Ísland á válista ...

Ný ríkisstjórn er komin til valda og fyrir henni fara feministar; Kristrún, Þorgerður og Inga. Fólk veltir fyrir sér hvort Ísland sé fyrsta feminíska ríki veraldar. Þær kenna sig við valkyrjur úr norrænni goðafræði. Valkyrjur voru í þjónustu Valhallar og réðu örlögum á vígaslóð. Er þetta ekki svolítið kaldhæðið? Í þjónustu Valhallar. Þær fóru saman á klósett, skelltu í ommelettu og Frostrós mætti á Bessastaði í 144.000 króna kjól eins og hún væri að fara á árshátíð Kvikubanka. "Hún er að fara á ball." Þetta er allt svo skemmtilegt. Þær reisa hús á sandi, kjánar í eigin holdi, þjónandi sísoltnum ríkisdreka. Hvorki viska né djúphygli. Bergmálshellir 101 Alþingi.

FRELSI TIL AÐ ÞRÆLA

Konur hafa látið feminista selja sér að frelsi felist í að þræla 9-5 og afhenda börn sín vandalausum í leik- og grunnskólum þar sem börn eru kynvædd, transvædd, klám er kennsluefni. Karlar á salernum kvenna, nýfædd börn á brjósti karla á krabbameinslyfjum, karlar í íþróttum kvenna. Það sé frelsi að taka líf barns í móðurkviði. “Fökk íslensku feðraveldi” er kyrjað meðan flutt er inn feðraveldi múslima. Atlaga stendur yfir að íslensku lýðveldi; íslenskri þjóð, menningu og íslenskri tungu; afa og ömnmu úthýst úr íslensku. Guðlaus feminismi er kúgunartæki. Þjóðin er sem sauðir leiddir til slátrunar. Íslendingar á fáum áratugum hverfa af spjöldum sögunnar. Ísland undir forystu feminista er á válista.

ÞÖGGUN ÖLMU

Frostrós ætlar að bæta skattskil en stóð ekki skil á skatti þegar þrjár milljónir frá Kviku urðu 100+. Þorgella er “SLOPPIN” með skandalinn í Kaupþingi og Inga Sæland. Ó Inga! Popúlistinn sem ekki hefur haldið landsfund í fimm ár. Fátækt fólk kaus Ingu vegna “…ófrávíkjanlegrar kröfu” um 450 þúsund króna skatt- og skerðingalaus lágmarkslaun. Í stjórnarsáttmála er ekki minnst á loforðið þótt Inga hafi sagt að hún eigi ekki erindi í ríkisstjórn nema loforðið verði uppfyllt. Strax á fyrsta degi var skjaldborg slegin um spillingu. Alma Möller í heilbrigðisráðuneytinu er hliðvörður lyfjarisanna; Big-Pharma covid- og fósturvísahneyksli liðinna ára. Verðlaunuð er þöggun Ölmu á neyðarópum 2.700 kvenna með aukaverkanir vegna mRNA. Alma viðheldur þöggun Kötu who-litlu. Konur eru konum verstar. Hanna K. Friðriksson viðskiptaráðherra boðaði hjónin Gunnar Árnason & Hlédísi Sveinsdóttir á sinn fund á skrifstofu sína í Alþingi sumarið 2022. Hún krafði hjónin svara um samkynhneigð pör með lífbörn þeirra hjóna! Hún verður krafin skýringa af fréttahaukum framtíðar. Bókun 35 gerir evrópsk lög æðri íslenskum. Eyjólfur Ármannsson samgönguráðherra hefur haldið því fram að bókun 35 brjóti gegn stjórnarskrá. “Það þarf breytingar á stjórnarskrá,” sagði Eyjó en læsti stjórnarskrána ofan í skúffu í skiptum fyrir embættið. “Orkan okkar” út við ystu sjónarrönd. Inga ætlar að útrýma óréttlæti og spillingu! RÚV sér um að halda þjóðinni óupplýstri. Dýrt verður réttlæti þeirra.

