Íslenskum þjóðararfi unnið skelfilegt tjón ... Íslands ljós slökkt

Þegar Ísland varð fullvalda ríki 1918 við lok Heimstyrjaldar I hétu forfeður okkar „ævarandi hlutleysi“. Ísland varð þá fullvalda ríki í konungsambandi við Dani. Við lok Heimstyrjaldar II 1945 neituðu Íslendingar að lýsa stríði á hendur Þjóðverjum þó það þýddi að hið unga íslenska lýðveldi yrði ekki meðal stofnþjóða Sameinuðu þjóðanna. Ekki kom til greina að lýsa stríði á hendur Þjóðverjum. Í Kalda stríðinu áttu Íslendingar góð samskipti við bæði risaveldin þó þjóðin gengi í Nato. Þegar Bretar settu löndunarbann á íslenska togara 1952 til að kúga Íslendinga við útfærslu landhelginnar í 4 mílur þá opnuðu Rússar fiskmarkaði sína. Bretar fóru ítrekað með ofbeldi gegn Íslandi í Þorskastríðunum og reyndu að sökkva varðskipunum. Þegar leiðtogar stórveldanna, Mikhail Gorbatsjov og Ronald Reagan, hittust í Höfða 1986 höfðu forfeður okkar hlúð að samskiptum við Bandaríkin í vestri og Rússland í austri. Gorbatsjov og Reagan komu til Íslands og funduðu í Höfða. Það voru Rússar sem stungu upp á Íslandi.

ÁRÁSIR 21. ALDAR

Ísland sætti efnahagsárás Breta og alþjóða bankavaldsins 2008. Þjóðinni var neitað um neyðarlán og bankarnir látnir falla. Þá buðu Rússar Íslendingum neyðarlán með því að rússneski sendiherrann hafði samband við Davíð Oddsson. Þá var Vladimir Pútin forseti Rússlands. Kínverjar buðu líka aðstoð. Ríkisstjórn Sigmundar Davíðs Gunnlaugssonar tók upp eindregna fullveldisstefnu 2013 og setti fram skaðabótakröfur í þrotabú bankanna. Það styggði bankavaldið á Wall Street og City of London. Ísland sætti lymskulegri árás 2016 með panamaskjölunum. SDG var flæmdur úr Stjórnarráðinu. Það var hefnd alþjóða bankavaldsins með fingraförum George Soros. Ísland var kúgað til hlýðni og leppum komið í Stjórnarráðið, fullveldi aflagt. Ári síðar var Katrín Jakobsdóttir orðin forsætisráðherra á lista World Economic Forum í Davos. Fullveldistilburðir Íslendinga voru kramdir, tilskipanir Brussel rétthærri íslenskum lögum.

Valdarán CIA í Kænugarði 2014 var proxy-árás á Rússland. Nýir herrar í Kænugarði hófu stríð gegn úkrönskum þegnum í Austur-Úkraínu sama ár, 2014. Rússar tóku til baka Krímskaga og þurftu ekki innrás því þeir voru þar fyrir. Fáráðir utanríkisráðherrar okkar þekkja ekki sögu þjóðar sinnar. Þeir hefðu getað, líkt og Færeyingar, haldið landinu utan deilna stórveldanna í Úkraínu. Þeir hefðu getað haldið til streitu fisksölu til Rússlands líkt og Færeyingar. Þeir hefðu getað minnst þess að Rússar höfðu komið Íslandi til aðstoðar á neyðarstundu 1952 þegar Bretar kúguðu íslenska þjóð. Nú er öldin önnur. Hatursáróðri er haldið uppi í garð Rússa.

TIL SNORRA & ÓÐINS

Katrín Jakobsdóttir og Þórdís K.R. Gylfadóttir hafa brotið brýr forfeðranna. Þær hafa í raun svikið þjóðararf okkar sem skinið hefur svo skært um allan heim. Snorri Sturluson í Ynglingasögu Heimskringlu byggði brýr til fornaldar þegar hann rakti rætur goðafræði til höfðingjans Óðins í Ásgarði við ósa Tanakvíslar þar sem nú eru ósar Dónár og hafnarborgin Odessa. Kiev-Rus er fyrsta rússneska ríkið, Kænugarður höfuðborg stofnuð 980 af Rúrikum sem ríktu um sex aldir þegar höfuðborgin var flutt til Moskvu. Kyiv-Rus réð rússnesku ánum milli Eystrasalts og Svartahafs. Þarna var Þorvaldur víðförli. Víkingar sigldu rússnesku árnar. Við gáfum Rússum og Úkrönum dýrmæta sýn á sögu sína. Forfeður okkar gáfu veröldinni dýrmætustu bókmenntir fornaldar.  Forfeður okkar hétu veröldinni hlutleysi í hverfulum heimi. Þess vegna hefur ljós Íslands skinið svo skært sem raun ber vitni. Íslands ljós er slökkt. Ég var á Sjónvarpinu 1986 þegar Reagan og Gorbatsjov komu. Ég var í Austur-Berlín 1983, Moskvu 1985, Vilnius, Riga og Tallinn 1991. Ég sá með eigin augum alræði helsis. Nú er ég vitni að helsi breiðast út á heimaslóð sem vírus sé.

