Davíð, Jón Steinar og ég

Í september síðastliðnum kvaðst Jón Steinar Gunnlaugsson í viðtali við Sölva Tryggvason hafa skömm á Davíð Oddssyni. „Í seinni tíð hafa komið hlutir sem ég hef örgustu skömm á,“ sagði hann orðrétt. Ég harmaði ummælin á Facebókinni. Jón Steinar hringdi í mig, bað um skoðun mína á orðum sínum. Ég lagði til að Jón Steinar bæði Davíð afsökunar, fannst þetta ekki stórmannlegt í garð vinar og velgjörðarmanns. 

Jón Steinar varð reiður og skrifaði mér meðal annars: “...Það er eins og þú sért blindaður í aðdáun þinni á þessum manni [DO]. ... Hann vill bara að menn lúti sér í aðdáun og blindni eins og þú greinilega gerir. Ég sé að ekki er nokkur vegur að ræða þetta við þig svo blindaður þú ert á þessa hrokafullu persónu...“. Það er nú svo. Síðan höfum við Jón Steinar ekki rætt saman.

          Hádegisverður í Hádegismóum

Fyrir fjórum árum snæddi ég hádegisverð í Hádegismóum með Davíð Oddssyni ásamt meðritstjóra og vini mínum. Þar komu til umræðu góðir vinir Davíðs, forsetahjónin Bill og Hillary Clinton. Ég sagði Davíð að vondir hlutir væru að opinberast um þau hjón. Við ræddum meðal annars um netpósta Hillary úr utanríkisráðuneytinu DOJ sem hún hafði fært á einkatölvu sína og notað sem féþúfu; selt hernaðarleyndarmál hæstbjóðendum víða um heim. Tölvan var eyðilögð með sleggju og sýru þegar opinberaðist um póstana. Vinir Hillary í FBI hylmdu yfir saknæm afbrot hennar.

Einnig komu til umræðu ferðir Bills á eyju Jeffrey Epstein í Karabíska hafinu. Bill Clinton var tíður gestur á Epstein-eyju undan ströndum Haiti. Davíð var ósáttur við ummæli mín. Það er von að fólk hnykki við, ég skil það. Íslensk þjóð líkt og veröldin er blinduð. Við spyrjum að leikslokum, sagði ég. Síðan höfum við ekki talað saman. Það er ekki vandamál af minni hálfu. Ég ber virðingu fyrir Davíð sem hefur farið nær um atburði okkar tíðar en nokkur annar blaðamaður hér á landi, fyrir utan mig. Það er táknrænt fyrir Davíð að á 75. ára afmæli sínu ritar hann um gildi málfrelsis. Davíð einn blaðamanna hefur tekið til varna málfrelsi gegn ritskoðun okkar tíðar.

Eyja Epsteins

Svo gerist það nokkrum mánuðum eftir hádegisverðinn, að Jeffrey Epstein var handtekinn 6. júlí 2019 fyrir sex-trafficking; sexsal til Elítunnar hinna frægu og voldugu á litilli eyju í Karabíska hafinu. Elítan hafði flogið til eyjunnar þar sem saknæmur hryllingur gegn börnum átti sér stað. Hinir ríku og voldugu sækjast í eilífan æskublóma. Ég hef upplýst um komur frægra, ríkra og voldugra til Epstein-eyju, þar á meðal Bill Gates. Mánuði eftir handtöku fannst Jeffrey Epstein látinn í fangaklefa meðan verðir sváfu værum blundi og öryggismyndavélar voru óvirkar. Sagt er að Epstein hafi fyrirfarið sér. Af rannsókn FBI á Epstein eyju er auðvitað ekkert að frétta. Tilviljun?

FBI, CIA og Biden-feðgar

FBI og CIA hylma yfir barnaníð, mansal og glæpi núverandi forseta, Joe Biden og sonar hans Hunter. Bandaríkjum Ameríku er stjórnað af siðblindri pólitík í þjónustu ofsaríkra sem einskis svífast. FBI, CIA og megin-miðlar; fjöl- & félagsmiðlar eru hliðverðir þeirra. Ameríka er fasísk, Úkraína miðstöð stofnfrumu bísness lyfjarisa gerir nazista að guttum á stuttbuxum. Illskan á sér engin takmörk. Evrópuráðið fékk nasasjón af hryllilegum glæpum í A-Úkraínu þegar upplýst var um nýfædd börn í fjöldagröf. BBC greindi frá árið 2006. Fimmtíu efnasmiðjur eru í Úkraínu; bio-labs. Nú allt þaggað og  gleymt. Nú geisar heimsfaraldur. Tilviljun?

Bandarísk þjóð er loks að vakna, greina brjálæðið og freistar að hrista af sér óværuna. Baráttan er grimm, upplýsingastríð í auga stormsins; info-stríð þar sem CNN, BBC, RÚV, fésbók og rest draga ekkert af sér við ritskoðun, heilaþvott og útskúfun. Abraham Lincoln fór gegn rauðskjöldungum 1861-1865; John F. Kennedy öld síðar 1961-63 og 2017-2021, 150 árum síðar Dónald Jón Trump, Benjamíti sem á ættir til Suðureyja. Tilviljun að Benjamíti leiði baráttu gegn illsku?

       Solzhenitsyn okkar tíðar

Julian Assange var varpað í enska dýflissu fyrir að afhjúpa stríðsglæpi. Hann er okkar tíðar Alexander Solzhenitsyn sem upplýsti um Gúlag Sovétsins. Taflið hefur snúist. Afhjúparinn Edward Snowden er landflótta í Rússlandi. Lýðréttindi eru svívirt um öll Vesturlönd. Liðhlaupinn Elon Musk hefur rofið þöggunarmúr megin-miðla með Twitter-files. Það er brostinn á flótti. Þeir sem afhjúpa glæpi elítunnar eru hundeltir. Q er yfir skotmarkinu og upplýsir rafræna stríðsmenn Qanon í info-stríði okkar samtíma. Loftvarnabyssur gelta, svarthattar á afturfótum með klær úti hvæsa: „samsærissmiðir, conspiracy theorists.“

Hvíthattar eru til varnar börnum. Þetta snýst um börnin.