af sér guðlaust sovét. Alla þessa öld hafa Rússar gætt þess að Rússland 21. aldar standi á kristnu bjargi. Þeir hafa lyft orthódox kirkju sinni til vegs og virðingar. Þeir snéru sér að Drottni og hafa endurbyggt kirkjur og helga staði. Rússland án kristni er ómöguleiki segja þeir. Rússar hafa lært sína lexíu. Á sama tíma hafa Vesturlönd yfirgefið Drottinn. Evrópskir ríkismiðlar og davóskir falsmiðlar hinna ofurríku hafa runnið saman við óseðjandi vestrænt guðlaust ríkisvald. Fjölmiðlar eru ekki lengur fjórða valdið heldur málpípur ríkis og ríkra. Aðeins ein skoðun er leyfð, málfrelsi afnumið.

 

     Borgara-blaðamaður

Ég er borgara-blaðamaður skrái söguna af því kollegar mínir eru blindaðir af lygavaðli BBC, CNN, RÚV, Reuters og rest. Sagan rímar, sagði Mark Twain. Vítt og breitt um Vesturlönd eru þúsundir citizen-journalista og rebel fréttamiðla sem afhjúpa myrkraverk elítunnar knúnir sannleiksvitund sem er guðlausum ráðgáta. Þetta er lögmál lífsins, hinn guðlausi tekur alla jafna ranga ákvörðun. Spyrjið bara Dag um myglu og snjómokstur. Ég er uppnefndur samsæris-smiður – conspiracy theorist. Prinsiplaus Þjóðkirkja situr trylltan stríðsvagn Nato og teiknar skrípó af Jesú Kristi. Ég mun opna augu þín, sagði Jesús Kristur. Þeir sem þekkja Biblíuna ættu að vita en samt eru trúaðir blindaðir. Hvar er trú Þjóðkirkjunnar? Blessuð sé minning Andris og Gvido sem gáfu líf sitt í þágu frelsis. Gvido fékk skot í kviðinn, dauðastríð hans er á youtube sem ég treysti mér ekki til að birta hér. Brussel og Washington eru sovét okkar tíðar. Þegar augu opnast og fólk sér myrkaverk guðlauss glóbalizma þá áttar það sig á að nazistar voru sem stuttbuxna guttar. Fólk mun spyrja: Hvar varst þú? Ég er félagi í Málfrelsi; samtökum um frjálsa umræðu. Hvað um þig?