Af hrútspungafýlu frú Sæland & eiturpennum Heimis Más

Við erum að sjá pólitíska umræðu sem ekki hefur sést frá dögum Kalda stríðsins. Inga Sæland sem loks heldur landsfund hefur farið áratugi aftur í tímann í árásum út í bæ. Hún sagði í ræðustól Alþingis að hrútspungafýlu leggi frá Hádegismóum og réðst á Jón Steinar Gunnlaugsson líkt og hann hefði framið glæp. Minn gamli vinur JSG hallar sér í áttrætt þvælist fyrir frú Sæland. Heimir Már Pétursson nýr áróðursmeistari Ingu fer áratugi aftur í tímann í pólitískum ofsóknum: “Eiturpennar á Mogganum án alls siðgæðis.“ Ummælin voru óvenju ósvífin árás á blaðamenn. Raunar bætir Heimir Már hrútum við lýsingu sína. Í allri sinni fréttamennsku hefur Heimir Már ávallt haldið fram hagsmunum vinstriafla; allaböllum, Vg og Samfó. Morgunblaðið upplýsti að Inga Sæland og sonur hennar hafi fengið leiðbeiningar frá Skattinum og lofað að halda landsfund “...bráðlega.“ Það var ekki gert. Málatilbúnaður fjármálaráðherra um “...góða trú“ féll um sjálfan sig. Enginn hefur spurt Ingu um þær 240 milljónir sem Flokkur fólksins þáði. Hvað varð um peningana? Heimir Már kveður ekkert athugavert við fjármál Flokks fólksins. “Með slíka öndvegisbyrjun er næsta víst að hann og Inga Sæland munu eiga góða daga saman í gefandi og uppbyggilegu samstarfi,“ sögðu Staksteinar. Flokkur fólksins í hendarhug útilokar XD frá stjórn borgarinnar. Af hverju ætli það sé? Frú Sæland í villta vinstrinu. Kemur það á óvart?

Athugasemdir

[Jóhann Einarsson (IP-tala skráð) 22.2.2025 kl. 15:27]

Og í dag er haldinn Landsfundur skammarinnar. Bófaflokkur í lýðræðisríki sem hirt hefur kvart milljarð króna úr sameiginlegum sjóðum landsmanna heldur "landsfund" sem er lokaður fjölmiðlum. Sjá Moggafrétt. Hugsið ykkur. Það er svo mikil skömm sem fylgir því að vera í þessum samtökum að þau halda lokaðan "landsfund" svo ekki sjáist hverjir mæta. Landsfundir stjórnmálaflokka eru hátíðarstundir þar sem þeir sýna þann þrótt sem í þeim er og félagar mæta stoltir til leiks. En ekki í þessum félagsskap. Gluggatjöldin í eldhúsi Ingu Sæland eru dregin niður, ljósin slökkt og útihurðinni á íbúðinni læst og svo er haldinn "landsfundur". Hvað eru þau að fela? Sig sjálf eða eitthvað meira?