Kvikmynd um kynlífsþrælkun barna fer sem eldur um sinu Ameríku ...

Söngur Frelsis ... Sound of Freedom er kvikmynd sem var frumsýnd vestanhafs á Þjóðhátíðardag Bandaríkjanna 4. júlí. Hún hefur farið sem eldur um sinu Ameríku, skákað nýjustu mynd Disney um Indiana Jones með Harrison Ford. Söngur Frelsis fjallar um kynlífsþrælkun barna; Child-Sex-Trafficking. Meir en tvær milljónir barna eru árlega hneppt í kynlífsþrælkun sem færir níðingum 150 milljarða dollara í vasa; tuttugu þúsund milljarða króna. Aldrei í sögunni hefur viðlíka vöxtur á jafn skömmum tíma orðið í nokkrum 'viðskiptum'. Kynlífsþrælkun barna veltir árlega meiru en vopnasala; Arms-Trade. Því er spáð að veltan verði bráðlega meiri en dópsala; Drug-Trade.  Söngur Frelsis byggir á sögu Tim Ballard sem leikinn er af  Jim Caveziel.

AÐSÓKN Í HÆSTU HÆÐUM

Tim Ballard er fyrrum löggæslumaður Öryggistofnunar heimalandsins; Homeland Security. Hann lét af störfum sem opinber starfsmaður árið 2013 til að stofna samtök til að bjarga börnum úr kynlífsþrælkun; Operation-Underground-Railroad. Í myndinni bjargar Tim Ballard dreng úr klóm níðinga en systir hans er kynlífsþræll í myrkviðum frumskóga S-Ameríku. Drengurinn biður Ballard um að bjarga systur sinni. Ballard fer í mikla hættuför til að bjarga stúlkunni. Guðs börn eru ekki til sölu; God‘s Children are not for sale.

GREIDDI KOSTNAÐ NÁNAST Á FYRSTA DEGI

Aðsókn að Söng Frelsis kom mjög á óvart en á fyrsta degi tók myndin 14.2 milljónir dollara í fyrsta sæti sem nánast dekkaði kostnað. Kvikmynd Walt Disney um Indiana Jones var í öðru sæti 11.2 milljónir dollara með 300 milljóna dollara kostnað. Fyrstu vikuna voru tekjur af Söng Frelsis 40 milljónir dollara. Handrit var skrifað 2015, tökum og gerð myndar lokið 2018. Til stóð að 20th Century Fox dreifði myndinni en Walt Disney eignaðist rétthafa og stakk myndinni undir stól. Spyrjið: Af hverju? Málið þykir vandræðalegt fyrir Disney sem ítrekað tengist barnaníði.

Í mars síðastliðnum urðu Angel Studios rétthafi. Angel Studios framleiða framhaldsþættina The Chosen um Jesú Krist og lærisveina. Um 500 milljónir manna hafa séð þættina sem ég hef sagt frá. Markmið Angel Studios voru að selja 2 milljónir miða fyrir 2 milljónir barna sem árlega eru hneppt í kynlífsþrælkun. Tekjur hafa farið langt fram úr væntingum, 4.9 milljónir miða seldir. Jim Caveziel lék Jesús Krist í kvikmynd Mel Gibson, Passion of the Christ mest sóttu kvikmynd sögunnar sem tók inn 612 milljónir dollara. Mel Gibson hvetur alla til að sjá Söng frelsis og afmá mannskömm kynlífsþrælkunar. Bandarískur kynlífsmarkaður er langstærstur í veröldinni. Algengt er að börn séu hrifsuð frá foreldrum víða um veröld sem og Bandaríkin.  

