Egill Helgason er rosalega rreiður

 Egill Helgason er ekki glaður, það er langur vegur frá. Egill er eiginlega bara rreiður, rosalega rrreiður. Hann hristist ekki líkt og þegar hann er glaður. Hann setur í brýrnar og eiginlega bara urrar. „Það er margur óþverrinn sem birtist á bloggi Morgunblaðsins og yfirleitt aldrei neitt sem vitglóra er í. Moggabloggið er algjör rusakista. En hér tekur steininn úr – bullandi gyðingahatur. Maður á ekki orð,“ skrifar Egill Helgason. Það gerist ekki oft að Egill á ekki orð, en það gerist. Egill er rrreiður og notar r***ista orðið. Agli er margt til lista lagt, oft á tíðum stórkostlegur en afleitur pólitískur greinandi; analytic þar sem villta vinstrið er hans ær og kýr. Þetta veit auðvitað Egill. Nú setur hann í brýrnar og urrar. Egill hefur fundið Rússavin á Moggablogginu. R***ista stimpillinn á loft og gyðingastjörnu skellt á guttann.

RUSLAKISTA SEM BER AÐ TÆMA

Moggabloggið þvælist fyrir Agli enda síðasta vígi frjálsra penna í þessu landi. Moggabloggið er í augum Egils ruslakista sem ber að tæma. Það er tímabært að reiða til höggs enda þarf að banna r***isma. Moggabloggið fer í taugar rúvara sem vill ráða umræðu í landi okkar án afskipta hægri-öfgamanna sem vilja standa vörð um fullveldi, frelsi, menningu, tungu og kristna arfleifð Íslands. Öfgahyski þetta er skilningsvana á gildi ríkistrúar eins flokks, eins ríkis undir blástjörnu. Ríkis-Rúv fær 95% ríkisfjár. Þetta finnast rúvara réttlát skipti. Ríkra-miðlar taka rest. Ríkir gera það sem þeir gera best sem er að tæma sjóði svo hvoru tveggja upphæðir munu hækka. Einn og einn SDG til að hata og atyrða fær fólk til að halda að hér ríki lýðræði.

SKÍTT MEÐ EILÍFT LÍF

Skítt með okkar ástsælustu syni, skítt þó þjóðin sitji týnd í myrkri ofbeldis á páskum og stígi trans til að gleðja lyfjarisa eftir vaksín. Skítt með Jesú Krist, skítt með hvíta karlpunga. Skítt þó flug til og frá Íslandi leggist af, skítt með fiskimið og orkulindir, skítt með óveðurský yfir Íslandi. Þjóðin skal finna hamingju í RÚV. Egill Helgason dillir sér í myrkrinu þar sem ekkert er og hverfur þangað aftur. Búið spil, ekki satt? Skítt þó trúarkenning RÚV sé heiðin, myrk illska sem gengur gegn boðskap kristinnar trúar um líf í ljósi, kærleik og eilíft líf. Já, skítt með eilíft líf.

Vitleysa er þetta í þér, Hallur að halda að gjörðir skipti máli, dómadags bull í Bob Dylan: You’re going to serve somebody. Well, it may be the Devil or it may be the Lord. But you’re going to serve somebody …

Þjónusta við myrkrið

Breska krúnan kaus að bíða fram yfir páska að ákæra ekki okkar ástsælasta knattspyrnumann eftir tæplega tveggja ára frelsissviptingu og mannréttindabrot. Gylfi mun vonandi ná rétti sínum á Englandi. Jón Magnússon lögmaður hefur bent á að öskurkonur hafi dæmd Gylfa án dóms og laga á Íslandi. Mér finnst grafalvarlegt að RÚV hafi bendlað Gylfa við kynferðisbrot gegn barni; sumsé barnaníð meðal annars í fréttaskýringu 17. júní 2022. Hugleiðið það. Enskir fjölmiðlar hafa ekki upplýst um nafn Gylfa. RÚV hefur allan tímann nefnt Gylfa og tengt barnaníði. Eftir úrskurð krúnunnar fannst fréttamanni RÚV fyndið að götublöðin ensku höfðu nefnt félag hans Everton en ekki nafn.

Pistillinn 17. júní var langur og ítarlegur með hljóðbútum. Blaðamannafélag Íslands veitti fyrir nokkru fréttakonunni blaðamannaverðlaunin 2022 fyrir níðumfjöllun um trúað fólk í svokölluðum sértrúarsöfnuðum, þá fyrir Stöð 2. Eftir þáttaröðina flutti hún sig aftur yfir á RÚV. Hugleiðið það. Hið sigursæla landslið okkar hefur verið sakað um nauðgunarmenningu. Einstakir leikmenn hafa verið skotspónn RÚV gargandi nornir fyrir utan KSÍ. Þetta er enginn saklaus leikur, þetta er atlaga úr andaheimi. Hugleiðið það.

KOLSVÖRT ÓMENNSKA

Páskakvöldi varði RÚV í fyrstu sýningu þáttraðarinnar Aftureldingar; kolsvört ómennska. RÚV hefur ekki opinberað ákvörðun um að skipa sér í framvarðasveit ríkislögreglustjóra til þess að skapa stemmningu fyrir ríkisáróður vegna covid. Alla daga vinnur RÚV að því að flytja fullveldi úr landi í blóra við þjóðina. Hvorki útvarpsstjóri né fréttastjóri hafa borið undir þjóðina framsal frétta á rauntíma til EBU; hið orwellska Trusted News Inistiative undir forystu BBC. RÚV hefur hvorki upplýst um leynisamning heilbrigðisráðherra við lyfjarisa né um alvarlegar aukaverkanir vaksína og umframdauða af völdum covid. Þúsundir landsmanna lifa í þögn og þöggun um veikindi sín og sorgir.

THE CHOSEN

RÚV sýndi hvorki kvikmynd um Jesú Krist né þúsund ára kristinn sið í landinu. Hugleiðið það. Ég hef sagt frá stórkostlegum þáttum The Chosen um líf og starf Jesú og lærisveinanna. Yfir 500 milljónir manna hafa horft á þessa þætti. Slíkt virðist ekki freista guðlausu RÚV. Nú er það svo að allur þorri starfsfólks RÚV trúir vísindum að það komi úr myrkri þar sem ekkert sé, lífið sé sprettur eftir lífsgæðum og hverfi svo í myrkrið þar sem ekkert sé, morkni og rotni.

Sérstök ástæða er til að vara þessari trú sem er heiðin, myrk og vond og gengur gegn boðskap kristinnar trúar um líf í ljósi, kærleik og eilíft líf. RÚV-fólk selur Satan sálu sína alveg eins og Bob Dylan kvaðst hafa gert forðum og söng síðar: You’re going to serve somebody. Well, it may be the Devil or it may be the Lord. But you’re going to serve somebody … Sáluhjálp er í húfi, íslenskrar þjóðar sem starfsmanna RÚV … Guðn blessi Ísland

Marcon vill hætta að elta Ameríku ... van Leyen niðurlægð

 Nú eru Bandaríkin í deilum við Kínverja vegna Taiwan, eyjunni sem taparar kínverska borgarastríðsins flúðu til og settust að árið 1949. Kínverjar hafa  áhuga á að eyjan sameinist Kína, en Bandaríkin segjast reiðubúin í stríð og senda hermenn til Taiwan. RÚV segir okkur að taiwar skipi kínverskum orrustuskipum að hypja sig. Er ekki ráð að Kínverjar í Peking og Tapei ráði framtíð eyjunnar með samningum, til dæmis nokkurs konar Hong Kong friðarsamningi. Þannig megi önnur 75 ár líða til að ná fullum sáttum. 

