Heilabilun Joe Biden, paník demókrata & skelfing glóbalista ...

Veröldin varð vitni að heilabilun; dementíu Joe Biden forseta í kappræðum við Donald Trump á dögunum. Demókrötum er brugðið yfir ruglinu í Biden og fátt um meira talað í Ameríku sem er í sjokki. Það er paník meðal demókrata. Meðan kappræðum stóð var álit almennings á sigurvegara mælt. Trump fór í 63% en Biden hrundi í 35%. Það birtist ný hlið á Trump sem amerísku þjóðinni líkaði vel við! Karlinn fékk ekki að rífast!

 

Biden sem leiðir Vesturlönd í tveimur styrjöldum er heilabilaður imbesíl ófær um heila hugsun. Skuggastjórn er við völd í Ameríku. Það er dauðans alvara. Ég hef bent á heilabilun Joe Biden undanfarin fjögur ár frá því hann kom upp úr kjallaranum í Delaware eftir valdaránið 2020. Biden var með heilabilun; dementíu þegar árið 2019. Dementían hefur verið falin fyrir fólki öll þessi ár með falsfréttum sem haldið er úti um allan hinn vestræna heim.

 

HRUN PETRÓ-DOLLARS

Biden hélt ekki marktækan kosningafund 2020 en sagður hafa fengið 81 milljón atkvæði, fleiri en nokkur í sögunni; Obama fékk 66 milljónir 2012. Donald Trump fékk 75 milljón atkvæði 2020, tólf milljón fleiri en þegar hann vann Hillary Clinton 2016. “Það eru ekki atkvæðin sem skipta máli, heldur þeir sem telja,” er haft eftir Jósep Stalín. Ameríka í dag minnir á Sovétríkin fyrir 40 árum þegar senílum Leonid Brezhnev var haldið á lífi árum saman. Ameríka er heimsveldi að falli komið. Petró-dollar er fallinn. Saudi-Arabía neitar að endurnýja samninginn um olíuviðskipti í dollar sem gerður var 1974 og rann út fyrr í mánuðinum. Saudi Arabía er gengin til liðs við BRICS líkt og 80% mannkyns, Vesturlönd einangrast. Dollar er að missa stöðu sem heimsmynt. Evrópskir kjánar elta Washington og glóbal útþenslu Nato í Austur-Evrópu og Mið-Austurlöndum þar sem hafa geisað Endalausar styrjaldir í aldarfjórðung. Amerískir glóbalistar ráða ekki við Trump fremur en franskir Le Pen, breskir Nigel Farage og Brussel Viktor Orban. Íslendingar eiga engan. Skelfing ríkir meðal evrópskra glóbalista eftir afhroðið í Evrópukosningunum á dögunum.

 

Í kappræðunum benti Trump á hið augljósa að Úkraína er að tapa stríðinu við Rússa. Því var lengi logið að Rússar færu halloka. Hin aldraða Pelosi segir að Úkrar verði að berjast til síðasta manns. Trump benti á Rússa-lygina; Russia-Hoax falsmiðla að Trump væri leppur Pútin sem rannsókn leiddi í ljós að var lygi; framburð 51 cia-fbi agents að tölva Hunter Biden væri Rússaáróður. Allt lygi. Öllu er logið og fact-tékk helsta lygarans CNN broslegt.

 

TRUMP ÞURFTI EKKI AÐ BRILLERA

Donald Trump þurfti ekki að brillera til þess að líta vel út. Yfirvegun hans var eiginlega þvinguð fram en mér finnst hann lítt hafa endurnýjað sig málefnalega, sjálfsagt upptekinn að verjast pólitískum ofsóknum og málaferlum. Ósköpin hafa gert karlinn að alþýðuhetju og stuðningur vaxið jafnt og þétt. Trump bakaði sér ofsareiði amerísku hermaskínunnar; Military Complex þegar hann 2017-2021 batt endi á Endalausar styrjaldir Clinton, Bush og Obama. “Þau vilja endalaus stríð, ekki vinna stríð; they want endless wars, not successful wars,” sagði Julian Assange 2011. Trump hefur verið rægður og svívirtur af falsmiðlum ríkis- & ríkramiðla, líkt og íslenskur pólitíkus bakaði sér ofsareiði Wall Street í New York og City of London; ofsareiði þrotabúa föllnu bankanna sem leiddi til valdaráns í Reykjavík 2016 þegar íslenska þjóðin var svipt fullveldi.

Julian Assange, George Orwell & ofsóknir nútíðar ...

