Proxy-stríð Íslands & hundrað og átján þúsund milljarðar króna Evrópuher

Ísland er í proxy-stríði við Rússland með Nato og ESB. Bandaríkin vilja frið en Evrópa vill stríð. Ráðamenn vestanhafs segja Ameríku hætta proxy-stríði. ESB heldur sínu til streitu  og hefur ákveðið að verja €800 milljörðum til hervæðingar Evrópu; IsKr. 118.000.000.000.000. Hundrað og átján þúsund milljarðar í Evrópuher með prentun peninga; eurobonds skuldabréfum. Nato-Rutte hefur viðrað lækkun lífeyrisbóta. Hvað um hundruð milljarða eignir íslensku lífeyrissjóðanna? Danska-Mette NB-8 fulltrúi Íslendinga við hringborð hinna sigruðu segir; “Friður er hættulegri en stríð.“

 

Ísland er á krossgötum milli nýja og gamla heimsins. Grænland er staðsett í Vesturheimi og mun ekki færa sig. Frostrós og Togga töff boða stöðu með gamla heiminum í vegvilltu Evrópusambandi í stríði við mesta herveldi heims í Austurvegi. Macron tekur fram kjarnorkuvopn sín. Á sama tíma hyggjast danskir nýlendukúgarar halda Grænlandi.

 

“Hér var að berast frétt,“ sagði lygaveita ríkisins í hádegisfréttum í vikunni. Fréttin var viðtal við Frostrósu um símafund með evrópuleiðtogum um €800 milljarða sjóðinn. Fólk stóð upp í ofvæni til þess að hlusta. Frostrós var á línunni. “...Ísland mun ekki hafa beina aðkomu að sjóðnum,“ sagði hún en fylgjast með að fjármagnið sé “...vel nýtt. “ Já, er það ekki!

 

Togga töff í furðusambandi við Dísu reykás sakar forseta Bandaríkjanna um „...fyrirsát.“ Sagt er að Togga hafi hitt Hegseth varnarmálaráðherra í lyftu líklega í Munchen. Togga skýrði frá á Alþingi. Nú ætlar Togga að taka Rubio utanríkisráðherra á beinið útaf Trump. Tilfinningaóreiðan í bland við trump-syndrómið er skæð pest. Á sama tíma kveður Frostrós varnarsamninginn “...standa sterkan.“ Í Hvíta húsinu beitti Zelinsky Rússagrýlu til þess að ávarpa bandarískan almenning; “Rússar munu koma yfir hafið.“ Þá sagði Trump hingað og ekki lengra. Þetta kalla ráðstýrurnar fyrirsát. Zelinsky ætlaði að niðurlægja Trump og Vance í beinni útsendingu. Honum var vísað á dyr. Hvenær finna stelpurnar okkar fjölina sína?

 

Athugasemdir

[Bjarni Guðmundsson (IP-tala skráð) 9.3.2025 kl. 21:09]

Fundurinn í Hvíta húsinu gekk mjög vel fyrstu fjörutíu mínúturnar þó Zelenski væri ítrekað með derring og dónaskap sem ekki er við hæfi þegar menn eru komnir í helgasta hús Bandaríkanna til að ræða frið. Þá steita menn ekki görn. Trump tók þessu af þolinmæði frá gestinum sem var mættur í skrifstofu Bandaríkjaforseta í Hvíta húsinu í þessum hálf fasíska herbúningi sínum með einhverju merki sem enginn veit hvað er var sífellt að þurrka sér um nefið og kiprandi efri vörina skimandi yfir skrifstofu forsetans sitjandi á ystu nöf á stól sínum þæfandi hendur og stundum missandi þráðinn. Það var ekki fyrr en gesturinn byrjaði að hóta Bandaríkjunum að Trump var nóg boðið - skiljanlega. Þá sagði forseti Bandaríkjanna hin fleygu orð: You dont have the cards here. Níu mínútum síðar var fundinum lokið og dóninn sjálfur látinn rata úr húsi. "Fyrirsát!" sögðu mannvitsbrekkur á Íslandi.