SEX ÞÚSUND BÖRNUM BJARGAÐ

Samtök Ballard hafa bjargað yfir sex þúsund börnum og fjögur þúsund níðingar afplána nú refsingu. Það sér vart högg á vatni. Kynlífsþrælkun barna nýtur verndar hinna ríku og voldugu. Spyrjið: Af hverju?  Á þessu ára koma allt að fimmtán milljón ólöglegir hælisleitendur inn í Bandaríkin. Enginn veit hvaða fólk er á ferð; milljónir fluttar inn af alþjóða glæpaklíkum á landamærunum að Mexíkó. Opin landamæri; Open-Borders eru farvegur barnaþrælkunar og vændis. Börn hverfa sporlaust, flutt norður á bóginn, þar á meðal í þotum á vegum ríkisstjórnar Biden. Barnaníð nær alla leið inn í Hvíta Húsið þar sem kókaín hefur þrívegis fundist. Tölva Hunter Biden; Laptop-from-Hell er uppfull af barnaníði, kókaín og krakneyslu ásamt margvíslegum glæpum. FBI, CIA og dómsmálaráðuneytið halda verndarhendi yfir þeim feðgum. Spyrjið: Af hverju?

VINSTRI SINNAR GAGNRÝNA

Vinstri sinnaðir fjölmiðlar gagnrýna myndina, segja að sé úr smiðju samsærissmiða; QAnon-Adjacent. Bæði CNN og Washington Post gagnrýna Caveziel og saka um að að tengjast samsærissmiðum QAnon; Conspiracy-Theories-QAnon. Rolling Stones segir myndina fyrir feður með heilaorm; Dads- With-Brainworm. QAnon-vilhallur hugarburður, segir Guardian á Bretlandi. Ballard bjargar börnum með skítug barna-andlit; Dirty-Faced-Moppets, skrifar gagnrýnandi Guardian. Hið femíniska Jezebel kallar myndina QAnon-fantasíu. Ummælin hafa verið fordæmd. BBC  segir myndina átakapunkt menningar-stríðs; Culture-War-Flashpoint. Disney hefur ekki skýrt mál sitt varðandi Söng Frelsis.

Athugasemdir

[Birgir Loftsson, 14.7.2023 kl. 22:13]

Ekki "söngur frelsis", heldur "hljómur frelsis". Allt önnur merking.

[Jóhann Elíasson, 15.7.2023 kl. 08:54]

Ég verð nú að segja að málið er það hræðilegt að mér finnst nú ekki rétt að vera að "hengja" sig í einhvern "ORÐHENGILSHÁTT"........

[Trausti (IP-tala skráð) 15.7.2023 kl. 14:36]

Tja, Birgir hefur Ímugust á illa þýddri erlendri tungu yfir á Íslensku. Það verður að gefa honum góða einkun fyrir það. Hann hlýtur svo að koma með aðra athugunarsemd um innihaldið á myndinni! Skulum alla vega vona það.

[Hallur Hallsson, 15.7.2023 kl. 16:04]

Ég einmitt skoaði þetta álitaefni; Söngur Frelsis eða Hljómur Frelsis. Bestu þakkir fyrir álit þitt ... Einu sinni var Sound of Music ...  

[Bjarni (IP-tala skráð) 17.7.2023 kl. 12:48]

Þvílík djöfuls þvæla. Hef séð hudru0i svona frétta og engin þeirra á við rök að styðjast, en finna hljómgrunn hjá einföldum sálum.

[Birgir Loftsson, 19.7.2023 kl. 11:21]

Hljómur frelsis er betri þýðing vegna þess að venjulega þegar mótmælt er, þá eru trommur barðar, það eru læti og múgurinn hrópar e.t.v. "freedom" o.s.frv. Úr fjarlægð má heyra hljóminn af mótmælum....

Við munum öll eftir atriðinu í Braveheart þegar Mel Gibson hrópaði "Freedom"! Ég man ekki eftir að fólk almennt syngi þetta slagorð í mótmælum. En þér er velkomið mín vegna að hafa þessa þýingu, það er málfrelsi í landinu :)

[Tómas Ibsen Halldórsson, 20.7.2023 kl. 20:31]

Efni greinarinnar snýst ekki um val á orðum heldur hið hræðilega efni sem mansal á börnum er og hræðilegar misnotanir og pyntingar sem þau verða fyrir. Erum við svo gerilsneydd að við getum ekki fundið til með þeim saklausustu af mannkyninu sem þó varða að líða af hendi hinna hrottalegustu, eða eigum við að verja gerðir þeirra?????????