Óli Hauks biður fisk um að drekkja sér ...

Í aðdraganda Covid árið 2020 fékk ég símtal frá gömlum kollega, Ólafi Haukssyni almannatengli. Óli færði mér þau tíðindi að ég væri rekinn úr fb-nethópi blaðamanna af því ég væri hvass. Mér var sparkað úr fb-hópnum. Rödd mín var þögguð meðal blaðamanna, þar sem bara ein skoðun er leyfð eins og fólk veit. Rógsherferðin mikla gegn mér hafði hafist eftir grein mína í Mogganum í janúar 2019: “Atlagan að vestrænni siðmenningu.“ Þá kom skæðadrífa svívrðinga og ég var lýstur geðveikur, takk fyrir. Dagblaðið sem ég átti þátt að stofna - 1975 - tók að sér skítverkin. Þá urðu alger skil milli mín og félaga í Blaðamannafélagi Íslands. Ég varð persona non grata í íslenskum fjölmiðlum. Ég hafði nefnt Soros og plön glóbalizta að skipta um þjóðir.

 

EINANGRUN Í GRÍMSEY

 

Samtal mitt við Óla Hauks var stutt. Þegar Covid hellist yfir heimsbyggðina var Óli undarlega áhugasamur að smala fólki í sprautur. Hann kvað óbólusetta andsetna, forherta af hjarðheimsku. Áhrifaríkara væri að biðja fisk um að drekkja sér en tjónka við hyskið. Óli vildi einangra óbólusetta. Þetta var í janúar 2022. Ummæli Óla voru á pari við Kára Stefánssonar í ágúst 2021 sem vildi einangra óbólusetta í Grímsey. “Kári veit hvað hann syngur,“ sagði Vísir sem stendur vörð um hagsmuni hinna ríku og voldugu. Jakob Bjarnar Grétarsson sagði á Bylgjunni: “Látið bólusetja ykkur, kjánarnir mínir.“ Snoturt eða hitt þá heldur ekki satt? Óli Hauks lýsti forseta Bandaríkjanna sem fáráð eftir að Trump og Pútin hittust í Alaska. Hver er sök Trump? Jú, Trump krefst friðar. Óli Hauks almannatengill er með allt á hreinu er lýtur að plágum og styrjöldum ...

Athugasemdir

[Ingólfur Sigurðsson, 23.8.2025 kl. 23:04]

Það er erfitt að elska sína eigin þjóð og náungann þegar quislingar reynast í þeim sem ættu að hafa samvizku og vit meira. Þó er það eitt af því merkilegasta í kristinni trú að fyrirgefa. 

Við Íslendingar erum verulega sýkir af glóbalismaveirunni og undir hælnum á Sorosarmafíunni. Við erum enda vænlegt skotmark sem fámenn þjóð sem var kúguð af erlendu valdi, Dönum í gegnum aldirnar. Ég er farinn að sjá að við Íslendingar erum eins og Úkraínumenn, kúgaðir af stórveldum og Mammonsmafíunni.

Viðbrögðin sýna að sannleikur er sagður og stungið á kýlum. Páll Vilhjálmsson ætti að fá verðlaun fyrir að fletta ofanaf spillingu, en í staðinn fá Kveiksmenn verðlaun, sem eru í miðri spillingunni. Rétt er það að eins og Páll Vilhjálmsson hefur þú verið einn af þeim máttarstólpum sem hafa staðið vörð um sjálfstæði einstaklinganna hér og þjóðarinnar allrar. 

Það verður seint fullþakkað fólki sem leggur margt að veði til að standa gegn yfirgangi og kúgun marxistanna. 

Saga Sovétríkjanna er blóðug saga ofsókna og hreinsana. ESB er að feta í sömu fótspor. Fleiri vita þetta en láta það uppi en óttinn stjórnar líka mörgum.

Þakka þér fyrir frábæra pistla. Ég segi það enn, þú ættir að fá verðlaun eins og Páll Vilhjálmsson, en við því er varla að búast, því miður.

[Magnús Sigurðsson, 24.8.2025 kl. 06:38]

Blessaður Hallur, -þú hefur sjaldan upplýst fjölmiðlunina, sem við búum við um þessar mundir, -eins vel í pistli.