Yfirlýsing um fósturvísamálið ...

Ár er liðið frá fyrstu frétt minni um Fósturvísamálið 18. apríl 2024. Af því tilefni birti ég eftirfarandi yfirlýsingu: Allt sem ég hef skrifað og sagt fósturvísamálið og baráttu hjónanna Gunnars Árnasonar og Hlédísar Sveinsdóttur er eftir traustum heimildum og vandaðri blaðamennsku.

 

Hjónin Gunnar Árnason viðskiptafræðingur og Hlédís Sveinsdóttir arkitekt gengust á árunum 2008-2010 undir tæknifrjóvgun hjá fyrirtækinu Art Medica sem varð Livio Reykjavík í eigu eins stærsta fjármálafirma Wall Street. Eggheimtur voru þrjár og út frá þeim komu 50 egg og frá þeim 29 fósturvísar tilbúnir til uppsetningar í móðurlíf Hlédísar. Hjónin notuðu 10 fósturvísa en þeim lánaðist ekki barn. Eftir stóðu 19 frystir fósturvísar í vörslu Art Medica sem hjónin höfðu ekki vitneskju um á annan áratug. Með öðrum orðum var fósturvísum – ófæddum börnum – stolið frá þeim hjónum. Hjónin halda því fram að þau séu líf-foreldrar ellefu barna út í bæ og farið fram á dna-próf. Ég fjallaði um innbrot á annað hundrað lækna í sjúkraskrár Hlédísar og ofsóknir Landspítalans á hendur þeim hjónum sem hafa verið beitt ósvífnu ofbeldi af lögreglu. Landspítalinn segir hjónin “...ógn við valdstjórnina.“ Ég skrifaði um hina ríku og voldugu ættfeður. Ég skrifaði um ummæli Ölmu Möller þegar hún sá að hjónin höfðu sjúkralistana sem uppljóstrari hafði lekið. Alma spratt úr sæti sínu og sagði: "Það verður allt vitlaust í þjóðfélaginu:“ Hún átti við ef fólkið í landinu frétti af málinu. Björn Zoéga yfirlæknir sagði í símtali: “Það er mikið blackmail í þessu máli.“ Hann var að vitna í taumlausa spillingu. Hljóðupptökur eru til af báðum ummælum. Ég skrifaði um ósvífna þöggun forstjóra Persónuverndar vegna ólöglegra innbrota lækna í sjúkraskrár og kæru hjónanna á hendur 44 læknum. Ég skrifaði um svartlistun Ríkislögreglustjóra á Löke-eftirlitskerfi með afbrotamönnum. Ég hef farið fram á opinbera rannsókn, hjónin sömuleiðis án árangurs.

 

LÖGREGLUMENN AÐ SUNNAN

Á afmælisdag minn 8. maí fékk ég símtal frá embætti lögreglustjóra Höllu Bergþóru sem sendi tvo lögreglumenn að sunnan til þess að yfirheyra mig hér á Akureyri fyrir að skrifa fréttir. Símtalið barst fimm dögum áður en kæra Evu Bryndísar Helgadóttur var undirrituð 13. maí. Mér var hótað 4ra ára fangelsi og ævilöngu farbanni í Reykjavík og Garðabæ. Hjónunum var líka hótað og yfirheyrð.

 

BLOGGARI RÆGIR HJÓNIN

Vegna veikinda minna tók bloggari í Svíþjóð viðtöl við hjónin. Við stofnuðum vefritið Þjóðólf í ágúst þar sem greinar mínar birtust og viðtöl. Ég dró mig fljótlega út úr Þjóðólfi þar sem miðillinn hentaði mér ekki og þá gerðust undarlegir hlutir. Allt efni um fósturvísamálið hvarf af Þjóðólfi. Bloggarinn í Svíþjóð birti furðugrein í löngu máli um hjónin Gunnar og Hlédísi sem voru lýst ósanninda- og hatursfólk. Á sama tíma var bloggaranum hampað á mogga blogg.is og google. Ég fór í viðtal við Rauða borðið með Birni Þorlákssyni sem kvaðst aldrei á öllum sínum langa ferli hafa tekið annað eins viðtal. Draugar fóru á kreik á göngum Samstöðvarinnar. Gunnar Smári staulaðist á fætur og fjarlægði viðtalið “...eftir einfalda athugun...“. Ég stend við þau orð mín að fósturvísamálið er stærsta skandalmál í sögu lýðveldisins.