Er nokkur ástæða að Úkraínísera Twain og egna bræðrum í stríð?

 MACRON, XI & van LEYEN

Emmanual Macron Frakklandsforseti hitti Xi Jinping forseta Kína í Dymbilvikunni ásamt Ulriku Albrecht van der Leyen. Þau settust við hringlaga risaborð. Eftir fundinn fór Xi með Macron á heimaslóð í Suður-Kína en van Leyen var send heim niðurlægð. Hún þurfti að framvísa vegabréfi, eins og þú og ég enda bara ótýndur embættismaður. van Leyen var ekki hress líklega jafnreið út í Xi og Macron sem í sinni Air France Airbus-330 forsetaþotu flaug heim eins og greifi og átti viðtal við Politico. „Evrópa verður að varast að elta Ameríku; Europe must resist pressure to become America‘s followers.“ Alveg sérstaklega í stríði sem ekki sé Evrópu. Macron og van der Leyen höfðu sagt Xi að koma vitinu fyrir Vladimir Pútin. Ekki fylgir sögu hvort Xi hafi reynt komið vitinu fyrir Macron og Leyen vegna hryðjuverksins í Eystrasalti. Hvað veit maður. Kannski hafa þau hringt í KötuJak vegna aðildar Íslands.

 

 STÓRVELDISDRAUMAR MACRON

Macron áréttaði stórveldisdrauma um strategískt sjálfstæði Evrópu undir forystu Frakklands og Þýskalands; fransk-þýski öxlullinn. Sá amerísk-breski er auðvitað til staðar; special relationship London og Washington. Ráðamenn í Washington sáu ekki bara rautt, heldur líka stjörnur. Hinn áhrifamikli repúblikani Marco Rubio ofsareiður: „Ameríka er í evrópsku stríði. Evrópa hótar að hætta að styðja Ameríku vegna Taiwan. Er Macron leiðtogi Evrópu?“ spurði Rubio. Ameríka eyði mökk af peningum í evrópsku stríði í Úkraínu. Svona er nú heimilisfriður á Nato-heimilinu. Eftir að Macron var farinn heim og van Leyen löngu lent í Brussel, sýndu stjórnvöld í Peking sýndarstríð á Taiwan.

 

PÓLSKT-LITHÁENSKT-ÚKRAÍNSKT SAMBAND

Á dögunum í Póllandi viðraði Volomydyr Zelinskyy nýja hugmynd sem ég hef nefnt og höfðar til bæði Pólverja og Litháa. Pólland og Litháen réðu Kænugarði á dögum pólsk-litháenska sambandsins 1569-1795. Litháar höfðu raunar unnið Kænugarð 1362 ásamt hluta Hvít-Rússlands. Úkraína hefur um aldir verið örríki. Hugmyndin höfðar til Washington en kannski ekki eins til Frakka og Þjóðverja. Nato undir forystu Ameríku yrði komið að landamærum Austur-Úkraínu; sumsé Donbass og stutt að fara til Krímskaga. Hér er vert að hafa í huga að bæði Frakkar og Þjóðverjar hafa reynt að leggja undir sig Rússland; Napóleon og Hitler.

 315-320 ÞÚSUND ÚKRANAR FALLNIR

Úkraínustríðið er blóðugt. Að mati Douglas Macgregor og Scott Ritter þá hafa 315-320 þúsund úkraínskir hermenn fallið. Macgregor kveður þetta hafa komið fram í samtali hershöfðingjanna Valerii Zaluzhnyi Úkraínu og Mark Mallik USA fyrir nokkrum vikum. Þar kemur fram að 257 þúsund úkraínskir séu fallnir, 83 þúsund týndir í bardaga; af þeim 60 þúsund fallnir. Þessu blóðbaði úkraínskra karlmanna hefur verið haldið leyndu af Vesturveldunum. Macgregor og Ritter segja að mannfall Rússa sé um 10% af Úkraínu. Úkraínskum hermönnum er borgað með amerískum dollurum í boði Washington segir Ritter. Það er von að Rubio sjái rautt. Rússar eru að loka hringnum umhverfis Bakmut. Vegurinn til vesturs út úr Bakmut er kallaður Þjóðvegur Dauðans; Highway of Death. Það er með sorg í hjarta að ég færi þetta á letur.

Vinkona okkar Ulrika Albrecht van der Leyen, sonardóttir nazistans Carls Albrecht sem sá um málefni Úkraínu í þýska utanríkisráðuneytinu 1941-43, missti út úr sér 30. nóvember 2022 að mannfall Úkrana væri geigvænlegt, yfir hundrað þúsund hermenn fallnir. Ummælin voru fjarlægð af vefsíðu EU innan klukkutíma. Í janúar síðastliðnum skýrði þýska leyniþjónustan frá því að 1.000 úkranar væru daglega að falla. Der Spiegel skýrði frá. Hefur þjóð nokkru sinni verið att jafn skelfilega á forað dauða og styrjaldar og Kænugarði í Proxy-stríðinu gegn Rússlandi?

HVAÐ ER ÍSLAND AÐ BRASA?

Nú er ólíklegt að Kötu og Dísu standi þessi fróðleikur til boða í ráðuneytum sínum, en þær hafa hann ókeypis frá mér líkt og fyrri pistla. Þær mættu kannski spyrja; Hvað er Ísland að brasa í stórveldapólitík?

Kjarnorkuvá knýr dyra

Volomydyr Zelinskyy forseti Úkraínu brá sér í gær - miðvikudag 5.4 yfir til Póllands og hitti kollega sinn Andrezj Duda í Varsjá. Zelinskyy lagði til að „...landamæri ríkjanna yrðu aflögð pólitískt, efnahagslega og sögulega.“ Sumsé löndin sameinuð. Duda lagði til áframhaldandi stuðning Pólverja og kvað landið reiðubúið að senda allar pólskar MiG-29 þotur “í framtíðinni”. Duda kvað Kænugarð verja Evrópu fyrir “heimsvaldastefnu Rússa.” Sögulega eru Pólland, Litháen og Kænugarður nátengd frá dögum Pólsk-Litháenska Sambandisins. Pólska konungsdæmið og litháenska hertogadæmið sameinuðust með Lúblin-samkomulaginu 1569, þá líklega öflugasta ríki Evrópu. Árið 1362 höfðu Litháar unnið Kænugarð en stórveldi ríkjanna lauk 1795. Úkraína um aldir hefur alltaf verið örríki.

