Frostrós, Togga Töff, I.S. Ástvaldsdóttir & dass af spillingu ...

Öryrkinn Inga Sæland Ástvaldsdóttir er stjórnarformaður og prókúruhafi félags í atvinnurekstri skráð af Skattinum sem Flokkur fólksins 620416-6740 Fjörgyn 1, 112 Rvk. Félagið mun hafa verið stofnað í eldhúsi stjórnarformanns, einstæður öryrki en er nú kröftug ráðstýra. Allar götur frá 2021 hefur FF fengið úthlutað hundruð milljónum af skattfé án þess að uppfylla skilyrði laga; 240 milljónir króna frá ríki og sveitarfélögum árin 2022, 2023 og 2024. “Þetta er bara formgalli,“ segir I.S. Ástvaldsdóttir, ekkert að sjá, vísaði spurningum blaðamanns á bug og gekk á braut. Enginn landsfundur frá 2019. Félagið var stofnað 2016. Hvað gerðist fyrir 2021? Rannsakar Ríkisenduskoðun til ársins 2016? Öryrkjar og lífeyrisþegar verða að skila hverri ofgreiddri krónu en ekki I.S Ástvaldsdóttir sem kveðst fá upp í kok þegar stórt er stolið. Nú er I.S.Ástvaldsdóttir að selja Íslandsbanka, hefur kokgleypt bókun 35 og skóflustunga tekin að Borgarlínu. Hún lofaði öryrkjum og lífeyrisþegum 450 þúsund króna skatta- og skerðingalausum lámarkslaunum. Fær I.S Ástvaldsdóttir upp í kok fyrir að ljúga stórt?

SAMFYLKING Í ATVINNUREKSTRI
Kristrún Mjöll Frostadóttir er líka skráður stjórnarformaður félags í atvinnurekstri sem ber heitið Samfylkingin jafnaðarmannaflokkur 690199-2899 Hallveigastíg 1, 105 Rvk. Þrjár milljónir urðu 100+ í Kviku gefnar upp sem fjármagnstekjur en hvernig gat hagfræðingurinn vitað? Frostrós hefur skipað Dag Bé til að rannsaka þúsundir dularfullra póstatkvæða sem Eva Bryndís bekkjarsystir úr MR og stórvinkona “fann“ í Reykjavík. Þar verður ekkert að sjá. Frostrós gerði Ölmu að ráðstýru heilbrigðismála til þess að halda loki á kraumandi covid-potti. Stöð 2 og Vísir standa vaktina fyrir Möller-bræður. Ekki þarf að nefna garminn RÚV ávallt öfugu megin við sannleikann. Eva Bédís hefur stýrt fósturvísa ofsóknum á hendur hjónunum Gunnari Árnasyni og Hlédísi Sveinsdóttur. Eva litla krafðist 4ára fangelsis yfir mér fyrir að skrifa um fósturvísamálið þar sem Dagur Bé hefur verið hliðvörður fyrir litlu systur.

TOGGA TÖFF Í KÆNUGARÐI
“Togga Töff” fór til Kænugarðs og skellti nokkur hundruð milljónum á úkraínskt þvottabretti. Hún slapp undan kúlulánum fyrir ellefun árum og stofnaði Viðreisn 2016. “Sloppin“ sagði DV eftir hvítþvott Hæstaréttar. Snoturt ekki satt? Í Brussel ræddi Togga Töff við Kaju Kallas utanríkiskómizar um “framhald viðræðna” og minntist hvorki á “aðlögun” né framsal fiskimiða og orkulinda. Hvað eru auðlindir þjóðar milli vina? Kaja er staðráðin að halda áfram stríði þó Ameríka hætti stríðsbrölti. Feministar eru hörkutól. Togga hefur engar áhyggjur þó Nato-Kef verði sprengd í loft upp. Sænski herinn gerir ráð fyrir 500 þúsund föllnum. Hvert er ískalt mat Toggu Töff á fjölda Íslendinga föllnum í stríði Evrópuþjóða? Gleymum ekki að Togga er svo töff.