Julian Assange stofnandi Wikileaks hefur verið látinn laus. Því fagna allir lýðræðissinnar. Fjórtán ár eru frá því Assange afhjúpaði stríðsglæpi Bandaríkjanna í Afganistan og Írak. Það er flottasta blaðamennska 21. aldar. Árið var 2010. Ofsóknir á hendur Assange hófust strax í nóvember 2010. Svíar tóku að sér skítverk og gefin var út evrópsk handtökutilskipun. Assange flúði í sendiráð Ekvador í London 2012 og fékk hæli á grundvelli pólitískra ofsókna. Svíar ofsóttu Assange til 2019 þegar rannsókn var hætt. Ekvador hætti að veita Assange skjól. Breska lögreglan stormaði sendiráðið og Assange var varpað í Belmarsh fangelsi í London, haldið í fimm ár frá 2019 til 2024.

 

ASSANGE & GEORGE ORWELL

Líklega verður Assange hissa þegar hann nú fagnar frelsi. Vestrænir fjölmiðlar hafa grímulaust breyst í 4ða vald ríkisins, háværa áróðursmaskinu. Helstu fjölmiðlar okkar eru á ríkisfé með ríkisfréttir; eina og sömu frétt á rauntíma, Marteinn Mosdal með einn ríkissannleik. Ritskoðun hefur verið innleidd um öll Vesturlönd. Í aðdraganda covid var blaða- og fréttamönnum skipað í “framvarðasveit ríkislögreglustjóra.” Skúli Sveinsson lögmaður benti fyrstur á “samræmdan sannleika á rauntíma; Trusted News Initiative”. Spádómur George Orwell í 1984 hefur ræst; sannleikur er lygi. Lygi er sannleikur gjallarhornum ríkis- og ríkramiðlum. Assange okkar tíðar er Winston Smith, söguhetja Orwell í 1984. Stríð okkar tíðar í Úkraínu, langt, langt í burtu endalaust stríð. Alþingi undir erlendum fána myrkvað.

 

MÉR HÓTAÐ 4RA ÁRA FANGELSI

Með RÚV í broddi fylkingar flytja fjölmiðlar okkar tíðar samræmda lygi sem þeir kalla sannleik og ofsækja þá sem efast, já fólkinu í landinu er bannað að efast. Hugsanalögreglan; Thought Police mætir á vettvang. Ég hef fjallað um svokallað fósturvísamál sem fjölmiðlar þegja og þagga. Mér var hótað 4ra ára fangelsi fyrir að fjalla um stuld tæknifrjóvgunarfirmans Art Medica á nítján fósturvísum í eigu hjónanna Gunnars Árnasonar og Hlédísar Sveinsdóttur. Fósturvísar voru afhentir vandalausum. Rökstuddur grunur er um að lífbörn hjónanna séu út í bæ og þekki ekki uppruna sinn.

 

1984 ER MEÐ OKKUR

Ég var kærður og sakaður um umsáturs-einelti. Lögregla stormaði norður yfir heiðar. Ég, einn reyndasti blaðamaður landsins sakborningur, yfirheyrður og þess krafist að meðan ég tóri verði mér bannað að fara frjáls um Reykjavík og Garðabæ. Það heitir nálgunarbann. Þetta er atlaga að réttarríkinu. Hvorki ríkis- eða ríkramiðlar hafa tekið mál mitt upp, enginn þingmaður hefur gert það. Kröfu lögreglustjóra höfuðborgarsvæðisins Höllu Bergþóru Björnsdóttur var hafnað en 1984 er með okkur. Hugsanalögreglan er mætt …

Rússnesk árás á Moggann ...

Þetta er afar alvarleg árás á mitt gamla, góða & ástkæra Morgunblað. Það ber að fordæma. Ef marka má mbl.is þá stendur rússnesk mafía á bak við árásina. Spurningin er hvort rússnesk yfirvöld séu að baki. Ég hef ekkert fyrir mér í því en spurningin vaknar.

Ísland hefur gengið langt í að ögra Rússlandi og eitt Natoríkja skellti sendiráði sínu í Moskvu í lás og hefur fórnað hlutfallslega líklega meiri viðskiptahagsmunum en flest Natoríki. Nato með hinn seníla Biden sem leiðtoga hefur gefið Úkraínu leyfi til eldflaugaárása á Rússland. Árásir inn í Rússland hafa verið gerðar og eldflaugarásir, einkum Belgorod 25 kílómetra frá landamærum Úkraínu, svo og hryðjuverkið í Moskvu í vor.