BRESKT GEISLASKÝ YFIR ÚKRAÍNU

Það var súrrealískt að sjá Zelinskyy ávarpa leiðtoga Evrópu. Snillingurinn Halldór grípur kjarna máls, keisarinn er berrassaður. Öll kyssast þau og faðmast eins og kommar í gamla daga. Zelinskyy á risaskjá yfir hausamótum leiðtoganna var eins og Stóri bróðir; Big Brother í 1984. Samkoman er költ. Enginn leiðtoga aðildarríkja Evrópuráðsins í Hörpu minnist á geislaskýið yfir Úkraínu sem þokast vestur á bóginn í átt að Póllandi. Af hverju? Enginn þeirra hefur áhyggjur af geislavirku úrani sem rignir yfir íbúa og frjósama úkranska jörð eftir að rússnesk eldflaug sprengdi í loft upp vopnageymslur í bænum Khmelnytskyi milli Kænugarðs og Lvyv. Þar voru bresk úranhlaðin skothylki fyrir Challanger skriðdreka sem hefðu geislamengað frjósama jörð í Donbass og Krím þar sem býr rússneskumælandi fólk. Sprengingar mældust 3.4 á richter skala í Khmelnytskyi, eldhnettir risu til himins ásamt miklu úranskýi sem færist vestur á bóginn. Af tvennu illu var þó betra að úranið stigi til himins fremur en skriðdrekar Rikka Sunaks dreifðu þeim um Donbass og Krímskaga.

ÍSLAND Á 1. BEKK STRÍÐSÆSINGA
Ráðstýrur Kata og Dísa ætla að útbúa tjónaskrá og kenna Rússum um eyðileggingu Donbass og Luhansk, eyðileggingu sem Kænugarður hóf 2014. Hvað mun það kosta? Íslensk stjórnvöld eru fullkomnlega fáráð um atburði í Austurvegi. Kata & Dísa hafa skipað Íslandi á 1. bekk stríðsæsinga. Þær hafa unnið Íslandi og íslenskum þjóðararf óbætanlegt tjón. Vesturveldin sýna engan áhuga á friði í Úkraínu, úrkanar skulu berjast til síðasta manns. Hundruð þúsunda eru fallnir. Nú eru hugmyndir að Ólafur Ragnar Grímsson verði sáttasemjari. Í ljósi framgöngu Íslands í deilu bræðraþjóða í Austurvegi. Er líklegt að Íslendingum verði treyst til að miðla málum? Ég var á Sjónvarpinu 1986 þegar Reagan og Gorbatsjov komu. Ég var í Austur-Berlín 1983, Moskvu 1985, Vilnius, Riga og Tallinn 1991. Ég sá með eigin augum helsi kommúnisma. Nú er ég vitni að helsi breiðast út á heimaslóð líkt og vírus.

ÚKRAÍNU STRÍÐIÐ HÓFST 2014
Stríðið í Úkraínu hófst 2014 eftir blóðugt amerískt valdarán í Kænugarði. Petro Poroshenko forseti 2014-2019 hóf stríð gegn eigin þegnum í Austur-Úkraínu. „Þeirra börn [Rússa] munu hírast í kjöllurum,“ hvæsti hatursfullur Poroshenko. Árið 2015 voru Azov-nazistar teknir í herinn í fremstu víglínu gegn rússnesku mælandi þegnum í Donbass. Nazistavæðing Úkraínu undir forræði stjórnar Barack Obama var í hágír, nazistinn Stephan Bandera þjóðhetja. Um 15 þúsund manns hafa fallið í Donbass og Luhansk, 2-3 milljónir flúið til Rússlands. Rússnesku mælandi fólki var bannað að mæla á eigin tungu. Orthódox kirkja þeirra ofsótt. Zelenskyy varð forseti 2019. Hann hélt stríðinu áfram og herti skrúfur. Zelinskyy hefur bannað stjórnmálaflokka, bannað frjálsa fjölmiðla, ofsótt og drepið stjórnarandstæðinga, ofsótt trúað orthódox fólk, brennt kirkjur og hafnað friðarsamningi sem lá á borði í Ankara, Tyrklandi í apríl 2022. Þetta þyrftu Kata og Dísa að hafa í huga. Rússland svaraði með innrás 24.02.2022. Sannarlega þarf að rannsaka framgöngu bæði Úkrana og Rússa síðan þá. Jafnframt þyrfti að rannsaka hryðjuverkið í Eystrasalti og draga Biden til ábyrgðar og Rikka ríka Sunak fyrir geislavirka mengunarskýið yfir Úkraínu.