 

ÖRRÍKIÐ ÚKRAÍNA STÆKKAR

Með griðasáttmála Hitlers og Stalíns 1939 varð austasti hluti Póllands að Vestur-Úkraínu í Sovétríkjum Stalíns og þaðan undir Úkraínu 1991. Lenín hafði rennt Donbass og Luhansk inn í Úkraínu við stofnun Sovétríkjanna 1922. Með hruni Sovétríkjanna var fyrrum örríkið Úkraína skyndilega annað víðfemasta ríki Evrópu á eftir Rússlandi; úkraína oblast sem um aldir var hvorki fugl né fiskur. Eftir að hafa sprengt múslimaríki á steinöld, mætti Ameríka til leiks 2014 með valdaráni Biden og Obama sem Victoria Nuland og sendiherrann í Kænugarði sáu um að útfæra. Það var svokölluð Litabylting; Colour Revolution þar sem allt að 150 mann létu lífið í Kænugarði og Odessa. Azov-nazistar voru teknir í úkranska herinn og styrjöld hafin gegn rússneskum þegnum Austur-Úkraínu. Nú á að sprengja Rússland á steinöld líkt og múslimaríkin. Rússland yrði amerísk hjálenda líkt og Evrópa ef hernaðarmarkmið Nato ná fram að ganga.

KKJARNORKUVÁ WORLD WAR III 

Pólverja dreymir stórt í Vestur-Úkraínu, endurheimt gömlu Galisíu og Volhyníu. Ef það gerist þá er Nato komið inn í Úkraínu, jafnvel fylgir Kænugarður Oblast, að sögn Military Summary. Zelinskyy og Duda hafa áreiðalega rætt þessa stöðu mála. Miðbær Bakmut er fallinn, stöðugt þrengir að úkraínskum hersveitum. Hins vegar mun Zelinsky hafa dregið saman 50 þúsund manna úrvalsher til vorsóknar í suðri og þaðan freista þess að ná Krímskaga og freista þess að snúa taflinu sér í vil, ná fram fullri þátttöku Nato. Það er síðasti sjens Zelinskyy, að mati forseta Tékklands. Þá er þriðja heimstyrjöld skollin á; World War III, kjarnorkuvá knýr dyra. Á meginlandi Evrópu eru um 100 þúsund bandarískir hermenn, þar af eru fimmtíu þúsund sagðir í Póllandi. Pólverjar eru með öflugan her, mun öflugri en þann þýska. Stríð-elskandi ráðamenn eru við völd í Washington, Brussel, Berlín og London, líka Reykjavík! Það er táknrænt að afi Ulriku van der Leyen leiðtoga ESB; nazistinn Carl Albrecht sá um málefni Úkraínu í þýska utanríkisráðuneytinu 1941-43. Þetta er ekki hægt að skálda. Leyen og Macron eru í Kína. Frakkland logar í óeirðum, svo aflýsa varð Frakklandsför Englandskonungs. Marcron treystir á Xi Jinping að koma vitinu fyrir Rússa. Hvað er hægt að segja um svona mannvitsbrekku.

UNGVERJAR MÓTMÆLTU ÞÁTTTÖKU ÚKRAÍNU Á NATO-FUNDI

Nato-fundur var í höfuðstöðvunum í Brussel í vikunni. Utanríkisráðherra Ungverjalands, Péter Szijjártó lýsti þar yfir óánægju með aðild Úkraínu á fundinum; aðeins hafi verið rætt um stríð ekki frið. Ráðherrann lýsti yfir að Ungverjar muni stöðva inngöngu Úkraínu í Nato nema Kænugarður láti af ofsóknum á hendur ungverska minnihlutanum í Zakarpattia í Vestur-Úkraínu; réttindi Ungverja í Zakarpattia verði endurreist sem þau voru fyrir 2015. Svo það er ekki bara í Donbass sem Kænugarður fer með ofbeldi gegn eigin þegnum í kjölfar valdaráns Ameríku 2014. Í Brussel var Þórdís okkar sem ekki hefur haft neitt jákvætt fram að færa, ef marka má ungverska ráðherrann. Stríð, engan frið, er hennar stefna. Skítt þó sprengjur falli á Keflavíkurflugvöll þaðan sem P8 þotan tók sig til lofts áleiðis til gasleiðslanna í Eystrasalti. Þórdís þarf engu að svara, enda ekki spurð af ríkis-rúv og ríkra-miðlum á ríkisfé.

SEÐLABANKINN KAUPIR EKKI GULL

Á sama tíma eru sýndarréttarhöld hafin í Ameríku yfir 45. forseta Ameríku, eina manninum vestanhafs sem ekki er á mála Military-Industrial-Complex, linnulaust ofsóttur. Tilviljun? Trump hefur lýst því yfir að hann muni koma í veg fyrir kjarnorkustyrjöld WorldWar III. Einn fréttamaður ríkra-miðla Ameríku, Tucker Carlsson á Fox News hefur þó ítrekað gagnrýnt herförina á hendur Rússlandi. Hann hefur líka fjallað um komandi efnahagshrun Bandaríkjanna nú þegar dollar hrynur sem heimsmynt í kjölfar kjánalegra viðskiptaþvingana Vesturlanda á Rússland. Í þessu samhengi vakti Tucker í vikunni athygli á nýjum punkt sem ég hafði ekki áttað mig á. Þegar 80% mannkyns hættir að nota dollar, þá streymir pappírsdollar “heim til Ameríku”  svo hrunið magnast og fátækt verður hlutskipti Bandaríkja Ameríku. Við þurfum ekki að ræða garminn Evrópu. Gjaldmiðill BRICS þjóða styðst við gullfót á Shanghaj markaði. Nú er hver að verða síðastur að kaupa gull. Í fyrra keyptu seðlabankar 1.136 tonn af gulli. Samkvæmt ársreikningi Seðlbanka Íslands 2022 var gullforði óbreyttur milli ára, andvirði gullsins er 16.5 milljarður og hefur verið um árabil. Spurt er: Hvers vegna hefur Seðlabanki Íslands ekki fjárfest í gulli?

Svona er ákæran á hendur Trump ...

SVONA ER ÁKÆRAN Á HENDUR TRUMP

Nú hefur héraðssaksóknari 37. umdæmis á Manhattan New York, Alvin Bragg gefið út ákæru á hendur 45. forseta Bandaríkjanna, Dónalds Jóns Trump fyrir að hafa látið lögmann sinn Micahel Cohen greiða pornstjörnunni Þrumu Daniel; Stormy Daniel þagnarfé fyrir veitta þjónustu 2006. Þagnarféð hafi verið greitt skömmu fyrir forsetakosningarnar 2016 svo það hafi haft áhrif á sigur Trump gegn Hillary Clinton. Saksóknarinn Bragg gerir misgjörð; misdemenour í héraði að alríkisglæp í Bandaríkjum Norður-Ameríku; federal felony. Trump var formlega handtekinn í dómshúsinu í Manhattan, fingraför tekin og ákæran lesin yfir honum en var síðan frjáls ferða. Aldrei í sögu Bandaríkjanna hafði forseti verið ákærður. Ákæran yfir Trump er birt í Dymbilviku fyrir páska, líklega táknrænt því saksóknari frestaði birtingunni svo hin mikla sýning færi fram einmitt í aðdraganda krossfestingar Jesú Krists, hátíð kristinna manna. Líklega aldrei í sögu fjölmiðla hefur verið annar eins fjöldi fjölmiðla komið saman til fréttaflutnings, meðfram breiðstrætum Manhattan.