Það er stigmögnun stríðsins og Nato er með 300 þúsund manna her í viðbragðsstöðu. Ísland er tvímælalaust framarlega á lista skotmarka. Ísland er í stríði við Rússland og hefur boðað 25 milljarða króna til vopnakaupa Úkraínu. Ísland er skotmark...

Hefnd Ívars Orra í héraði þegar hallaði á Alþingi ...

Valsarar og Blikar vita að Víkingur er með besta lið Bestu deildar. Þess vegna er hin mikla heift og öfund í garð Víkinga. Þess er hefnt í héraði þegar hallar á Alþingi. Dómarinn Ívar Orri Kristjánsson tók að sér að hefna þegar hallaði á Val á Hlíðarenda í 2-2 jafnteflinu. Þrjú stærstu atvik féllu öll með Val gegn Víkingi. Tvö gjafavíti til Vals, víti á Val sleppt. Sérstaklega var glórulaus gjafadómur hlutdrægs dómara í lok leiks. Gerspilltur er Ívar Orri. Í fyrra stöðvaði þessi sami Ívar Orri leik þegar Danijel Djuric var einn í gegn á markmann Breiðabliks. Þessi maður á ekki að dæma yfir höfuð. Svo einfalt er málið.

 

OFSÓKNIR, BLIKAR & KSÍ

Arnar Gunnlaugsson kveður ískalt á toppnum. Ég skil vel að Arnar tali um “fáránlega“ heift í umræðu um Víking. Það skilar sér inn á völlinn. Við höfum aldrei séð svona rugl áður. Ofsóknir Blika á hendur Danijel Djuric eru svartur blettur á öllu sem grænt er. KSÍ magnaði þá vitleysu. Rangstöðulykt var af marki Blika gegn Víkingi á dögunum án umræðu. Það hefur ekki  þótt henta. Kannski er mest ábyrgð Gumma Ben með tilfinningabræðing sem tryllir lýðinn og þegar upp verður staðið rústar fótbolta og þjóðfélagi. Hvað um yfirvegun og vandaða umræðu sem þroskar íslenskan fótbolta og samfélag? Hvar er formaður KSÍ eða er spillingin bara línan, Þorvaldur Örlygsson. Þjóðin er að yfirgefa kristnar rætur sínar og menningu, Valur séra Friðrik.

Íslenska lýðveldið, Snorri Sturluson & bræður sem berjast ...

Íslenska  lýðveldið fagnar 80 ára afmæli á stríðstímum undir kjarnorkuvá. Sumir segja jafnvel Endatímum Opinberunarbókar Biblíunnar, en getur verið að nú séu Ragnarök Völuspár þar sem bræður berjast í Austurvegi? Á Austurvelli mátti sjá hina djúpu gjá milli ráðamanna og þjóðar. Forsætisráðherra sem karl á kassa talaði fyrir stríði. Síðasti aldarfjórðungur hefur einkennst af endalausum styrjöldum Ameríku og Nato. Stríð Vesturlanda og Nato hófust með Kosovo-stríðinu og  loftárásum á Belgrad höfuðborg Serbíu árið 1999. Strax í upphafi 21. aldar var hafist handa um að sprengja fornar menningarþjóðir á steinöld; Afganistan, Írak, Sýrland, Lýbía, Sómalía, Yemen, Níger. Nú eru það Gasa og skærur Íran við Persaflóa. Fjölmargir stríðsglæpir svo sem Julian Assange hefur upplýst. Hörmulegt er stríð í Úkraínu sem hófst 2014 með árásum stjórnvalda í Kænugarði á hendur Rússum í Donbas og Luhansk og stigmagnaðist með innrás Rússa í A-Úkraínu 2022.

 

