Af innherjaverki & landráðum

Víðir Sigurðsson íþróttaritstjóri Morgunblaðsins hefur verið með pistla um Dag Sigurðsson þjálfara Króatíu og Gunnar Magnússon sem aðstoðar Dag. Víðir kemur Degi til varnar í pistlum sínum og kveður Dag hafa fengið óverðskuldaðar og kaldar kveðjur eftir sigur Króata á íslenska liðinu. Víðir hefur eftir gömlum kunningja  sínum sem kveðst ekkert skilja í Gunnari "...að svíkja land og þjóð á þenn­an hátt og af­henda mót­herj­um Íslands inn­an­húss­upp­lýs­ing­ar um ís­lenska liðið." Víðir bendlar Gunnar við landráð en nefnir ekki að það var Dagur sem fékk Gunnar til þess að leikgreina Ísland svo þeir eru í þessu saman.

 

INNHERJAVERK – INSIDE JOB ...

Ég skrifaði pistil á dögunum á FB eftir að Ísland féll úr leik á HM í handbolta. Ég benti á að tveir íslenskir þjálfarar hefðu stýrt íslenska landsliðinu og planað fall Íslands. Þetta var innherjaverk; inside job. Það var Dagur sem fékk Gunnar Magnússon til liðs við sig. Gunnar var þjálfari íslenska landsliðsins og aðstoðarlandsliðsþjálfari í 20 ár á launum hjá íslenskri þjóð. Króatar vissu allt um íslenska liðið innan úr herbúðum Íslands. 

 

Það er svo annað mál að Króatía komst áfram í skjóli hliðhollra dómara svo hneykslun olli og er nú komið í úrslit. Við óskum öll Degi og Króatíu til hamingju. Það verður ekki einfalt mál fyrir Dani að vinna Króatíu í Zagreb ... Raunar spái ég Króatíu sigri ...  

 

 

Athugasemdir

[Eggert Guðmundsson, 31.1.2025 kl. 17:13]

Sæll Hallur

Það var ekki leikgreining Gunnars og Dags sem varð okkur að falli í þessum leik. Ég vil segja að bekkstjórn og lykilmenn liðsins hafi brugðist í fyrra hluta fyrri hálfleiks. Það að stoppa ekki leikinn strax þegar séð var í hvaða gír Króatrnir voru. Þar liggur ástæða tapsins. 

Svo er ég þá sammála um dómgæsluna í leik Króatiu og Slóvaníu. Það var algjör skandall