 

ÞAU ERU Á EFTIR YKKUR

Eftir birtingu ákærunnar flaug 45. forsetinn til seturs síns Mar-A-Lago í Flórída og hélt ræðu um atburði dagsins. Trump rakti ítarlega ofsóknir á hendur sér undanfarin sjö ár. „Þau eru á eftir ykkur. Ég er bara fyrir,“ sagði Trump; They are not after me, they're after you. I am simply in the way.“ Hin kristna Ameríka er kjarni stuðningfólks Trump, sem er borinn og barnfæddur í New York, virtur og dáður áður en hann bauð sig fram til forseta, raunar demókrati í den. Dómstóllinn bannar Trump sem er helsti pólitíski andstæðingur Joe Biden að ræða málaferilin.

 

MISGJÖRÐ VERÐUR ALRÍKISGLÆPUR

Allt er óvenjulegt í kring um málið. Það mun aldrei áður hafa gerst í réttarsögu Bandaríkjanna að misgjörð í héraði hefði verið gerð að alríkisglæp, að ekki sé talað um á hendur forseta. Bragg var kjörinn saksóknari í demókrataríkinu New York út á kjörorðið „Get Trump“ með stuðningi öldungsins, Georg Sorosi stofnanda Open Borders sem hafa stutt 75 saksóknara til valda. Dómsmálaráðuneytið hafði vísað málinu frá eftir rannsókn. Í janúar 2018 gaf lögmaður Cohen út yfirlýsingu þess efnis að Cohen hefði ekki verið veitt umboð, hvorki af framboði né fyrirtækjum Trump til þess að greiða Stormy Daniel 130 þúsund dali í þagnarfé. Sama ár lýsti pornstjarnan því yfir að hún hefði aldrei fengið þagnarfé og samband þeirra hefði aldrei átt sér stað: it never happened. Vandséð er hvernig saksóknarinn kemst fram hjá þessum vanköntum en ef svo verður þá hefur Bragg mikið að stæra sig af. Michael Cohen var í desember 2018 dæmdur í fangelsi fyrir að ljúga að Þinginu; Congress og fyrir ólögleg kosningaframlög. Michael Avanti lögmaður pornstjörnunnar afplánar 14 ára fangelsi fyrir að svíka hana um 300 þúsund dollara.

 

JOE BIDEN: SÝNA TRUMP KOMIST EKKI TIL VALDA

Því er haldið fram, bæði af ríkis-rúv og ríkra-miðlum okkar á ríkisfé, að Joe Biden hafi haldið sig utan við málavafstrið á Manhattan. Það er ekki rétt. Biden hefur tjáð sig. Í nóvember 2022 sagði Biden að sýna yrði fram á að Trump komist ekki til valda, ef hann bjóði sig fram. Hann nefndi Stjórnarskrána í því sambandi: We just have to demonstrate that he will not take power, if he does run um if we, if he does run [we] making sure he under ligitimate efforts of our Constittution he does not be President again.

Trump birt ákæra í dag ...

Dónald Jón Trump 45. forseta  Bandaríkjanna verður í dag birt ákæra fyrir að hafa þegið þjónustu Stormy Daniel árið 2006 og greitt 2016. Stormy dró ásökun sína til baka 2018. Alríkisstjórnin, það er að segja dómsmálaráðuneytið hafði gefið málið á bátinn, en saksóknarinn Alvin Bragg tekið það upp í demókrataríkinu New York. Dónald Jón verður frambjóðandi repúblikana við næstu  forsetakosningar ef marka má skoðanakannanir vestra. „Þetta er vopnvæðing dómskerfis, ekki amerískt réttarfar; Weaponization of the Justice System, not the American Way of Justice,“ segir dómókratinn Alan Derhzowitz kunnasti lögmaður Bandaríkjanna. Í Bandaríkjunum segja menn að í gildi sé tvöfalt réttarkerfi; eitt fyrir demókrata og annað repúblikana Trumps. Bill Clinton var ásakaður um kynferðis áreiti árið 1991 af konu að nafni Paula Jones; Joe Biden var ásakaður um kynferðis áreiti af konu að nafni Tara Read 1993. Trump er hvorki ásakaður um áreiti né ofbeldi.

OPEC DREGUR ÚR OLÍUFRAMLEIÐSLU

Hraðinn á þeim breytingum eða byltingu sem við upplifum eykst með degi hverjum. Olíuverð á olíumörkuðum hækkaði í gær eftir að OPEC+ ríki tilkynntu um samdrátt olíuframleiðslu um 1.16 milljón olíuföt á dag frá maí og út árið 2023. Áður höfðu Rússar tilkynnt um samdrátt á framleiðslu um 500 þúsund olíuföt. Rússar og Saudar stilla saman strengi. Bandaríkin hafa gengið á helming olíubirgða sinna, svo staða þeirra er mjög veik. Vesturlönd höfðu tilkynnt um 60 dollara hámarksverð til þess að refsa Rússum sem part af viðskiptaþvingunum sem talið var að myndu knésetja Rússland. Brent hráolía hækkaði í 84.94 dollara og talið líklegt að fari í 100 dollara. Vesturlönd standa á brauðfótum.

DOLLAR EINS OG VIÐ ÞEKKJUM HVERFUR  

Dagar dollars eins og við þekkjum eru senn liðnir með því braki, brestum og hörmungum sem munu fylgja. Saudi-Arabía hefur formlega sagt skilið við forræði Ameríku. Japan hefur tilkynnt olíukaup af Rússum og sagt skilið við forræði Ameríku. Brasilía hefur sagt skilið við forræði Ameríku. Indland hefur sagt skilið við forræði Ameríku. Íranar og Saudar eru bestu vinir! Spáð er að Tyrkir yfirgefi Vesturlönd, Arabalönd virðast sameinuð. Efnahagsbandalag BRICS; Brasilía, Rússland, Indland, Kína og Suður Afríka þýðir Yuan sem gjaldmiðil á gullfæti. 80% mannkyns er að segja skilið við styrjaldir, dramb og forræði  Ameríku og Nato.

Á MEÐAN LOGAR EVRÓPA Í MÓTMÆLUM

Á sama tíma leiða Frakkar hörðustu mótmæli í sögu Evrópu og alveg sérstaklega Frakklandi, líklega frá frönsku byltingunni. Milljónir Frakka mótmæla Macron forseta á götum úti, menn reyna að tengja mótmælin við eftirlaun en Frakkar hafa fengið nóg af Macron forseta og elítu hans. Ráðhús Bordeaux var í ljósum logum í síðustu viku. Karl III Bretakonungur hugðist heimsækja ráðhúsið en eðli máls samkvæmt varð að fresta Frakklandsreisu kóngsins.

 

Tugir þúsundir tonna af sorpi hafa hlaðist upp á götum Frakklands, lögregla beitir fólk grimmu ofbeldi. Þegar Frakkar, Þjóðverjar og hollenskir bændur mótmæla á götum þá rumska hvorki Washington, Brussel né okkar litla Reykjavík ef út í það er farið. Okkur er sagt að íbúar Evrópu þurfi ekki að mótmæla. Það sé frelsi og lýðræði í ríkjum ESB. Þegar mótmælt er í Hvíta Rússlandi og Georgíu þá flytja ríkis-rúv og ríkra-miðlar á ríkisfé ítarlegar fréttir af frelsisþrá fólksins. Tony Blinken í Washington og komízar Jósep Borell í Brussel hvetja stjórnvöld í Minsk og Tiblisi til að sýna stillingu í nafni frelsis, lýðræðis og mannréttinda.

