Landspítalinn bannar 5.000 starfsmönnum sínum aðgengi að Þjóðólfi.is

Þetta blasir við fimm þúsund starfsmönnum Landspítalans þegar þeir reyna að opna Þjóðólf. “FortiGuard Intrusion Prevention. Innbrotsvörn. Aðgangur lokaður.“ Vefslóð blokkeruð. „Þú hefur reynt að fara inn á vefsíðu sem brýtur gegn Internet gildum.“ Vefslóð: https:/thjodolfur.is.  Svona brýtur Landspítalinn á Stjórnarskrárvörðum réttindum starfsmanna sinna. Svona ritskoðar Landspítalinn. Það sem skelfir ráðamenn Landspítalans svona svakalega eru fósturvísamál hjónanna Gunnars Árnasonar og Hlédísar Sveinsdóttur; stuldur frjóvgunarfirmans Art Medica á 19 fósturvísum, yfir 3.300 innbrot lækna í sjúkraskrár Hlédísar og kröfur á hendur ellefu hjónum vegna rökstudds gruns um líf-börn sín sem þá eru systkin. Á tíunda þúsund manns hafa horft á síðasta viðtalsþátt hjónanna. Þjóðólfur er mánaðar gamall. Ekki verður annað sagt en Þjóðólfur skelfi læknamafíuna okkar.

Tölvur og einkasímar blokkeraðir

Svo sem nærri má geta eru heilbrigðisstarfsmenn meðal dyggra lesenda Þjóðólfs. Landspítalinn þaggar og blokkar Þjóðólf meðal fimm þúsund starfsmanna sinna í tölvum og einkasímum þannig að fólkið getur hvorki lesið vefritið á vinnutíma né spjallað um nýjustu fréttir á kaffistofum. Eitthvað óttast Runólfur Pálsson forstóri vinur minn og Björn Zoëga stjórnarformaður sem lét þau orð falla við hjónin að gríðarlegt blackmail sé í gangi vegna málsins. Ekki verður sagt að þeim félögum farnist vel í krossferð sinni í þágu alvarlegra afbrota sem lama samfélag okkar. Landspítalinn lýsir þeim hjónum sem „…ógn við valdstjórnina.

Landspítalinn brýtur gegn Stjórnarskrá

Í vor kynnti Landspítalinn nýjar samskiptareglur þar sem starfsfólki er óheimilt að tjá sig nema með „…leyfi samskiptateymis“ að viðlögðum brottrekstri. Hinar nýju reglur brjóta gegn 73. grein Stjórnarskrá Íslands, Mannréttindasáttmála Evrópu og Mannréttindayfirlýsingar Sameinuðu þjóðanna. Stjórnendur Landspítalans telja sig hafna yfir lög. Formaður sjúkrahúslækna Theódór Skúi Sigurðsson gagnrýndi nýjar reglur harðlega og birti meðfylgjandi mynd af sér með rautt teip fyrir munni. Sannarlega hugaður maður, Theódór Skúli.

Andri Ólafsson fyrrum blaðamaður DV, nú samskiptastjóri Landspítalans sem á slysalegustu forsíðu íslenskrar blaðamennsku um "Einhenta kennarann sem nauðgaði piltum", kvað nýjar reglur “…löngu tímabærar.“ Nú er Andri á svakalegri vegferð ritskoðunar veifar rófu frammi fyrir húsbændum. Mistökin á DV eru hjóm miðað við ofbeldið sem nú viðgengst á Landspítalanum. Stjórn spítalans staðin að ósannindum augljóslega lýgur: „…markmið okkar allra er upplýst og uppbyggileg umræða um spítalann og framtíð hans.“ Á Landspítalanum ríkir ógnarstjórn.

 

 

Athugasemdir

[Trausti Halldórsson (IP-tala skráð) 5.9.2024 kl. 07:19]

Sæll Hallur,

Takk fyrir að vekja athygli á bannfæringu Landspítalans á þessari síðu. Eins gott fyrir starfsmenn að fara varlega þau vilja ekki reita æðsta prest til reiði. Vil þakka Landspítalanum fyrir að vekja athygli á síðunni thjodolfur.is Hef aldrei heyrt af henni áður.