Gunnar Smári, fósturvísar & "ógeðslegt Djúpríki"

Þann 10. október fór ég í viðtal við Björn Þorláksson við Rautt borð Samstöðvar Gunnars Smára Egilssonar leiðtoga Sósíalistaflokks Íslands. Þar fjallaði ég um svokallað fósturvísamál. Tæknifrjóvgun hjóna Gunnars Árnasonar og Hlédísar Sveinsdóttur á árunum 2008-2010. Stuldur Art Medica á 19 fósturvísum, innbrot 109 lækna 3.250 sinnum í sjúkraskrár hjónanna ásamt yfirhylmingum Landspítala, Landlæknis og Persónuverndar. Beiðni hjónanna um einfaldar DNA rannsóknir 11 barna um uppruna leiddu til ofsókna lögreglu- og saksóknara. Þar á meðal kröfu um 4 ára fangelsi yfir mér og ævilangt ferðabann um Reykjavík og Garðabæ.

Einföld athugun Gunnars Smára
Hjónin voru grunlaus þar til 21. desember 2021 að uppljóstrari úr Landspítala upplýsti þau um afbrot Art Medica. Björn kvaðst aldrei á sínum ferli hafa tekið annað eins viðtal og myndi fylgja því eftir. Það gerðist ekki, þvert á móti gaf GSE út yfirlýsingu 28. október um “…einfalda athugun á hluta fullyrðinga Halls varð strax ljóst að þær stóðust ekki.” Hjónin hafa gefið út yfirlýsingu um að Gunnar Smári hafi ekki sett sig samband við þau. GSE tók út viðtalið af Samstöðinni.

Hið ógeðslega Djúpríki
Fyrir fimm árum vöktu ummæli Styrmis heitins Gunnarssonar ritstjóra vinar míns mikla athygli þegar hann skrifaði um “... ógeðslegt ... Djúpríki.“ Umræða um Djúpríki hefur farið sem eldur um sinu. Tveir helstu bakhjarlar Sósíalistaflokksins eru tveir af ríkustu mönnum landsins, þeir Kári Stefánsson í DeCode og Sigurður Gísli Pálmason í Íkea. Frá þessu var skýrt í kjölfar borgarstjórnakosninga 2022. Tvær helstu sögupersónur Fósturvísamálsins eru Kári Stefánsson og Sigurður Gísli. Það væri ekkert fósturvísamál ef ekki væri De Code. Sigurður Gísli er afi eins barnsins. Úr þeirra ranni kom krafan um að mér yrði varpað í 4ra ára fangelsi og settur í ævilangt farbann um Reykjavík og Garðabæ. “Einföld athugun” GSE voru símtöl frá Kára og Sigurði Gísla: “Þarna er ekkert að sjá.” Djúpríkið hafði talað og GSE hlýtt.

Almennt talað ratast GSE ekki satt orð á munn, jafnvel vefst honum tunga um tönn um einfaldan gjörning eins og bjóða sig fram til Alþingis. Hann er oddviti sósíalista í Reykjavík norður vegna þess að Sanna Mörtudóttir borgarfulltrúi lagði fram bón um það! Nú stefnir Sósíalistaflokkur GSE á hlutdeild í 4 milljörðum sem stjórnmálaflokkarnir úthluta sjálfum sér af fjárlögum.

Jón Ásgeir & bróðir utanríkisráðherra
Fólk man fjósamennsku GSE sem ritstjóra Fréttablaðsins. Enginn mátti vita hver blaðið átti en í ljós kom að var Jón Ásgeir Jóhannesson í Bónus. Djúpríkið starfar að baki luktum dyrum þar sem vélað er um fjármagn. Sigurður Gísli og Jón Ásgeir eru svilar; báðir sögupersónur í Fósturvísamálinu. Athygli vakti þegar Skel; gamli Skeljungur nú fjárfestingafélag réð lítt þekktan mann sem forstjóra á ofurlaun. Stjórnarformaður Skeljar er Jón Ásgeir og maðurinn sem JÁJ réð heitir Ásgeir Helgi Reykfjörð Gylfason. Hann er bróðir utanríkisráðherrans með mörgu nöfnin, Þórdísar Kolbrúnar Reykás Gylfadóttur. Þetta var sex vikum eftir að Rússar réðust inn í Úkraínu. Helsti tilgangur styrjalda er peningaþvætti. Dísa Reykás, Kata Jak og BjarniBen hafa gengið skörulega fram í styrjaldarvafstri svo furðu hefur vakið. Tugir milljarða kóna eru eyrnamerktir til vopnakaupa til Úkraínu, féð streymir stríðum straumum. Bróðir Dísu Reykás, ÁHRG fær 19 millur á mánuði ofan á milljarð í kauprétt. Af baki luktum dyrum gaf Dagur B. olíufélögunum milljarða lóðir. Það er svona sem Djúpríkið vinnur.

Ef sósíalistar komast upp á dekk Alþingis þá vænkast hagur strympu.