Athugasemdir

[Bálreiður kjósandi (IP-tala skráð) 23.1.2025 kl. 23:20]

Þetta svindl Ingu Sæland með þennan svokallaða "flokk" sinn er mesti skandall seinni tíma í pólitíkinni hér á landi. Spillingin er alveg rosaleg. Hún hefur skapað eitthvað sem látið er líta út fyrir að vera stjórnmálaflokkur en er það bara alls ekki. Það er ekkert þarna. Ekkert skipulag, engar málefnanefndir, engin kjördæmaafélög, ekki einu sinni borgarmálafélag þó þetta viðundur sé margbúið að bjóða framí borginni. Engin málefnavinna og engin málefnaskrá heldur bara eitthvað gjamm út í loftið með innihaldslausum frösum. Lesiði bara Moggann í dag "Huldurheimur" á blaðsíðu 6. Það er rosaleg grein. Og allt sem var lofað svikið um leið og það á að endulífga ESB umsóknina, samþykkja bókunn 35 og fjórði orkupakkinn á leiðinni og halda áfram að drepa rússa með peningum úr ríkissjóðnum okkar. Þingmennirnir og ráðherrar skrá sig í lögheimili þar sem þeim dettur í hug til að plata kjósendur til að halda að þeir búi í kjördæmunum og þar með drulla þeir yfir skattalögin og skeina sér á þjóðskránni og brjóta lög og reglur. Fleiri hundruð milljónir eru mjólkaðar úr ríkinu undir fölsku yfirskyni og gegn lögum og hvert fara peningarnir? Hvaða embættismenn bera ábyrgð á því að þessir peningar hafa verið greiddir út fyrst það er ljóst að þetta var ekki stjórnmálaflokkur? Ekki skilað ársreikningum til skattsins eins og félagasamtök eiga að gera. Röng undirskrift ársreikninga, engin félagsgjöld innheimt eins og segir í reglum "flokksins" síðan 2021 og þar af leiðandi eru allir í flokknum ekki löggildir félagar í honum. Ekkert innra skipulag eins og lög "flokksins" lýsa. Ekki haldinn landsfundur síðan 2018. Lögbrotin eru í löngum röðum og þetta er sjálfsagt bara toppurinn á ísjakanum og áhugavert að sjá hvað fleira verður grafið upp af skít. En þau þræta bara og segja að það sé bara í lagi að brjóta lögin af því að þetta eru þau og þetta lið er komið í ríkisstjórn og á að semja lög og reglur fyrir okkur hin. Borgarfulltrúinn Kolbrún Brjánsdóttir þiggur tvöföld laun sem borgarfulltrúi og þingmaður. Landsfundir ekki haldnir árum saman og lög flokksins brotin. Formaðurinn kemur í viðtal og lýgur blákalt að svona hafi þetta verið hjá öðrum flokkum og kennir um covid. Samt hafa allir alvöru flokkarnir haldið sína landsfundi og ráðstefnur á þeim tíma þar sem unnið hefur verið í stefnumótum og kosið í embætti og lýðræði stundað eins og á að gera. Nú er komið í fréttir að "flokkurinn" fái ekki þær 75 milljónir sem hann átti að fá úr vösum skattgreiðenda nú í í janúar vegna þess að hann eigi ekki rétt á því og hitt verður að rukka til baka með vöxtum ef einhver trúverðugleiki og traust á að vera á kerfinu. Það hlýtur að vera rökrétt að ríkið krefjist þess að fá hina peningana endurgreidda. Þetta er ekki búið að vera neitt nema rán um hábjartan daginn á peningum sem hefðu frekar átt að fara í velferðina.  Geta Samfylkingin og Viðreisn sætt sig við að vera með þessu liði í stjórn eða ætla þessi flokkar að sökkva með brakinu af "Flokki fólksins"? En kannski eru Kristrún og Þorgerður bara eins og þessi spillta Inga Sæland.