 

MÓTMÆLI Í BERLÍN

Fjölmenn mótmæli voru í Berlín og víðar í Þýskalandi gegn hernaðarhyggju Olafs Scholz kanslara og ákvörðun að senda þýska skriðdreka í styrjöld við Rússa. Þjóðverjar höfðu heitið því að feta aldrei í fótspor Hitlers. Þjóðverjar eru rasandi yfir lindkind Scholz vegna hryðjuverks Bidens og Störes á Nord Stream gasleiðslunum í Eystrasalti. Elítan forðast eins og heitan eld að ræða það vandræðalega mál. Alveg eins og Katrín og Þórdís okkar forðast að útskýra flug P8 þotunnar sem sveimaði yfir gasleiðslunum nóttina 26.09.2022. Það er svo notalegt að stýra þjóðfélagi þar sem fjölmiðlar spyrja ekki elítu okkar óþægilegra spurninga. Hvenær sjá vinir mínir að almenningur í Evrópu og Ameríku er að segja skilið við forræði fámennrar elítu sem fer með stríði á hendur þjóðum og kúgar eigin þegna...  

Bakhmut er fallin

Fáni Rússlands hefur verið dreginn að húni yfir ráðhúsi Bachmut hefur hin sænska Swebbtv eftir hinni rússnesku Tass. „Borgin er okkar,“ segir Yevgeny Prigozhin, herforingi Wagnershersins. Rússar hafa og unnið Frelsistorgið í miðbænum. Wagner-herliðar hafa tekið meginþunga bardaga af hálfu Rússa sem hafa verið blóðugir, mikið mannfall og sagt er að meginþungi stríðsins færist nú yfir á rússneska herinn. Rússar hafa unnið Azom málmverið í Bakmut, svokallaða Vostomash byggingu. Fall Bakhmut er áfall fyrir Úkraínu. Zelinskyy hafði lagt ofuráherslu á að verja Bakhmut sem var megin þema ræðu hans í Bandaríkjaþingi tveimur dögum fyrir jól 2022 þegar hann færði þinginu áritaðan bakhmutfána úkraínskra hermanna. Það átti að halda Bakhmut og taka Krímskaga; líkingin var Stalíngrad 1943 og herförin til Berlínar.

BLÓÐBAÐ Í AUSTURVEGI

Nýjustu tölur um heildarmannfall Úkrana eru sagðar 257 þúsund, Rússa um 30 þúsund. Nato snýr mannfalli jafnan upp á Rússa en auðvitað spyrjum við að leikslokum. Kænugarður boðar átta nýjar herdeildir verði bardagahæfar til gagnsóknar í vor. Með góðum vilja má áætla 50 þúsund manns undir vopnum. Það er umtalsverður herafli. 15-16-17 ára drengir, ungar konur, gamlir karlar hafa verið kallaðir í herinn. Þeirra bíður um 300 þúsund manna rússneskur her albúinn til sóknar vestur og norður. Enn etja Vesturveldin Úkraínu á foraðið og úkraínsku blóði skal úthellt í þágu misheppnaðrar glóbalízkrar útþenslu. Blóðbaðið mætti stöðva með einu pennastriki.

Í október fullyrti ég að Rússar væru búnir að vinna stríðið, ná meginmarkmiðum sínum. A-Úkraína rússnesku mælandi fólks var sameinuð Rússlandi. Í kjölfarið biðu rússneskar hersveitir veturinn af sér. Nú eru Rússar við járnbrautarteina Bakhmut eftir að hafa unnið miðbæinn. Úkraínuher hefur notað undirgöng sem liggja frá miðbænum út úr borginni til birgðaflutninga en væntanlega hafa þau verið sprengd. Rússar sprengdu bönker nærri Lviv  á 130 metra dýpi þar sem voru um 300 manns, þar af 40 Natoforingjar. Úkraínskir hermenn falla fyrst og fremst fyrir stórskotaliði og eldflaugum Rússa með ofurefli harafla og vopna en Wagner hafa tekið návígin.

MARIEPOL FYRIRI ÁRI

Fyrir réttu ári 1. apríl 2022 var Mariepol í fréttum fjölmiðla um heim allan. Bardagar um Mariepol voru á lokastigi. Leifar hers Azov-nazista ásamt nokkur hundruð Nato-herforingjum höfðust við neðanjarðar í Azov-stálverinu. Mariepol hafði verið höfuðsetur Azov-nazista síðan 2014 þegar Kænugarður hóf þjóðernisstríð gegn rússnesku mælandi fólki í A-Úkraínu. Hersveitum Azov-nazista hefur verið gereytt, að því er virðist. Mariepol féll í hendur Rússum í maí. Þrátt fyrir allt þetta hefur RÚV sagt okkur í heilt ár að Rússar séu að tapa stríðinu. Nú er okkur sagt að rússneskir hermenn séu fyllibyttur. Ég hef fréttir fyrir ykkur, hættið að vanmeta Rússa. Rússland er í dag mesta herveldi heims. 

GJALD ALÞÝÐUMANNA HÁTT

Tálsýnir wókisma, transvæðingar, hamfaravár, af-iðnvæðingar hafa lamað Bandaríkin og Evrópu svo að þeim blæðir út með pappírssnifti sem gjaldmiðla. Þegar Bandaríki Joe Biden flúðu Afganistan og yfirgáfu Kabúl, þá voru andvirði á milli tíu og fimmtán þúsund milljarða króna af fullkomnustu vopnum skilin eftir. Líkkistur höfðu verið fluttar heim í þúsundvís og fjölfatlaðir hermenn skipta tugum þúsunda. Sannarlega er gjald þeirra hátt svo og Afgana, Íraka, Líbýumanna, Sýrlendinga, Súdana sem liggja í valnum, lönd múslima sprengd á steinöld. Samt galt öflugasta herveldi heims ósigur.

Í Endalausum styrjöldum 2001-2022 tapaði bandaríska herveldið fyrir hirðingjum á sandölum vopnuðum AK-47 rifflum.

Sannlega var 20. öldin Amerísk; American Century en bændur í Víetnam hröktu þá samt úr landi sínu og höfuðborg Saigon árið 1975. Nú er hin nýja Ameríska öld í dauðateygjum og árið er 2023. Bandaríkin áttu að vera ofurveldi 21. aldar með Evrópu og Rússland sem hjálendur. Neo-cons og neo-libs; villtu hægri og vinstri öfgaöflin beggja vegna Atlantsála horfast í augu við niðurlægjandi ósigur og hrun dollars sem heimsmyntar. Hátt er gjald ungra Bandaríkjamanna, hátt er gjald múslima, Serba og Úkrana. Það skal hér skrifað á pappír að þegar Ameríka vildi stöðva blóðbaðið þá snérust Kata & Dísa gegn alþýðufólki sem vildi hætta Endalausum styrjöldum. 

Fyrir 110 árum var Federal Reserve, Seðlabanki Bandaríkjanna stofnaður af hinum ríku og voldugu sem urðu stöðugt ríkari og voldugri una þeir áttu allar heimsins eigur. Samt eru þeir að tapa, nú fallnir á tíma. Fjölpóla veröld er við sólarupprás, Guði sé lof. Nýlendutími Evrópu er endanlega liðinn, ESB hrynur sem spilaborg, Nato leysist upp, Davos slæm minning. Bandaríkin mun hrista óværuna af sér. Ég hef þó áhyggjur af Evrópu því þjóðir án orku eru bjargarlausar. 

