Vorsókn úkraínska hersins sögð á næsta leiti

Vorið er komið til Úkraínu með 10 stiga hita, frjósöm úkraínsk jörð tekur við sér og búist er við vorsókn úkraínska hersins suður og austur fyrir Dnjepr-fljót. Um 50 þúsund hermenn eru sagðir albúnir til orrustu suður á bóginn frá Zaporizihizhia í austri til Kherson í vestri. Markmiðið er sókn niður til Svartahafs og Krímskaga. Rússar bíða átekta með 300 þúsund manns her ef marka má fréttir. Vesturveldin treysta á rússneskt afhroð leiði til falls Vladimirs Pútins í Kreml. Hins vegar er staða úkraínska hersins í vestustu úthverfum Bakmut vonlaus. Um 400 þúsund úkraínskir hermenn eru fallnir og særðir. Af þessu korti má ráða í áform Kænugarðs, að mati weeb union.

HERFLUTNINGAR FRÁ S-KÓREU TIL PÓLLANDS

Linnulitlir herflutningar hafa verið milli S-Kóreu og Rzezow í suð-austur Póllandi þaðan sem eru 170 kílómetrar til Lvyv og um þriggja stunda akstur til Kænugarðs. Risaþotur á vegum Kallitta, National og Atlas hafa flogið frá bandarísku herstöðinni Osan yfir til Anchorage í Alaska. Sautján amerískar herstöðvar eru í S-Kóreu. Frá Anchorage er flogið yfir Ameríku út á Atlantshafið yfir Ísland þaðan til Póllands. Um er að ræða tugi flugferða. Flugfélög þessi eru þekkt fyrir svarta flutninga. Í hverri ferð eru um 120 tonn af varningi. Fremur ólíklegt er talið að túlipanar séu í farmi. Menn giska á að Ameríka sé að flytja hergögn frá amerískum herstöðvum nú þegar vopnabirgðir eru tæmdar á heimaslóð.  Gríðarleg sprenging var í olíustöð við Sevestapol á Krímskaga fyrir helgina. Tíu manns fórust í þessum strætisvagni í Donetsk eftir úkraínska drónaárás. Líklegt er að úrslita orrusta úkraínsk/rússneska stríðsins sé á næsta leiti.

RÁÐFREYJUR Í FAÐMLÖGUM

Íslenskar ráðfreyjur halda áfram að faðma kollega í Úkraínu. Við munum innilegt faðmlag Kötu og Volodymyr forseta í Kænugarði. Um daginn faðmaði Dísa okkar Dmytró Kúleba utanríkisráðherra. Þau voru í rómantískri sólarferð til Odessu við ósa Dónár sem Snorri Sturluson kallaði Vönukvísl þar sem Óðinn var með blótstað mikinn og hafði sigur í hverri orrustu. Forvitnilegt er að vita hvort Dísa hafi spurt Dmýtro um brunann í Odessa þegar þrjátíu og átta Rússar voru brenndir í Alþýðuhúsinu í maí 2014 fáum mánuðum eftir að Victoría Nuland aðstoðarutanríkisráðherra hafði gert sér ferð frá Washington til að dreifa kökum meðal fólks í Kænugarði.

DÍSA & KATARÍNA MIKLA

Katrín Jekaterína Aleksejevna mikla keisaraynja [1729-1796] stofnaði Odessu nútímans 1794. Dmýtro kann að hafa sagt íslensku alþýðu-Dísu frá hlut Katrínar miklu í rússneskri sögu. Íslendingar þekkja Odessu frá tíð Sovétríkjanna þegar rússaolían kom frá Svartahafi. Dmýtro kann að hafa  frætt Dísu um ástæður þess að rússneskum íbúum var bannað að tala rússnesku og ástæður þess að úkraínsk stjórnvöld fóru með stríði gegn eigin þegnum. Hún kann að hafa spurt Dmýtro hvort rússneska sé ekki örugglega hans fyrsta tungumál líkt og Volodymyr. Ég efast ekki um að Dísa hefur frætt Dmýtro um lýðræðisgildi Brussel og afa Ulriku Albrecht van der Leyen höfuðkómizars í Brussel. Afi Albrecht stýrði hernumdri Úkraínu fyrir Hitler 1941-1943. Dmýtro hefur áreiðanlega útskýrt ástæður þess að nazistinn Stephan Bandera er yfirlýst þjóðhetja í Úkraínu. Skötuhjúin hafa áreiðanlega haft nægan tíma til að spjalla.

Og meðan ég man. Var Victoría með kökur þegar Dísa faðmaði Jóa Biden í Hvíta Húsinu? Dísu hefur gefist tækifæri til að spyrja Biden um Tölvuna frá Helvíti; Laptop-from-Hell. Þar má fræðast eitt og annað um góðverk Biden-feðga í Úkraínu, meðal annars þeim sem lúta að amerískum sýklasmiðjum.

Athugasemdir

[Tómas Ibsen Halldórsson, 2.5.2023 kl. 22:31]

Góður Hallur. Ég velti fyrir mér hvort Biden stjórnin, sem ætlar að fara alfarið yfir í rafknúin hertól s.s. skriðdreka, hervagna o.fl., muni senda í tilraunarskini rafknúin stríðstól til Úkraínu. Það væri svo sem alveg eftir þeim. Hafa þeir ekki verið að nota Úkraínu í tilraunarskini eins og t.d. efnaverksmiðjur og ýmislegt fleira.

[Guðrún Bergmann, 3.5.2023 kl. 09:44]

Frábær skýring hjá þér að vanda Hallur á stríðsmálum heimsins og grunnhyggju ráðfreyjanna hér á landi. Spurning hvort þær geri sér grein fyrir því að þær eru bara nytsöm peð í neti Djúpríkisins?