MEÐ ZELINSKY Á BRJÓSTI

Þorgella gráti næst tók Zelinsky litla á brjóst þegar hann kom grátbiðjandi um stöðugt fleiri milljarða. “Hann er að verja lýðræði,” sagði hún í uppnámi! Zelinsky er umboðslaus forseti. Í átta mánuði hefur Zelinsky ekki boðað til kosninga af ótta við reiði þjóðar. Zelinsky lofaði þjóð sinni friði en hélt áfram stríði á hendur óbreyttum borgurum A-Úkraínu þar sem þúsundir féllu og milljónir flúðu þjóðernisofsóknir Kænugarðs 2014-2022. Zelinsky ofsækir orthodox íbúa Úkraínu. Feministar eru sammála um hervæðingu Íslands og milljarðatugi til Úkraínu. Herfylki er nú á Nato-Kef vopnað patriot-eldflaugum, B2 váfuglum, F-35 herþotum, herskipa- og kafbátalægi í Helguvík. Ísland í stríði við Rússland, Nato-Kef er skotmark. Nú er verið að reisa sjö risaskemmur samtals 13.000m² “…flugvöll í boxi á Miðnesheiði” til að byggja nýjan flugvöll eftir sprengjuregn á Keflavíkurflugvelli. Enn eitt Nato-stríðið og þjóðin ekki spurð. Nato-Kef er raunverulegt skotmark. Sænski herinn og almannavarnir gera ráð fyrir 500.000 föllnum í styrjöld við Rússa. Hvað áætlar Þorgella að margir falli?

 

KÍKJA Í PAKKANN 

Þær ætla kíkja í pakkann í samræmi við alræmda möntru Össurar og SteingrímsJoð. Þær ætla leggja aukna skatta á útgerðina og auðlindagjöldin fara í sísoltinn ríkisdrekann fyrir sunnan. Brussel krefst yfirráða yfir sjávarútvegi og orkuauðlindum. “Um það verður ekki samið,” segir Brussel. Þær þjóna útlendu valdi. Úkrar hafa misst frjósömustu akra veraldar í skolt Blackrock. Hvað verður um okkar landbúnað? Auðkýfingur á fjörtíu jarðir fyrir norð-austan sem nemur sautján Þingvallavötnum. Hver eru áform herra Ratcliff? Hrokafullur feminismi ræður helstu embættum landsins og hylmir yfir spillingu. Við erum að sjá fordæmalaust ofbeldi feminista í stól ríkissaksóknara sem ofsækir karlmenn og hylmir yfir fósturvísamálið; lögreglu er sigað á hjónin. Hér á landi er tveggja þrepa réttarfar og pólitískar ofsóknir. Spyrjið Gunnar, Hlédísi, Eld Smára, Helgu Dögg, Pál Vilhjálms og Hall Halls. Tugir milljarðar til New York og Brussel í nafni bábylju um heimsendi. Græn kolefnisjöfnun gengur gegn grænni náttúru, grænt hagkerfi ávísun á fátækt; 0-kolefnisjöfnun er súrefnissnauð veröld. Vindmyllur eru verkfæri andskotans. Ísland er í guðlausu miðaldamyrkri. Kjánar stefna Íslandi fram af hengiflugi Svörtulofta. Íslendingar eru 2. flokks þegnar í eigin landi. Ísland, ó Ísland á válista nýrrar aldar.

Athugasemdir

[Guðjón E. Hreinberg, 27.12.2024 kl. 00:46]

Velkominn til Helfararlands hræsninnar. Góð upptalning.

Guðs blessun.

[Jónatan Karlsson, 27.12.2024 kl. 09:10]

Sæll Hallur.

Þetta er vægt sagt hrollvekjandi færsla, en því miður hefur þú á réttu að standa. Framtíðarhorfur Íslands og þeirra sem ekki ná að forða sér í tíma, eru hreint ekki góðar.

[Sigurður I B Guðmundsson, 27.12.2024 kl. 11:56]

Magnað blogg eins og svo oft áður.