STIGMÖGNUN STRÍÐSINS MEÐ ÚRAN SKOTHYLKJUM

Sama er með Nord Stream gasleiðsluna í Eystrasalti. Vesturveldin hylma yfir hryðjuverk Biden með lygi og þöggun. Vesturveldin komu í veg fyrir rannsókn Öryggisráðs Sameinuðu þjóðanna á hryðjuverkinu. Spyrjið: Af hverju? Þessi stigmögnun stríðsins með kjarnorku úran er dauðans alvara. Pútin varaði Breta við afleiðingum að senda úran-skothylki til Úkraínu. Með Xi jinping leiðtoga Kína sér við hlið sagði Pútin að það hefði afleiðingar að senda úranskothylkin. Íbúum Úkraínu er fórnað í þágu útþenslu Nato. Bretar létu sér ekki segjast heldur sendu langdrægar storm-eldflaugar; storm-shadow-missiles til árása hundruð kílómetra inn í Rússland. Stormflaugarnar hafa líklega sprungið í Khmelnytskyi svo svakaleg var sprengingin. Markmið Joe Biden, neo-cons í Washington og Nato er að fella Pútin, skipta Rússlandi upp og gera að amerískri hjálendu líkt og Evrópu sem eltir senílan glæpamann. Sterkt Rússland er þyrnir í augum Washington. Úkraínu er beitt í proxy-stríði Vesturveldanna gegn Rússlandi. Spyrjið: Hver er ferilskrá Ameríku og Nato síðustu 30 ára?

AF TRÚÐA-VERÖLD GLÓBALISTA

Í lokin af trúða-veröld-glóbalista. Úkranar hafa tapað stríðinu; tapað Donbass, Luhansk, Krím og við munum umsátrið um Mariepol, vígi Azov-nazista, Bakhmut er fallin. Kata krefst „...réttláts friðar á forsendum Úkraínumanna.“ Sumsé undanhald Rússa. Alveg eins mætti segja Hitler hefði átt að krefjast  „... réttláts friðar á forsendum nazista,“ eftir að tapa orrustunni um Stalíngrad 1943. Það er táknrænt að Bakmut er fallin, úkranskir hermenn hírast í nokkrum byggingum vestast í borginni. Fyrir Bandaríkjaþingi á aðventu 2022 hét Zelinskyy að vinna orrustuna um Bakhmut. RÚV segir nú að Bakhmut sé ekki hernaðarlega mikilvæg! Þetta bara er ekki hægt að skálda.

Athugasemdir

[Guðrún Bergmann, 17.5.2023 kl. 15:07]

Því miður hefur hlutleysisljós Íslands verið slökkt! Sorglegt!

[Guðjón E. Hreinberg, 17.5.2023 kl. 16:42]

Að brjóta gegn hlutleysisstefnu Íslenska Lýðveldisins varðar allt að tíu ára hegningarlagabroti. Elítan fer ekki að eigin lögum.

Það heitir siðrof.

Siðrof, rétt eins og landráð, er glæpur.

[Leifur (IP-tala skráð) 17.5.2023 kl. 17:07]

Þessi færsla þín, Hallur, er svo átakanleg og sorgleg, þegar horft er tilbaka en  holl og nauðsynleg, því sporna verður við.

[Sigurður Kristján Hjaltested, 17.5.2023 kl. 20:17]

Frábær pistill og sorglega sannur.

Fruss á allt þetta lið á alþingi.

[Magnús Sigurðsson, 18.5.2023 kl. 08:54]

Takk fyrir frábæran pistil á hreinni íslensku.

[Sigurður I B Guðmundsson, 18.5.2023 kl. 12:09]

Tek heilshugar undir með Magnúsi. 

[Gerður Pálma (IP-tala skráð) 18.5.2023 kl. 13:55]

Frábær pistill, kærar þakkir.  En mig langar að fá skýringu á hvað þú átt við með eftirfarandi ------ Ísland sætti lymskulegri árás 2016 með panamaskjölunum ------  hvers vegna lymskuleg árás?