Nord Stream enn í fréttum, Sy Hersh, Nato-Kef & P8 þotan ...

Hryðjuverkið á Nord Stream gasleiðslunum milli Rússlands og Þýskalands í september 2022 er eitt hið mesta í sögunni. Ítölsk yfirvöld hafa handtekið Úkra að nafni Serhiy K, að sögn þýskra fjölmiðla. Fyrir rúmu ári bendlaði Wall Street Journal Valeríj Zaluzhníj, fyrrum yfirmann úkraínska hersins nú sendiherra í Lundúnum við hryðjuverkið með samþykki Zelinsky forseta að sagt var. Skútan Andromeda var sögð notuð til verksins. Ef stjórnvöld í Kyiv eru bak við hryðjuverkið þá er árásin á Þýskaland dauðans alvara. Ódýrt gas hætti að streyma til Þýskalands sem hefur ekki náð sér af efnahags áfallinu og iðnframleiðsla í sárum. Það er kreppa í Þýskalandi.

 

BIDEN & NORDSTREAM

 

Truverðugasta kenningin um hryðjuverkið hins vegar er að Joe Biden hafi fyrirskipað árásina á gasleiðslurnar. Það hins vegar virðist ómöguleiki að Bandaríkin viðurkenni ódæðið, fremur en aðra stríðsglæpi. Í mars 2023 upplýsti Seymor Hersh, fremsti blaðamaður USA síðustu 50 ár að Biden-stjórnin hafi verið á bak við hryðjuverkið. Joe Biden forseti hafi gefið út tilskipun um að sprengja Nord Stream. Sprengjum hafi verið komið fyrir í Eystrasalti á Nato-flotaæfingu sumarið 2022. Jake Sullivan öryggisráðgjafi Biden hafi stýrt aðgerðum úr Eisenhower byggingunni gengt Hvíta Húsinu. Í febrúar 2022 hafði Joe Biden í hótunum í sjálfu Hvíta húsinu með kanslara Þýskalands sér við hlið. Ef Rússar færu inn í Úkraínu; „...We will bring an end to it [Nord Stream], I promise you. We can do it.“ Olav Scholz kinkaði kolli. 

 

Að sögn Sy Hersh þá voru það norskir sérsveitarmenn sem völdu staðina í Eystrasalti. Bandarískir kafarar frá flota- og björgunarmiðstöð í Panama City Flórída komu fyrir sprengjum á flotaæfingu Nato í júní 2022. Þann 26. september 2022 voru gasleiðslurnar sprengdar. 

 

NATO-KEF & HRYÐJUVERKIÐ

 

Skömmu fyrir miðnætti 25.10.2022 tók bandarísk P-8 þota sig á loft frá Keflavíkurflugvelli og hélt til Eystrasaltsins. Þotan var yfir skotmarkinu eftir rúmlega þriggja tíma flug, sveimaði yfir Póllandi í um klukkustund, og tók eldsneyti í 25-26 þúsund feta hæð. P8 þotan sveimaði síðan yfir Eystrasaltinu og lækkaði flugið í 10 þúsund fet. Þotan hóf aðflug að Nord Stream og var yfir leiðslunni kl. 07:04. Bauju var varpað í sjóinn með Raytheon sónar. Washington staðfesti flug þotunnar en sagði hana hafa verið á venjubundnu flugi. Ég sagði frá fréttaflutningi Sy Hersh fyrir rúmum tveimur árum. Þá sagði ég frá flugi P8 þotunnar og hafði eftir fyrrum bandarískum hermanni, Monkeywerx sem  rakti ferðir P8 þotunnar nóttina 26.110.2022. Umfjöllun hefst 2:35. Það er fjöldi manns sem fylgist með alþjóðaflugi t.d. á flight radar. Ég hef mína kontaktmenn þrautreynda flugmenn svo sem sjá má í fréttum mínum undanfarin ár. Uppljóstranir þessar voru á útmánuðum 2023 og grein Sy Hersh hafði vakið mikla athygli en auðvitað ekki á Íslandi þar sem alger þöggun ríkir. 

 

NATO-KEF & P-8 ÞOTAN

 

Þessar upplýsingar benda til óbeinnar aðildar Íslands að mesta hryðjuverki í sögu Evrópu þegar bandarískar og norskar sérsveitir gerðu árás á þýsku þjóðina. Tveir skjálftar komu fram á mælum; kl. 02:03 og mun öflugri kl. 07:04. Sex af átta sprengjum sprungu. Þrjár af fjórum gasleiðslum eyðilögðust. Var Ísland með í ráðum? Mér finnst það fremur ólíklegt en það þá staðfestir íslenska þjónkun. Fréttir Sy Hersh hafa ekki verið staðfestar þannig að efi ríkir en sannleikurinn mun koma fram þegar Nato hefur tapað proxy-stríði sínu á hendur Rússlandi. En áfram skal haldið. Nato/ESB áformar styrjöld gegn Rússlandi 2030 án Bandaríkjanna. Yfirhershöfðingi þýska heraflans, Carsten Bauer hefur verið í heimsókn og hitti utanríkisráðherra. Ríkisstjórn Íslands áformar útkall allra 18-65 ára með lögregluvaldi til að senda á vígvelli Evró/Úkró/Rússó styrjaldar. Hvaða líkindi telur fólk að Nato-Kef verði skotmark í boðaðri styrjöld...