Sólveig, Snorri & afhjúpun vókisma

Sólveig Anna Jónsdóttir formaður Eflingar lét falla ummæli við Rauða borðið sem hafa farið sem eldur í sinu: “....Vók er ein mest ömurleg hugmyndafræði sem hægt er að hugsa sér,“ sagði hún. Hallgrímur Helgason rithöfundur stundi: “Þú talar eins og Trump,“ fórnandi höndum í búbblu. “...Þú skilur ekki vókisma,“ svaraði Sólveig Anna rithöfundinum sem hafði sannað mál hennar. Vók er útilokun. Vókismi er uppspretta tranisma; alræðismi, authoritarnismi orðaði Sólveig það. Karlar á kvennaklósettum og karlar í kvennasporti allt það sem farið hefur úrskeiðis í vestrænum samfélögum þar sem sönn karlmennska er jaðarsett í löndum feminisma sem gengur á mannréttindi kvenna. Þetta var stund sannleika. Orðræðan hefur farið víða, þar á meðal hefur Snorri Másson vakið athygli á. Snorri er ímynd karlmennsku, vel máli farinn og snyrtilegur. Ungir menn leita til hans um samhljóm og fyrirmynd. Snorri er uppnefndur trumpisti, hægri-öfgaisti; eitruð karlmennska er hrópað.

HÓPHYGGJA & VÓKISMI
Hóphyggja okkar tíðar er wók sem á að andæfa kynþáttahyggju og misrétti #vertu vók; #staywoke en gerir þveröfugt, sundrar og sáir hatri. Þegar vókfólk heyrir lykilorð þá tekur það á rás og hrópar hægri-öfgar, rasismi, trumpismi, pútinismi. Fylgjendur #vók eiga fyrst og fremst heimilisfesti meðal feminista og vinstri manna; góða fólksins. Vók og trans eru kennd og innrætt á öllum skólastigum; leikskóla, grunnskóla, framhaldsskóla, háskólum og á heimilum fólks af lygaveitu ríkisins með Samtökin 78 sem varðhund. Það verður ekki lægra lagst. Ríkisstjórn og þingmenn mæra vók í pontu; “...vók, vók, vók,“ sem er ásamt “...stríð, stríð, stríð,“ helstu hugðarefni þingheims. Transpírínan Alexandra Briem á fundi með íbúum Grafarvogs “...sýndi bringuna með kreppta hnefa,“ væntanlega af því hún/hann gleymdi kvenlegu hliðinni.

VÓKAÐ YFIR OKKUR

Öflugasti verkalýðsforingi landsins, Sólveig Anna Jónsdóttir kallar vók “...ömurlegan authoritanisma.“ Þóra Kristín Ásgeirsdóttir blaðakona segir “... Við lentum í því að vóka yfir okkur.“ Sú var tíð að baráttan átti rétt á sér en hefur snúist upp í andstæðu sína og trans er afbökun. Börnum og ungmennum er innrætt að þau búi í röngum líkama. Slagorð guðlausra um “sjálfræðisfrelsi“ er notað sem translykill þar sem opnast salir lyfjarisaog lækna með hnífa, pillur og sprautur með kemískar hormónablokkir og krabbameinslyf. Þarna má finna eitraða karlmennsku.