Sjö mínútur í New York sem breyttu öllu ...

Donald Trump átti 7 mínútna fund með Zelinsky í New York á þriðjudag. Zelinsky kvað fundinn mjög góðan og djúpan. RÚV, SÝN. Mbl og DV segja að fundurinn marki stefnubreytingu Bandaríkjaforseta. Mogginn með risafyrirsögn yfir þvera forsíðu: SEGIR ÚKRAÍNU GETA UNNIÐ ALLT LANDSVÆÐI SITT TIL BAKA. Gleði blaðamanna okkar í gær var einlæg, í stuttu máli er frásögn þeirra: Donald Trump Bandaríkjaforseti lýsti því yfir í gærkvöldi að hann telji að Úkraínumenn séu í kjörstöðu með aðstoð ESB til þess að vinna til baka ALLT LANDSVÆÐI sem Rússar hafa hertekið. Ummælin marka mikla stefnubreytingu hjá Trump. Blaðamönnum okkar þykja tíðindin makalaus því Trump sagði "...síðast að Úkraínumenn verði að gefa eftir landsvæði til að geta samið um frið." Á sjö mínútum hafði allt breyst í New York, loksins loksins horfa Úkrar fram á sigur og Rússar fram á ósigur. Stór-Úkraína verður ekki lengur útnári eins og Kievan-Rus fyrir sovétið.

 

EFNAHAGUR RÚSSA Í TÆTLUM; IN TATTERS

 

Hér hefur orðið alger viðsnúningur. Það er að rætast sem kómízarína der Leyen sagði 2022 að efnahagur Rússa væri í tætlum; "tatters" og bætti við að Rússar nota tölvukubba þvottavéla í skriðdreka sína. Rússar væru ruslaralýður sem kæmist ekki í alvöru lið. Rússlandsher væri án vígtanna, einræðisstjórn Pútins að hruni komin. Stór-Evrópa samkvæmt áætlunum Nato/ESB mun ná að landamærum Rússlands. Stór-Úkraína verður stoltur meðlimur Brussel. Evrópa getur jafnvel unnið sjálfa Moskvu. Stór-ESB getur afrekað það sem Karli XII 1708, Napóleon 1812 og Hitler 1941 mistókst. Að auki er ESB um það bil að leggja undir sig Ísland, Noreg og Grænland. Stór-Evrópa verður stærri en jafnvel á dögum Rómverja.

 

SMÁVANDI NATO/ESB Í BRUSSEL

 

En NATO/ESB í Brussel á við smávanda að glíma. Trump hefur sett Ameríku nr. 1 í stað alþjóðavæðingar glóbalizta, hervæðingar, Net-0-alkul, hælisbransa, fylla fangelsi útlendingum ásamt WHO og SÞ. Þetta hefur breytt öllu. USA hefur hafnað að senda hermenn í herstöð Nato í Rovaniemi í Lapplandi, Finnlandi. Í stað Kana hefur Togga ÞoKa lofað að senda íslenskar sveitir til liðs við finnskar, danskar, sænskar, norskar franskar og breskar hersveitir albúnar til innrásar í Rússland 2030. Já, íslenskIr hermenn verða meðal evrópskra bræðra og systra. Nú er komið að Íslandi að veita Litháum, Lettum og Eistum öryggistryggingar í kompaní við Evrópusambandið í Brussel því USA er hætt að veita Eystrasaltsríkjum öryggistryggingar. Allir 18-65 ára landsmenn karlar og konur mega vænta að fara á vígvelli Evró/Úkró/Rússó styrjaldar með vopn “Made in USA“. Það verður létt verk að senda hundrað þúsund manna íslenskan her í Austurveg til að berjast við Rússa. Góðu tíðindin eru að Trump lofar að selja Nato-þjóðum öll vopn sem þurfa þykir að mati Nato, þar á meðal vopn til Íslands.

 

ÞÝÐING YFIRLÝSINGAR TRUMP Á TRUTH SOCIAL:

“Eftir að hafa kynnt mér og skilið Ukraínustríðið og áttað mig á hernaðarlegum og efnhagslegum vandræðum sem stríðið er að valda Rússlandi, þá held ég að Úkrar og Evrópusambandið séu í stöðu til að berjast og vinna alla Úkraínu eins og þeir upphaflega ætluðu. Með tíma og þolinmæði og fjárhagsstuðningi Evrópu og alveg sérstaklega Nato, þá er hægt að vinna aftur sömu landamæri og voru þegar stríðið hófst.

 

Af hverju ekki?

 

Rússar hafa barist án markmiða í 3 1/2 ár í styrjöld sem átti að taka viku að vinna. Þetta lýsir ekki Rússum heldur líta þeir út eins og Pappírs-tígur. Þegar fólk í Moskvu og öllum hinum miklu borgum, bæjum og héruðum um allt Rússland komast að því sem raunverulega er að gerast, sú staðreynd að nánast ómögulegt er að fá olíu nema vera í löngum biðröðum, sú staðreynd að mest af peningum þeirra fer í stríðsefnahag og stríð við Úkraínu, þar sem bjartsýni ríkir. Úkraína ætti því að vera fært að taka land sitt til baka miðað við ítrustu kröfur og upphafleg landamæri. Og hver veit, jafnvel lengra. Pútin og Rússar eru í MIKLUM efnahagsvanda, svo þetta er tíminn fyrir Úkraínu að breðast við. Hvernig sem allt veltur, þá óska ég báðum þjóðum velfarnaðar og við munum halda áfram að selja vopn til Nato til að gera það sem Nato vill. Bestu óskir til allra. DONALD JOHN TRUMP, FORSETI BANDARÍKJANNA.