Þorgerður Katrín & spilling Djúpríkisins ...

“Almannahagsmunir framar sérhagsmunum,“ eru kjörorð Viðreisnar. Sá íslenski stjórnmálamaður sem öðrum framar hefur haft sérhagsmuni framar almannahagsmunum er Þorgerður Katrín Gunnarsdóttir ÞKG, formaður Viðreisnar sem vill inn í Evrópusambandið. ÞKG er sú spilltasta í bransanum. Upphæðir spillingar ÞKG eru fordæmalausar og lygar þeim tengdar svívirðilegar. ÞKG nýtur sérstakrar verndar Djúpríkisins, gift Kristjáni Arasyni sem var eini starfsmaður Kaupþings sem fékk að færa hlutabréf og skuldir í einkahlutafélag 7Hægri ehf, að sögn Óðins Viðskiptablaðisins. Það var í mars 2008.

NÍU DÖGUM FYRIR HRUN
Níu dögum fyrir Hrun 2008 seldu hjónin hlutabréf sín í Kaupþingi. Í stað þess að vera ábyrg fyrir tveimur milljörðum eftir Hrun þá höfðu hjónin komið sér undan ábyrgð utan auðvitað stofnfjár 7Hægri ehf., 500 þúsund krónur. Á útmánuðum 2008 höfðu þau fengið 103.5 milljónir í eigin vasa í gjörningum þrátt fyrir himinháar skuldir; á verðlagi nú 236 milljónir. Haustið 2008 voru víðtæk mótmæli gegn spillingu Þorgerðar Katrínar. Í viðtali við Vísi 4. nóvember 2008 sagði ÞKG: “...Við hjónin erum búin að tapa miklum peningum eins og margir aðrir Íslendingar.“ ÞKG laug upp í opið geðið á þjóðinni á Alþingi.

75 MILLJARÐA LÁNIÐ TIL KAUPÞINGS
Og það versnaði. Í svari við fyrirspurn á Alþingi fullyrti ÞKG að ríkisstjórnin hefði engin áhrif haft á lán til Kaupþings 6. október 2008 sem gufaði upp eins og dögg fyrir sólu; 75 milljarðar sem Geir Haarde skipaði fyrir af fé almennings, fólksins í landinu. ÞKG laug að Alþingi. “Seðlabankinn er mjög sjálfstæð stofnun. Þar hef ég engin áhrif.“ Samtal Geirs Haarde við seðlabankastjóra var opinberað 2017. Þar kom fram að Geir Haarde skipaði Seðlabankanum að lána Kaupþingi 75 milljarða þrátt fyrir viðvörun Davíðs Oddssonar um að féð myndi ekki endurheimtast. Hún varpaði sökinni á Davíð Oddsson sem var ómerkilegt svo orð fá ekki lýst. Hatrið sem beint var að DO var ólýsanlegt en saklaust starfsfólk bankans sat líka undir ávirðingum, í nokkrum tilvikum svo fólk beið þess ekki bætur. ÞKG laug um sjálfstæði Seðlabankans. Þorgerður Katrín bjó yfir innherjaviðskiptum um Kaupþing og þess vegna seldi hún hlutabréfin í Kaupþingi.

SÝKNA Í HÆSTARÉTTI 2013
Skilanefnd Kaupþings krafði hjónin um 534 milljónir króna vegna undanskota. Bankinn hafði lokað augum fyrir græðgi hjónanna og aflétt veðunum; 236M á núvirði á sama tíma og bankinn sigldi úfinn sjó. Hæstaréttur stóð pliktina fyrir Djúpríkið og sýknaði hjónin árið 2013. Viðskiptablaðið fullyrðir að Þorgerður hafi ítrekað rætt málefni Kaupþings í ríkisstjórn í aðdraganda bankahrunsins og er þá ekki sagan öll segir VB: “Þann 6. októ¬ber 2008 var haldinn ríkisstjórnarfundur. Að honum loknum sáu aðrir ráðherrar Þorgerði Katrínu ganga inn á skrifstofu Geirs. Stuttu síðar hringdi Geir í Davíð og skipaði honum að lána Kaupþingi.“

UNDIR VERNDARVÆNG DJÚPRÍKISINS
Þorgerður Katrín Gunnarsdóttir er undir verndarvæng Djúpríkisins sem heldur Íslandi í heljargreipum. ÞKG er helsti agent Brussel á Íslandi og gengur lengst í afsali íslenskra auðlinda, fisklögsögu, orkulinda og vindmyllufári. Að ekki sé talað um wókevitleysuna; kynvæðingu barna í leik- og grunnskólum þar sem börnum er vísað í hramm lækna með hnífa, sprautur og pillur. Aflimun drengja minnir á myrkur miðalda. Þingmaður Viðreisnar er flutningsmaður frumvarps um að afnema afa og ömmubörn og gera foreldrisforeldris síns. Nú vill ÞKG banna sölu bensínbíla frá og með næsta ári; 2025.

FRÆGASTI TRÚÐUR LANDSINS KOSNINGASMALI
Nú hefur ÞKG hengt sig á frægasta trúð landsins og smalar atkvæðum með Jón Gnarr. Vissi Gnarrinn um hina svívirðilegu spillingu og grægði Þorgerðar Katrínar þegar hann valdi flokk eða skipti það ekki máli því hann var jú bara í leit að góðri innivinnu? Að fólk taki sæti á framboðslistum Viðreisnar undir forystu ÞKG er móðgun við fólkið í landinu. Sjónarspil Þorgerðar Katrínar er aðeins mögulegt í skjóli rúvízks púka sem fitnað hefur á fjósbita um langt árabil og heilaþvær fólkið í landinu.

Athugasemdir

[Jóhann Elíasson, 12.11.2024 kl. 22:33]

Vegna forsögu hennar í viðskiptum og meðal annars vegna sögu hennar í stjórnmálum get ég ekki með nokkru móti skilið það "flug" sem Viðreisn hefur náð hingað til??????

[Sigurður I B Guðmundsson, 13.11.2024 kl. 11:25]

Gullfiskamynni Íslendinga er dapurlegt!