Svona laug Ameríka um stríðsglæpi Pútins

Þann 17. mars gaf forseti Alþjóðaglæpadómstólsins International Criminal Court ICC í Haag, Karim Khan út handtökutilskipun á Vladimir Pútin forseta Rússlands fyrir stríðsglæpi fyrir að hafa ólöglega flutt úkraínsk börn til Rússlands og komið upp fjölda innrætingarbúða þar sem börnin væru „Rússlandíseruð“ Ásamt Pútin var gefin út handtökutilskipun á Maríu Llova-Belovu forstöðukonu Barnaverndar Rússlands. Handtökutilskipanir ICC eru byggðar á skýrslu Yale University Humanitarian Research Lab Center, New Haven Connecticut, styrkt af deild utanríkisráðuneytisins sem var stofnuð í maí 2022 um stríð og stöðugleika; Bureau of Conflict and Stabilization Operations.

 

Þann 16. febrúar hafði fréttamaður CNN, Anderson Cooper átt viðtal við forstöðumann Yale HRL Nathienel Raymond um flutning á sex þúsund börnum frá Úkraínu til Rússlands, þar á meðal sérstaklega vísað í innrætingarbúðir Donbass Express, 60 kílómetra frá Moskvu. Fréttin var dramatísk. CNN Breaking News: Gulbrún Viðvörun um Úkraínsk Börn; Amber Alert for Ukraine‘s Children. Raymond kvaðst ásamt sínu fólki hafa afhjúpað líklega stærstu innrætingabúðir 21. aldar. Hann gaf í skyn þjóðernishreinsanir. Sannanir um þjóðarmorð; evidence of genocide. „Þau eru að reyna að breyta þeim í Rússa,“ sagði Raymond. Vegna afhjúpunar Yale HRL gaf utanríkisráðuneytið bandaríska út yfirlýsingu: „Þúsundum barna er haldið í gíslingu.“

PÚTIN EINS OG HITLER

Á 24 ára ferli sínum við góðgerðarstörf kvaðst Raymond aldrei hafa séð annað eins. „Við erum að fást við umfangsmestu barnabúðir 21. aldar,“ sagði Nathienel Raymond. Cooper gretti sig fullur vandlætingar. „Þetta er sjúklegt; This is truly sickening. This is sick,“ sagði Cooper. Kollegi hans á CNN, Fareed Zakira tók upp þráðinn og kvað Pútin gera eins og Hitler: Hitler‘s playbook. Hringekja Trusted News fjölmiðla fór af stað. Ríkisfréttir RÚV létu ekki sitt eftir liggja né ríkra-miðla á framfærslu ríkisins; Stöð2, Vísir, Morgunblaðið, DV ásamt auðvitað Fréttblaðinu og Hringbraut heitnum. Lindsey Graham öldungadeildarþingmaður sagði: „Þetta er það sem Hitler gerði!“

FJÁRMÖGNUÐ JOE BIDEN-STJÓRNINNI

Saksóknari ICC kvaðst byggja handtökutilskipunina á rannsóknum Yale HRL leiðbeint af bandaríska utanríkisráðuneytinu. Þrátt fyrir stóryrði á CNN þá kemur hvergi fram í skýrslunni að foreldrar hefðu sent ungmenni sín þeim til verndar frá ógnum stríðsins og mörg hefðu snúið til baka. Engar vísbendingar væru um misnotkun barna; no documentation of child mistreatment. Skýrslan er byggð á gervihnattagögnum, Telegram póstum og rússneskum fjölmiðlum þar sem google þýðing; google translate var notað til þýðinga. Engin vettvangskönnun fór fram. „Yale HRL tekur ekki viðtöl við vitni, aðeins gögn sem birst hafa. Yale rannsakar ekki vettvang, né var farið fram á,“ segir í skýrslunni.

DONBAS EXPRESS VIÐ MOSKVU

Donbas Express var sérstaklega nefnd. Svo vildi til að bandarískur blaðamaður að nafni Jeremy Loffrerdo hafði í nóvember 2022 heimsótt Donbas Express; gamalt sovét-hótel í bænum Pokrovskoye 60 kílómetra frá Moskvu þar sem voru um 80 krakkar. Hótelinu hafði verið breytt svo börn frá Donetsk og Lughansk héruðum mættu dvelja við nám í klassískri tónlist. Loffordo var þá fréttamaður Rebel News en hefur síðan skipt yfir á hinn vinstri sinnaða miðil The Grayzone þar sem umfjöllun finna má umfjöllun á Grayzone.com. Jeremy Loffredo og Max Blumenthal, stofnandi Grayzone, eru höfundar greinarinnar. Í nóvember hafði Loffredo ekki hugmynd um að ICC myndi sérstaklega vísa í Donbas Express sem dæmi um innrætingarbúðir í pólitískum tilgangi.

Loffredo hefur allt aðra sögu að segja í frétt sinni: Heimsókn til Donbas Express, öryggi frá stríði. Þar kvaðst hann hafa hann hitt alsæl ungmenni í tónlistarnámi. Krakkarnir voru fullir þakklætis fyrir að hafa losnað undan martröð árásarstríðs stjórnvalda í Kænugarði á hendur rússnesku mælandi íbúum Úkraínu allar götur frá 2014. Árásarstríðið hófst eftir blóðuga litabyltingu Ameríku í Kænugarði árið 2014. ICC segir skjólið innrætingabúðir; Rússlandíseringu sem telst stríðsglæpur.

ÆTTJÖRÐ MÍN SNÝR AFTUR

Yale skýrslan hefur rétt fyrir sér að einu leyti að sögn Lundstrem: „...margar fjölskyldur vilja ekki láta dvöl þeirra spyrjast út því þá verður litið á þau sem svikara og samstarfsmenn Rússa ... Svo þú skiljir hvað gert er við börn sem þessi í Úkraínu ... börn sem fá aðstoð frá Rússum eða Rússlandi eru infaldlega drepin. Krakkarnir syngja Ættjörð mín snýr aftur af innlifun sem orð fá ekki lýst.“ Loffordo ræddi við ungmennin sem voru full þakklætis og segja hryllingssögur af framgöngu úkraínskra hersveita í stríðinu, svo sem fram kemur í umfjöllun hans.

RAYMOND HÓF STÖRF HJÁ YALE 2021

Loffredo hafði samband við tölvunarfræðinginn Natheniel Raymond sem kvaðst hafa hafið störf hjá Yale HRL 2021, þá í tengslum við Afganistan. Þeir töluðu saman í síma. Þegar deilur um Úkraínu mögnuðust eftir valdatöku Biden var myndaður hópur um landið, sagði Raymond. „Um vorið vissum við að góðir hlutir voru að gerast; the good stuff was happening.“ Hann kvað National Intelligence Council hafa sett á þá mikla pressu. „Við eyddum sumrinu og haustinu [2022] að leita leiða til að komast inn á rússneskar vpn-tengingar [sýndar-einkanet] Rússa á rússneskum samfélagsmiðlum.“ Þeir ræddu margvísleg önnur verkefni hópsins og þar kom að samtali þeirra um börnin.

