Nú rænir pólitíkin Ísland & flytur féð úr landi ...

Snorri Sturluson hafandi ritað uppruna Óðins var veginn 1241 í Reykholti að skipan Hákonar gamla í bandalagi við Vatikanið í Róm. “Út vil ek” og Snorri sigldi út. Vinur hans Skúli jarl var drepinn 1240 í hinum frumkristna Þrándheimi. Osló varð höfuðsetur kaþólska Norvegs. Árið 1237 hafði Vatikanið gefið út tilskipun til svíaríkis um árás á Rússland. Orthódox Rússland stóð af sér vestræna árás til útþenslu Páfagarðs með sigrinum á ísnum 1242. Ísland gekkst á hönd Noregskonungi 1262 og Þjóðveldið íslenska féll. Ísland og Noregur féllu í aldalanga útlenda kúgun og niðurlægingu.

 

DANIR KOMU & RÆNDU ÍSLAND

Danir komu og rændu Ísland. Jón Arason biskup var hálshöggvinn 1550. Gulli, silfri og verðmætum var rænt úr klaustrum, klausturkirkjum, klausturjörðum og flutt til Kaupmannahafnar 1555-1570. Svo var hin illræmda Einokunarverslun 1602-1787. “Upp var boðið Ísaland” og myglað mjölið var sent yfir hafið. Handritin voru flutt úr landi, sjálfir þjóðardýrgripirnir. Sjálft við lá að þjóðin hyrfi af spjöldum sögunnar. Um miðja 19. öld hóf Jón Sigurðsson að leiða sjálfstæðisbaráttu þjóðar. Hann mótmælti Trampe greifa og þingheimur tók undir með honum á Þjóðfundinum 1851: “Vér mótmælum allir.” Jónas Hallgrímsson orti bjartsýni í brjóst fátækra bænda. Svo reið Hannes Hafstein fáki fráum fyrsti ráðherra Heimastjórnar. Á 20. öld náði íslensk þjóð vopnum sínum; fullveldi 1918 og sjálfstæði 1944. Ísland skipaði sér í fremstu röð þjóða.

 

HIN MESTA ÓGN ÍSLANDS

Hin mesta ógn steðjar að Íslandi, íslenskri þjóð, menningu og tungumáli. Í nýrri skoðanakönnun á Sögu telja 91.4% að verið sé að skipta um þjóð í landinu. Þjóðin mun hverfa af spjöldum sögunnar á fáum áratugum. Pólitíkin rænir Ísland og færir milljarða á milljarða  í útlenda vasa og stefnir að tortýmingu þjóðar. Tugir milljarða af aflafé íslenskrar alþýðu eru fluttir úr landi til stríðsrekstrar í Úkraínu til útþenslu Nato. Tugir milljarðar af aflafé fólksins í landinu eru fluttir til Brussel í vasa siðspilltrar elítu og þjófsnauta þeirra. Tugir milljarða eru teknir frá alþýðufólki af því útlendir hælisleitendur eiga það skilið að hafa það gott. Atlagan gegn fólkinu úti á landi er sem bakstunga ríkisstjórnar feminizta. Tugir milljarða eru og verða fluttir í 101 Reykjavík til að misfara með og skerða lífskjör fólksins úti á landi. Fiskimið og orka seld í útlendar hendur. Ríkisstjórn femin-glóbalizta vinnur gegn Íslandi og fólkinu í landinu.

 

Óveðurský eru yfir Íslandi. Að verki eru sömu öfl og skipuðu Gissuri jarli að drepa Snorra í Reykholti í júní 1241. Hvenær vaknar þjóð mín?