Heimspekingar "ranta" um heiðingja nútímans ...

Ég hef verið að segja ykkur frá furðutrú guðlausra sem hefur tekið yfir Ísland; manneskjan komi úr myrkrinu þar sem ekkert sé, hverfi að loknu lífshlaupi, rotni og morkni í myrkrinu. Guðlausir trúa að lífið sé sálarlaus tilviljun en ekki sköpun. Eitt hið fyrsta sem guðlausir gerðu eftir algera yfirtöku sína á Íslandi fyrir svo sem áratug var að hefja hömlulausan innflutning múslima sem hata kristna siðmenningu og fyrirlíta ekkert meir en hina guðlausu; Infidels – Useful Idiots. Hinn kristni trúir á líf í ljósi, Drottinn, skapara himins og jarðar. “Ég er vegurinn, sannleikurinn & lífið,“ sagði Jesús sem boðaði kærleika, fyrirgefningu og Heilagan anda. Ég hef bent á djúpa speki orða Þorgeirs ljósvetningsgoða fyrir þúsund árum; “Ef við slítum í sundur lögin þá slítum við og friðinn.“ Ef marka má guðlausa vilja þeir slíta í sundur lögin og friðinn.

 

HIÐ FURÐULEGA RANT

HALLS HALLSSONAR

Skoðanir mínar pirra elítu okkar og vekja hörð viðbrögð. „Kristnir bókstafstrúarmenn eru hinir raunverulegu "heiðingjar" nútímans,“ skrifar heimspekingur nokkur sem ég nefni nr. 1. Kollegi hans nr. 2 svarar og spyr: „Er uppruni þessarar færslu hið furðulega rant Halls Hallssonar á FB.“ Því er svarað játandi af heimspeking nr. 1, svo sem sjá má af skjáskotum  á síðu minni á FB og bætir við að ekki sé hægt að „óska sér hana í burtu.“ Áður hafði hann ritað að krossar kristni séu skurðgoðadýrkun! Heimspekingarnir fara á flug augljóslega reiðir, pirraðir og ókunnugt um sterkasta afl alheimsins; kærleikann sem Jesús Kristur opnar fyrir okkur mannfólki um Heilagan Anda sem varðar leiðina til Drottins.

 

BÓKSTAFS RANT Í BLAND

VIÐ ÞJÓÐERNISREMBING

Bóksstafs Rant Halls Hallssonar blandast við þjóðernisrembing, fullyrðir heimspekingur nr. 2. Svo bætir hann við að ekki dugi að óska sér að þetta hverfi úr mannheimi, orðalag mitt. “Það þarf að takast á við það. Veit að við getum treyst hvor öðrum til að fórna okkur í það þegar tækifærin gefast.” Í hverju fórnir heimspekinganna eru fólgnar er mér ráðgáta en kannski vita lesendur. Einhvern veginn held ég að fórnir þeirra verði ekki í anda Jesú Krists en ljóst að verið er að hóta “bókstafs rantaranum [HH]“ enda þarf að taka kallinn niður. Þó má með góðum vilja líta á samræður heimspekinganna sem óábyrgt hjal óvita líkt og þeirra sem nú sitja á sakabekk í Héraðsdómi. Þarf lögregla að rannsaka eða eru heimspekingarnir kannski bara skoðanalöggur? Maður spyr sig.

 

ENGINN MUNUR Á 

ÞÉR & MÚSLIMUM

Eftir alla skæðadrífu vitringanna þá skaut ég inn færslu til heimspekings nr. 1 þar sem ég útlistaði skoðanir mínar um guðleysi í myrkri og kristið líf í ljósi.  Ég fékk reiðipistil frá heimspekingi nr. 1 um að enginn “voðalegur munur“ sé á múslimum og kristnum, bara nokkur útfærsluatriði. „Múslimar trúa á sama guð og þú,“ skrifar spekingurinn. Svona djúp er viskan sem sprettur frá heimspekingum okkar. Ég vil upplýsa vini mína heimspekingana að ég fylgi Jesú Kristi sem boðaði mér að elska óvini mína en fylgi ekki Múhameð sem fór með sverði og drap hundruð á einum og sama degi. Það má kalla “... voðalegan mun.“

Athugasemdir

[Guðmundur Örn Ragnarsson, 2.3.2024 kl. 21:34]

Speki tölum vér meðal hinna fullkomnu, þó ekki speki þessarar aldar eða höfðingja þessarar aldar, sem að engu verða, heldur tölum vér leynda speki Guðs, sem hulin hefur verið, en Guð hefur frá eilífð fyrirhugað oss til dýrðar.

Enginn af höfðingjum þessarar aldar þekkti hana, því að ef þeir hefðu þekkt hana, hefðu þeir ekki krossfest Drottin dýrðarinnar. (1. Kor. 2:6-8).

[Tómas Ibsen Halldórsson, 3.3.2024 kl. 17:50]

Speki heimsins hefur ekkert með speki Guðs að gera. Speki heimsins getur ekki skilið speki Guðs. Speki heimsins er heimska í augum Guðs, því hún hafnar öllu því sem Guðlegt er. Sannleika Guðs getur speki heimsins ekki skilið, enda er hann [sannleikurinn] ekki af þessum heimi. Þegar heimurinn líður undir lok munu þeir sem hafnað hafa speki Guðs verða undrandi þegar þeir átta sig á því að þeirra eigin speki reyndist heimska.