Aðspurður um rússneskan bakgrunn barnanna sem hefðu mátt sæta ofbeldi eigin ríkisstjórnar sagði Raymond: „Jafnvel þó það sé satt, þá er um stríðsglæp að ræða. Samkvæmt Genfarsáttmálanum má ekki undir neinum kringumstæðum ættleiða eða flytja börn frá átakasvæði.“ Hann vildi hvorki taka umræðu um uppruna né bakgrunn barnanna þegar kom að því hvort réttindi hefðu verið brotin, þó hann viðurkenndi að í flestunum búðunum sem Yale-hópur hans hefði rannsakað væri „...fyrst og fremst fram menningartengd menntun, eins og ég segi, brúðubangsa; teddy-bear.“ Svo hljómuðu orð góðgerðarsinnans Raymond.

STÚLKA REYRÐ VIÐ STAUR

Við þetta má bæta að myndin hér af stúlkunni áskotnaðist mér fyrir nokkrum vikum, tvítað af Make Peace Now; Alternative News þar sem engin ritskoðun ríkir. Stúlkan var reyrð við staur og glitta má í hermann með úkraínsku fánalitina. Ég er nokkuð viss um að Katrín Jakobsdóttir og Þórdís K.R. Gylfadóttir hafi ekki verið leiddar fram fyrir stúlkuna í illræmdri för sinni á dögunum; Kata með töskuna og Þórdís í herjakkanum.

Ég þekki ekki um örlög stúlkunnar en hræddur er ég um að stúlkan sé ekki meðal okkar. Ég birti myndina ekki á facebook enda yrði mér varpað í f-dýflissu svo þið getið séð hana hér á blogg.is, fréttin.is og Útvarpi Sögu. Þar má líka sjá umfjöllun Loffordo um börnin á Donbas Express.

Trump ákærður í New York

Grand Jury dómstóll í New York hefur ákært Dónald Jón Trump 45. forseta Bandaríkjanna. Það er saksóknari á Manhattan, New York að nafni Alvin Bragg sem gefur út ákæruna. Bragg segir að haft hafi verið samband við lögmann Trump um að forsetinn gefi sig sjálfviljugur fram. CNN hefur eftir heimildum úr búðum saksóknara að Trump verði ákærður fyrir yfir 30 viðskiptalagabrot. Þá mun forsetinn ákærður um meinta greiðslu til klámstjörnunnar Stormy Daniels sem kvaðst hafa veitt Trump kynlífsþjónustu árið 2006. Árið 2018 dró hún þá yfirlýsinga til baka sem hún síðar dró til baka. Trump er sakaður um að hafa ekki talið greiðsluna rétt fram. Lögmaður Stormy Daniel, Michael Avenatti afplánar nú 14 ára fangelsi fyrir fjársvik en hann var dæmdur í desember 2022 fyrir að hafa svikið stjörnuna um 45 milljónir króna. Hann fékk slíka athygli 2018 að hann gældi við að verða forsetakandidat demókrata gegn Trump 2020.

PÓLITÍSK VOPNVVÆÐING DÓMSKERFIS

Ákæran er talin líkleg til að sameina patriot repúblikana sem líta á hana sem pólitíska vopnvæðingu dómskerfisins; Weaponization of the Justice System. Svona er Ameríka í dag. Trump hefur mikla yfirburði í skoðanakönnunum yfir aðra frambjóðendur repúblikana svo og Joe Biden. Forsetakosningar fara fram í nóvember 2024.

Nú seljast Trump-bolir eins og heitar lummur á 17.76 dollara táknrænt fyrir sjálfstæðisyfirlýsingu Bandaríkjanna.

 

 

SAKSÓKNARI SOROSAR

Alvin Bragg var kjörinn saksóknari árið 2021. Hann er einn 75 saksóknara sem George Soros hefur fjármagnað í Bandaríkjunum til þess að brjóta niður borgaralegt kristið vestrænt samfélag, nýlega kominn í embætti. Soros er stofnandi Open Border Society. Hann var að baki Panamaskjölunum 2016 þegar Sigmundur Davíð Gunnlaugsson var flæmdur út úr Stjórnarráðinu. Nokkru síðar var Soros önnum kafinn ásamt Victoriu nokkurri Nuland aðstoðarutanríkisráðherra að gefa fólki kökur í Kænugarði og ásamt sendiherra sínum að velja menn í byltingastjórn. Biden stýrði amerískum aðgerðum í Úkraínu og fór sex ferðir til landsins. Byltingunni var gefið það fallega nafn Colour Revolution en um 140 manns voru skotnir til bana. Allar götur síðan hafa Vesturlönd vopnvætt Úkraínuher til undirbúnings stríðinu gegn Rússlandi, svo sem nú er rækilega skjalfest af Angelu Merkel og staðfest af Francoise Hollande.

ÍSLANDI STJÓRNAÐ ERLENDIS 

Íslenska litabyltingin var hefnd Wall Street fyrir stuðning íslensku þjóðarinnar við kröfur SDG um þrjú hundruð milljarða úr þrotabúum bankanna. RÚV og SVT sáu um útfærslu hefndarinnar. Síðan hafa íslensku stjórnmálaflokkarnir utan Miðflokksins keyrt hér opin landamæri; Open Border Society og landinu verið stjórnað utan landsteina án sjálfstæðrar utanríkisstefnu. Í Bandaríkjunum deyja árlega 70 þúsund ungmenni af fetanyl lyfjum smygluðum inn af mexíkóskum glæpaklíkum í skjóli opinna landamæra. Ísland nálgast hratt sambærilega tölu í boði vg, pírata, samfó og viðreisnar í aðför þessara flokka að íslenskri menningu og tungu ásamt glæpavæðingu Íslands. Svona er glóbalizmi í dag. Svona er Ísland í dag.

EF AMERÍKA FELLUR ÞÁ FELLUR VESTRÆN SIÐMENNING

Það er ekki ofmælt að Dónald Trump sé síðasti maður standandi; last man standing til varnar vestrænni siðmenningu. Ef Ameríka fellur, þá falla öll Vesturlönd, ef tekst að bjarga Ameríku þá verður atlögu glóbalizta að vestrænni siðmenningu frelsi og lýðræði hrundið. Öllu er til fórnað til þess að fella Trump, þar á meðal innrásin illræmda á heimili forsetans Mar-A-Lago. Í Washington eru um þúsund pólitískum föngum haldið í fangelsum án dóms og laga. Þegar Tucker Carlsson einn fjölmiðlamanna, jú hugsið ykkur aleinn birti myndir af atburðum J6 2021 sameinuðust allir fjölmiðlar að fordæma fréttirnar. Fjölmiðlar þegja og þagga og halda hlífiskildi yfir Biden-feðgum vegna Laptop-from-Hell ásamt hinum fleygu orðum 10%-to-the-Big-Guy; yfir Bill Clinton vegna minnsta kosti 16 ferða til Epstein-eyju og 17 heimsókna hins látna níðings Brian Epstein í Hvíta Húsið og stríðsglæpi George Bush í Írak sem Julian Assange afhjúpaði að ég nefni nú ekki 9/11.

Úkraína á barmi uppgjafar? ...

