Vill Guðni Th. nýjan sið & ný lög á Íslandi ...

Kirkja hefur staðið á Bessastöðum frá jafnvel í kjölfar kristnitöku árið þúsund og fyrir víst frá árinu 1200. Kirkjan á Bessastöðum var vígð 1796 hlaðin úr grjóti úr Gálgahrauni við botn Lambhúsatjarna. Kirkjuturninn var kláraður 1823 með vindhana og dönskum kóngi. Lýðveldi var stofnað 1944. Sveinn Björnsson varð forseti á Bessastöðum og settur var kross á Bessastaðakirkju í stað vindhanans. Krossinn var tekinn niður 1998 í tíð Ólafs Ragnars Grímssonar og var kirkjan krosslaus í aldarfjórðung til 9. nóvember 2023. Guðni Th. Jóhannesson lét þá setja upp vindhana sem snýst eftir veðri og vindum með ártalið 1823.

 

Forsetinn kveður hanann tákn árvekni og skyldurækni. Forsetinn skrifar að „...Pétur postuli afneitaði Jesú þrisvar þá gól þar hani. [sic].“ Þorgeir ljósvetningagoði mælti á  Þingvöllum árið þúsund að Ísland skuli vera kristið land með “...ein lög og einn sið... er vér slítum í sundur lögin, munum vér slíta og friðinn“. Þennan vísdóm, raunar lögmál eru guðlausir að brjóta. Þeir eru að slíta í sundur siðinn og lögin og þar með friðinn, líkt og gerst hefur í Svíþjóð svo dæmi sé tekið. Vindhaninn á Bessastöðum er táknrænn fyrir hinn guðlausa sem snýst með vindum sinnar tíðar eltandi hóphyggju sem boðar að þú & ég komum úr myrkrinu þar sem ekkert er. Þessari furðutrú er haldið að þjóðinni og börnum hennar, sem eru kynvædd og transvædd. Hinn kristni trúir á líf í ljósi, almáttugan Guð; ábyrgð frammi fyrir Guði.

 

GUÐNI TH & STJÓRNARSKRÁIN

Guðni Th. sór eið að Stjórnarskrá Íslands sem kveður á um að forseti sem æðsti embættismaður ríkisins skuli “...styðja Þjóðkirkjuna og vernda.“ Semsagt viðhalda kristnum sið í landinu. Katrín Jakobsdóttir, ríkisstjórn og alþingsimenn hafa líka svarið eiða. Stjórnarskrá áréttar jafnframt trúfrelsi og kveður forseta óheimilt að vera í bísniss. Þessu eru flestir landsmenn sammála að ég hygg. Kjörnir leiðtogar verða að fara að lögum. Þeir hafa svarið eið að Stjórnarskránni. Það er tímabær spurning til Guðna Th. Jóhannessonar hvort hann styðji nýjan sið á Íslandi og hvað honum finnist um varnaðarorð Þorgeirs ljósvetningagoða um að slíta í sundur lögin og þar með friðinn. Frá Bessastöðum hefur bísniss verið stýrt af Elízu Reid. Hafa fjölmiðlar leitað skýringa?

 

“PRESTUR“ HJÁ SIÐMENNT

Ég skrifaði um forsetann & sérfræðinginn Unu Sighvatsdóttur sem ráðin var til forseta Íslands í september 2020, valin úr hópi 188 umsækjenda. Una er athafnastjóri hjá Siðmennt vottuð af sýslumanni í september 2022. Una er að ígildi prestur. Hún gefur guðlaust fólk saman í hjónaband, fermir og skírir. „Því  fylgir ábyrgð,“ sagði Una þá í viðtali.  Guðni Th. fór á þungarokkshátíð í Þýskalandi og hyllti Satan með alkunnri kveðju. Þá voru dóttir og sérfræðingurinn með í för en Eliza ekki sjáanleg. Reynir Traustason skrifar í Mannlíf að snjallræði sé að forsetafrúin Eliza Reid fari í framboð til forseta Íslands. Ég skrifaði þá pistil um mannlíf á Bessastöðum enda þarf gagnsæi að ríkja um embættið. Auðvitað er málið umdeilt. Í framhaldinu fóru forsetahjónin í heimsókn til gamla fólksins í Reykjanesbæ og fengu saltkjöt hjá Sjálfsbjörgu. Eliza setti inn færslur með myndum á facebók. Vísir fór í skaðastjórnun; Damage Control. “Ekki annað að sjá en hamingjan leiki við Bessastaðahjónin,“ skrifar Vísir. Eiríkur Jónsson.is fréttamaður kveður færslur Elizu eiga að “...slá á sögusagnir sem geisað hafa um land allt um hugsanlegan skilnað þeirra.“

 

FRIÐRIK KRÓNPRINS & UNGFRÚ CASANOVA

Í nóvember voru danskir fjölmiðlar uppfullir af því að Friðrik krónprins hafi notið kvöldstundar í Madríd með 46 ára mexikanskri konu að nafni Genoveva Casanova;  „...hygget sig med en kvinde i Madrid.“  Spánska tímaritið Lectura birti myndir af prinsinum og fyrirsætunni fyrrverandi á veitingastaðnum El Corral de la Morería “...der er kendt for sit flamencoshow.“ Skötuhjúin fóru síðan á heimili Casanovu þar sem krónprinsinn dvaldi um nóttina. “Við erum vinir,“ sagði hún í yfirlýsingu. Konungshöllin bað danska fjölmiðla að “...respektere privatlivets fred ... herunder kronprinsen.“ Þó það. Á Íslandi þarf Guðni Th. ekki að svara fyrir eitt né neitt; 4ða vald ríkisins veifar skotti og þiggur mola úr lófa.

Athugasemdir

[Guðjón E. Hreinberg, 14.2.2024 kl. 21:08]

Hann skrifaði í svari við fyrirspurn minni um trú sína, að hann trúir á Mannréttinda yfirlýsingu Sameinuðu Þjóðanna - hann er því Marxískur guðleysingi.

Þannig hefur hann hagað sér og skrifað undir öll þau Brussel lög sem fella stjórnarskrá Lýðveldisins og einnig landaþjófnað UNESCO hérlendis, svo og Sprautuglæpalögin frá í febrúar 2021.

[Guðjón E. Hreinberg, 14.2.2024 kl. 21:09]

 Guðni hefur svikið eið sinn að stjórnarskrá, svo og  núverandi þingmenn og síðasta þings; það eru landráð, og landráð eru refsiverð. Elítan er siðlaus, því hún fer ekki að eigin lögum, og almenningur er sinnulaus um þetta og því siðblindur.

:) bestu kveðjur.

[Hilmar Bjarnason (IP-tala skráð) 15.2.2024 kl. 12:45]

Hér er fullmikil drama fyrir minn smekk.

[Hallur Hallsson (IP-tala skráð) 15.2.2024 kl. 20:38]

Vel mælt Guðni ... Hér eru á ferð alvarlegir hlutir. Nú eru rúm 140 ár síðan Ibsen skrifaði verk sitt Folkfienden ... Þeir brosa til fólksins & tala fallega en hvað býr undir brosinu?