Af arfleifð Bjarna Ben & guðlausrar Kötu-who-litlu ...

Utanríkisráðherra Bjarni Benediktsson boðaði um daginn hervæðingu Íslands; ”framlög til eigin varna; contribution to own defence”. Er íslenskur her á teikniborðinu? Ráðherra boðar og fjáraustur í Nato Endalausar vestrænar styrjaldir. Nato er komið að landamærum Rússlands í skuggastríði; proxy war guðlausra glóbalista á hendur Rússlandi. Þetta hefur gerst þrátt fyrir loforð Vesturlanda um að fara ekki þumlung til austurs; Not an Inch Eastwards. Loforðið var gefið við fall Berlínarmúrsins og hrun hinna guðlausu Sovétríkja. Þegar Ísland varð fullvalda ríki 1918 hétu forfeður okkar ævarandi hlutleysi. Ísland neitaði að lýsa yfir stríði á hendur Þýskalandi. Ísland hefur verið vopnlaus þjóð. Því skal að breytt.

 

Rússland og Ísland eru bundin ævarandi böndum. Snorri Sturluson segir í Heimskringlu frá hinum mikla höfðingja Óðni sem réð fyrir Ásgarði í Ásalandi í Asiá fyrir austan Tanakvísl sem nú er Don sem streymir lygn framhjá Rostov í Svartahaf. Volga er austan Tanakvíslar svo Ásgarður hefur verið á bökkum Volgu,  gæti hafa verið gamla Tsaritsyn, Zariza á miðöldum, svo Stalingrad nú Volgograd, sjá kort Sigurðar Bjarnasonar sem telur að laust fyrir árið 400 hafi Óðinn flutt til Sigtúna í Svíþjóð hinni miklu. Átta hundrað árum síðar talaði Snorri Sturluson sama tungumál og Óðinn.

 

KIEV RUS ... KÆNUGARÐUR

Rússland varð til árið 862 þegar víkingahöfðinginn; norræni væringinn Rúrik eða Hrærekur varð konungur Hólmgarðs; Novgorod-Rus. Landnám Íslands var árið 874. Rússar og Íslendingar fögnuðu þúsund ára afmæli 1862 og 1874. Árið 882 varð til Kievan Rus; Garðaríki suður af Hólmgarði. Oleg hafði tekið við ríki Hræreks frænda síns og fært til suðurs þar sem nú er Kænugarður. Víkingar og Slavar mótuðu Rússland. Úkrar og Rússar tala sama tungumál. Getur verið að Ragnarök Völuspár séu forspá um stríðið í Úkraínu þar sem bræður berjast?  

 

AF HÖFÐA & FRIÐARSÚLU

Árið 1986 var haldinn leiðtogafundur í Höfða milli hins kristna Ronalds Reagan og Mikhails Gorbatsjov forseta hinna guðlausu Sovétríkja sem þá voru að hruni komin. Höfði var gerður að friðarsetri og friðarsúla John Lennon tók að skína 2007. Arfleifð Snorra Sturlusonar smánuð. Illa upplýst fólk stýrir utanríkisstefnu þjóðarinnar. Bjarni Ben veit ekki að Rússland er orðið stærsta efnahagsveldi Evrópu og nú helsta herveldi álfunnar. Færeyingar halda samskiptum við Rússa. Þeir þurfa ekki líkt og Bjarni Ben að biðja íslenskan viðskiptamann í Moskvu um að gæta hagsmuna þjóðarinnar í Smugunni í Berentshafi. Ameríka sætir innrás á suðurlandamærum sínum þar sem allt að 15 milljón hælisleitendur hafa streymt inn í tíð Joe Biden. Demókratar eru að skipta um þjóð og her í Ameríku.

 

GUÐLAUS VESTURLÖND

Hefur kristinn Bjarni Ben hugleitt arfleifð sína sem töskuberi guðlausrar Kötu who-litlu. Í dag eru Bandaríkin og Evrópa í hlutverki guðlausra Sovétríkja. Hið furðulega gerðist að Vesturlönd gerðust guðlaus fyrir 30 árum en Rússar snéru sér að fornum kristnum orthodox sið sínum. Skuggastríð Vesturlanda við Rússland er tapað. Um 530 þúsund hermenn úkra eru fallnir að sögn herforingjans Macgregor, hundruð þúsunda særðir, um 15 milljón á flótta. Þjóðin er hrunin og sturlaðir amerískir pólitíkusar segja að “…úkrar muni berjast til síðasta manns; will fight to last man.” Hitler sagði undir lokin að þýska þjóðin ætti skilið að tortímast; deserves perish. Zelenskí garmurinn hélt því fram á dögunum að 31 þúsund væru fallnir. Vitleysan var birt í fjölmiðlum Fjórða valds íslenska ríkisins.

Athugasemdir

[Birgir Loftsson, 12.3.2024 kl. 10:14]

Sæll Hallur, hvar sagði Bjarni þetta? Utanríkisráðherra Bjarni Benediktsson boðaði um daginn hervæðingu Íslands; ”framlög til eigin varna; contribution to own defence”. Er íslenskur her á teikniborðinu? Af hverju heldur þú að her sé á teikniborðinu?

[Hallur Hallsson, 15.3.2024 kl. 17:16]

Sagði þetta á fundi Alþjóðastofnunar HÍ & litháeska sendiráðinu ...