Rússar sækja alls staðar fram á vígstöðvum A-Úkraínu. Orrustan um Bakhmut er á lokastigi. Zelenskyy hefur lagt mikla áherslu á að halda þessum 77 þúsund manna, nú draugabæ. Þegar Zelinskyy ávarpaði Sameinað Þing Bandaríkjanna;  Joint Session of Congress í Washington 21. desember síðastliðinn þá líkti Zelinskyy orrustunni um Bakmuth við lokasókn Hitlers sem hófst fyrir jólin 1944 og lauk í lok janúar 1945; Battle of Bulge. Í Úkraínu höfðu Rússar sótt að Bakhmut frá maí í átta mánuði og mætt gríðarlega harðri andstöðu og hörfað. Það var túlkað á Vesturlöndum sem veikleiki rússneska hersins vanbúnum til styrjaldar var fólki sagt heima í stofu.

 

KLAPPAÐ & FAGNAÐ

Í ræðu sinni lagði Zelinskyy áherslu á að Bakhmut mætti ekki falla. Ef svo ætti að verða yrði hann, Zelinskyy að fá dollara og vopn. Hann afhenti Nancy Pelosi þingforseta og Kamillu Harris varaforseta áritaðan úkraínskan fána hermanna í Bakhmut. Þær klöppuðu af gleði og spenningi veifandi blá/gula fánanum. Joe Biden fylgdist með í Hvíta Húsinu. Allt var svo stórkostlegt. Hvað er með allar þessar konur sem elta Joe Biden með Laptop-from-Hell tökvuna og 10% to the Big Guy. Nennir engin valdakona hvort heldur í Ameríku eða Evrópu að kynna sér Biden Crime Family? Hvað er þetta með konur sem velja skúrka?

 

Bakhmut átti að verða lokasókn Rússa, ósigur Rússa líkt og Hitlers 1945. Upphaf gangsóknar til þess að reka rússneska herinn til baka út úr Úkraínu. Rússland átti að hrynja og Pútin hrökklast frá völdum. Zelinskyy heimsótti þjóðþingin eitt af öðru. Alls staðar var klappað og fagnað. Á Alþingi klappaði og fagnaði þingheimur frammi fyrir Zelinskyy á skjánum. Allt var svo stórkostlegt. Nú segir Zelinskyy að bandarískir foreldrar verði að senda syni sína og dætur til Úkraínu.

 

BARIST Í BAKHMUT HÚS ÚR HÚSI

Nú er Bakhmut er að falla, . Samkvæmt nýjustu fréttum Newsweek, Weeb Union og fleiri miðlum hafa Rússar umkringt AZOM málmverið í iðnaðarbænum Artyomovsk í útjarðri Bakmut. Newsweek segir að 300 úkraínskir hermenn séu innikróaðir í málmverinu í svokallaðri Vostomash byggingu. Rússar sækja inn í Bakhmut frá norðri, austri og suðri, samkvæmt Weeb Union sem daglega flytur vandaðar fréttir af stöðunni á vígstöðvunum. Bakhmut er hernaðarlega mikilvægur iðnaðarbær á krossgötum. Sannlega eru bardagar harðir. Það er barist hús úr húsi sem minnir á skotgrafir fyrstu heimstyrjaldar. Úkraína er að gjalda afhroð af því hermenn þeirra mæta ofurefli liðs. Þeir eru mun færri með hvorki með vopn né skotfæri á pari við bræður sína Rússa.

 

STAÐAN SÖGÐ VONLAUS

Herforinginn Douglas Macgregor segir að staða úkraínska hersins sé vonlaus. Yfir 200 þúsund Úkranar séu fallnir, 400 þúsund óvígir, 500 deyi á degi hverjum. Í ársbyrjun skýrði Der Spiegel frá því að þúsund væru að deyja daglega. Úkraínskir karlmenn á besta aldri eru að miklum hluta fallnir. Úkraínska hernum hafi verið gereytt. Nú eru 15-16-17 ára unglingsdrengir kvaddir í herinn, ásamt konum og körlum yfir fertugu, að sögn Macgregor. Um tíma voru tíu þúsund úkranar í hverkví í Bakhmut en nokkur þúsund hefur tekist að flýa í gegn um skóga vestur á bóginn. Rússar hafa tífalt hernaðarafl á við Úkrana; tvífalt fleiri sprengjur, tífalt fleiri eldflaugar, gnægð skotfæra. Rússar hafa vissulega orðið fyrir skakkaföllum, 30 þúsund fallnir og 30 þúsund óvígir þannig að miklar fórnir hafa verið færðar af bræðrum sem berjast. Indverska Hindustan Times skýrir frá viðtali Zelinsky við japanska fréttamiðilinn Yimouri að Úkraína hafi hvorki vopn né skotfæri. Fyrstu merki uppgjafar spyr Hindustan Times. Staðan er grafalvarleg.

 

EIN & SAMA RÍKISFRÉTTIN HEIMA Í STOFU

Um öll Vesturlönd hefur fólk fengið eina og sömu stofufréttina á rauntíma í boði Trusted News Initiative ríkis- og ríkra-miðla um það á hversu Rússar séu vanbúnir með úrelt vopn og illa klæddir. Allt stríðið hafa Vesturlandabúar horft á stofufréttir af vopnasendingum í Austurveg. Trukkar með Himar eldflaugar; loftvarnakerfi til að granda orrustuþotum og flugdrónum; stóra skriðdrekamálið Leopoard, Abrams og Challenger skriðdrekar; F-16 orrustuþotur sem svo Zelinskyy var neitað um en fær nokkrar gamlar MIG sovéskar orrustuþotur. Rishi rikki ríki Sunak og Zelinsky voru glaðir og reifir með orrustuhjálmana sína. Fólk heima hefur horft á stofufréttir af milljörðum dollara og vopnasendingum en engar fréttir hugaðra fréttamanna sem hætta lífi sínu á vígstöðvunum. Í Víetnam fékk Ameríka stríðið inn í stofu. Hryllinginn í My Lai. Ekkert svoleiðis nú. Bara rúvari flýjandi endilanga Úkraínu.

 

HVERS VEGNA PROXY-STRÍÐ?

Rússar hafa náð auðlindum Austur-Úkraínu á sitt vald; olíulindum, gaslindum, kolanámum, saltnámum, járnnámum ásamt iðnaðarhéruðum Donbass og Luhansk. Bakhmut er síðust í iðnaðarhéraðinu Donbass til að falla. Nú taka við landbúnaðarhéruð hinnar frjósömu Úkraínu. Vesturlönd eru að bíða ósigur líkt og Hitler í Stalingrad 1943.

Hvernig datt Vesturlöndum í hug að etja Úkraínu í proxy-stríð gegn Rússlandi? Hvernig datt Vesturlöndum í hug að Rússland myndi hrynja við vestrænar viðskiptaþvinganir og Pútín hrekjast frá völdum. Þvert á móti eru vestrænar þjóðir á barmi hruns einangraðar og dæmdar af 80% mannkyni vegna Endalausra styrjaldir og ný-nýlendustefnu sinnar. Auðvitað snýst þetta um peninga og völd hinna ríku. Ameríka sem var nýlenda er nú ný-nýlenduþjóð af nýrri tegund. Ameríka segist varpa sprengjum í nafni frelsis og lýðræðis. Spyrjið Víetnama, Serba og múslimaþjóðir til þess að komast í olíu þeirra. Nú skal ná Úkraínu og lama Rússland til þess að komast yfir ótæmandi auðlindir rússnesku þjóðarinnar.  Á  Íslandi bankar Brussel á dyr og krefst fiskimiða og orkulinda. Um aldir bjuggu forfeður okkur í danskri nýlendu. Því má íslensk þjóð aldrei gleyma.