Lygi & frelsi eiga aldrei samleið ...

Í hinni pólitísku baráttu keppast popúlískir stjórnmálamenn að vera fyrstir til að tjá sig um stórviðburði. Á næstliðnum áratugum stilltu Steingrímur Joð og Ingibjörg Sólrún sér jafnan upp fyrir framan gjallarhorn RÚV til þess að fá útrás fyrir heift og reiði í garð Davíðs Oddssonar forsætisráðherra 1991-2003. Næstu daga skaut RÚV linnulaust eiturörvum að Davíð, gnægð slíkra í vopnabúri ríkismiðilsins. Fréttir enduðu jafnan: „Ekki náðist í Davíð Oddsson.“ Davíð lék ekki þeirra leik, dagarnir liðu. Svo loks mætti Davíð pollrólegur og leiðrétti bull og lygar popúlistanna. Þjóðin treysti Davíð og XD átti allskostar við vinstri flokkana. Þar kom Davíð dró sig í hlé vegna veikinda enda slítandi að verjast pólitískum eiturörvum áratugum saman.  

 

AF HVERJU LJÚGA ÞAU

Varaformaður Sjálfstæðisflokksins Þórdís KR Gylfadóttir hefur tekið upp vinnubrögð popúlistanna uppfull af heift og hatri í garð Rússaforseta. Stífla í Dnípró-fljóti var sprengd á þriðjudag. Dísa stillti sér umsvifalust upp fyrir framan gjallarhorn framvarðasveita ríkislögreglustjóra sem allir sem einn flytja sömu frétt á rauntíma. Dísa var ofsareið eins og Egill Helgason á til: „Að ríki skuli haga sér með þessum hætti, hættir ekki að koma manni á óvart. Hryllilegt að sjá afleiðingarnar ... við þurfum að sameinast um það að frjáls og fullvalda Úkraína fái það sem hún þarf til að geta staðið vörð um sitt land, sín landamæri og sína borgara,“ sagði Dísa rækilega heilaþvegin; ung, sæt og saklaus skutlað á stólinn á Rauðarárstíg alls ófróð um sögu mannkyns alveg eins og Gulli Þór sem tveimur dögum síðar sagði á Alþingi að Úkrar berjist fyrir „...sínu landi, okkar frelsi.“ Sagan kennir að lygi á aldrei samleið með frelsi, aldrei. Popúlistar ljúga alltaf. Íbúar Donbass eru Rússar. Donbass hefur verið rússneskt land um aldir, rennt af Lenín inn í sósíalíska sovétlýðveldið Úkraínu, fólkið ekki spurt fremur en þegar Krjútsoff renndi Krím inn í Úkraínu. Stjórnvöld í Kænugarði hófu stríð gegn þessu fólki 2014 með Azov-nazista í fremstu víglínu. Af hverju ljúga Dísa og Gulli? Þau eru eins og keisarinn í engum fötum, framvarðasveitir okkar sömuleiðis. Þá hefur það gerst að Alþingi samþykkti samhljóða með öllum greiddum atkvæðum lygina um börnin sem flutt voru til Rússlands. Það var mörgum áfall, raunar sjokk að Sigmundur Davíð Gunnlaugsson greiddi vitleysunni atkvæði. Af hverju, Sigmundur? Af hverju lýgur Alþingi? 

 

STÍFLAN VIÐ NOVO KHAKOVKA

Stíflan í Dnípró-fljóti er á rússnesku yfirráðasvæði. Íbúar Novo Khakovka eru Rússar á austurbakka Dnípró, um 50 þúsund. Byggðin er umflotin vatni úr lóninu. Íbúar Donbass í Austur-Úkraínu eru Rússar sem hafa búið þar um aldir. Uppistöðulónið við Novo Khakovka er norður af Krímskaga og miðlar þangað vatni. Íbúar Krímskaga eru nú án vatns. Af hverju ætti Pútin að gera árás á eigið fólk? Íbúar Krím og Donbass eru Rússar með sama hætti og íbúar Íslands eru Íslendingar. Washington Post upplýsti í desember að úkranski herinn hefði æft árás á stífluna og skotið eldflaug sem lenti skammt frá. RÚV segir Zelinskiy hafa heimsótt Kherson sem er í 85 kílómetra fjarlægð á vesturbakka Dnípró sem Úkrar ráða. Ég hef enga mynd fundið af Zelinskiy í Kherson, ávarpið flutt úr herbergi. Spyrið: Af hverju? Nýjasta útgáfa útlendra framvarðasveita er að atvikið í Dnípró-fljóti hafi verið slys. Ég hef verið sorgmæddur að sjá minn gamla kollega Arnar Björnsson flytja fréttir af stríðinu. Ég fullyrði þó að Arnar hefði aldrei flutt áróðursfrétt RÚV að kvöldi fimmtudags 8. júní sem tók út yfir allan þjófabálk. Mikil er skömm RÚV og Hallgríms Indriðasonar. Þýska Bild kvað á netinu í fyrstu að Rússar hefðu sprengt stífluna, en tók svo Rússa út. Spyrjið: Af hverju? Hvíta Hús Biden kveðst ekki vita hver hafi verið að verki. 

 

NORD STREAM: AF HVERJU EKKI RANNSÓKN

Hið sama á við um hryðjuverkið á Nord Stream í Eystrasalti. Framvarðasveitir okkar í kór kenndu Pútin um Nord Stream. Þá kom Sy Hersh sem lýsti í ítarlega plotti Washington að sprengja leiðslurnar í samvinnu við Norðmenn. Þá var Olaf Scholz kanslari kallaður til Washington og sagan um sex manns á skútunni Andromedu varð til. Því næst komu Vesturlönd í veg fyrir rannsókn Öryggisráðsins. Spyrjið: Af hverju? Nýjasta útgáfan er að Velery Zaluzhni yfirhershöfðingi Úkra hafi fyrirskipað hryðjuverkið í Eystrasalti án vitneskju Zelinskiy. Zaluzhni hefur ekki sést í nokkrar vikur. Líkt og spyrja má um stífluna í Dnípró, má spyrja: Af hverju hefði Pútín átt að eyðileggja rússneskar gasleiðslur? Þetta fólk heldur að þú og ég séum fífl.

Athugasemdir

[Guðrún Bergmann, 9.6.2023 kl. 09:42]

Takk fyrir þessa flottu samantekt. Mikið væri forvitnilegt að fá svar við þessari spurningu þinni, þ.e. af hverju þetta fólk á Alþingi lýgur svona?

[Sigurður I B Guðmundsson, 9.6.2023 kl. 10:55]

Þú segir nokkuð! Ég hef ekki við að trúa??