SNORRI & ÓÐINN

Við eigum Snorra Sturluson þjóðarvitund okkar að þakka og deilum sögu með Rússlandi allt til Ása-Óðins. Í Ynglingasögu Heimskringlu segir Snorri Sturluson [1179-1241] okkur frá höfðingja þeim er Óðinn var kallaðr sem bjó í Ásgarði í Ásheimi í Ásíá austan Tanakvíslar sem nú er Don. Austur af er Volgufljót, svo Óðinn kom hugsanlega frá eða í námunda við Volgograd. Þar var blótstaðr mikill þar sem dómr voru uppkveðnir. Óvinir Ása-Óðins urðu blindr, daufr og óttafullr. Óðinn tók sér bústað við Löginn í hinu fornu Sigtúnum í Svíþjóð hinni miklu, líklega að áliðinni fjórðu öld. Er það ekki magnað að Snorri Sturluson talaði svipað tungumál og Óðinn í Ásheimi sem nú er hluti Rússlands. Slavar stofnuðu Novgorad-Rus; Hólmgarð og kölluðu til konungdóms víkinginn eða væringjann Hrærek; Rúrik 862 AD. Frændi hans Oleg tók ríki eftir hann og stofnaði Kievan-Rus; Garðaríki um sama tíma og norrænir menn voru að nema land á Íslandi. Árið 980 AD í tíð Valdimars I voru Slavar orðnir alsráðir í Austurvegi. Íslendingar fögnuðu þúsund ára landnámi 1874, Rússar þúsund ára afmæli Rússlands 1862. Þjóðirnar eiga rætur  í eyðimörkinni með Móse. Við eigum Snorra skjaldarmerki okkar að þakka. Arfleifð Snorra Sturlusonar gaf sjálfstæðisbarátta forfeðra okkar styrk og þor til hlutleysis. Þeir neituðu að lýsa stríði á hendur öðrum þjóðum og stofnuðu friðarsetur á Höfða þar sem Gorbatsjov og Reagan hittust. Nú þekkja ráðamenn okkar lítt sögu Snorra Sturlusonar heldur hlaupa eftir sturluðum vestrænum lítilmennum með heilabilað gamalmenni Joe Biden í forsvari. Öllu stýrt að bakti luktum dyrum glóbalista sem stefna á heimsyfirráð. Ameríka nútíðar minnir hrörnun Sovétríkjanna.

 

BRÆÐUR MUNU BERJAST SEGIR VÖLUSPÁ

”Bræður munu berjast, og að bönum verða … mun engi maður, öðrum þyrma,” spáir Völuspá en jafnframt að “…böls mun alls batna … Sal sér hún[völvan] standa sólu fegra gulli þaktan á Gimlé.”  MestI sonur Íslands, Snorri Sturluson var veginn í Reykholti 1241 að skipan flugumanna Hákonar gamla í bandalagi við Gregoríus IX páfa. Vatikanið hafði kramið frumkristinn norskan sið í Niðarósi þegar Skúli jarl var drepinn ári áður og Osló varð höfuðsetur hins kaþólska Noregs. Um tuttugu árum síðar leið íslenska Þjóðveldið undir lok sem markaði niðurlægingu Íslands þar til frelsi vannst. Skelfilegar voru ofsóknir páfadóms á hendur frumkristnum Katörum í Suður-Frakklandi þar sem voru rætur Musterisriddaranna. Af hverju riðu hinir frumkristnu riddarar með Snorra á Alþingi 1217?

 

VATIKANIÐ GAF ÚT TILSKIPUN UM ÁRÁS Á ORTHODOX RÚSSLAND

Jafnframt gaf Vatikanið út tilskipun til Svía árið 1237 um að ráðast á orthódox Rússland, Novgorod; Hólmgarð en voru stöðvaðir af prins Alexender Nevsky í bardaganum við Neva-fljót 1240. Þýskir riddarar voru stöðvaðir í orrustunni á ísnum 1242 á Peipus-vatni skammt sunnan Pétursborgar. Orrustan lifir djúpt í rússneskri þjóðarsál. Norðurstríðið mikla 1700-1721 markaði ósigur Svíþjóðar sem stórveldis. Pétur mikli keisari reisti Pétursborg 1703, dómkirkjuna og klaustrið til heiðurs Nevsky prins. Svíar undir forystu Karl XII réðust inn í Rússland 1707 og stefndu til Moskvu en hröktust undan  rússneska vetrinum suður á bóginn og biðu ósigur 1709 við Poltova milli Kænugarðs og Kharkiv í A-Úkraínu. Þetta er ekki hægt að skálda.

 

NAPÓLEON, HITLER & JOE BIDEN

Napóleon galt sömuleiðis afhroð fyrir rússneska vetrinum í Moskvu 1812. Þýskaland nazista réðst inn í Rússland 1941 og stefndi til Moskvu en skriðdrekar Hitlers “frusu fastir” og orrustan um Stalíngrad tapaðist. Og nú leiðir hinn seníli Joe Biden enn eina atlögu Vesturlanda að Rússlandi. Slavar berjast í A-Úkraínu svo sem segir í Völuspá; bræður munu berjast. Lenín renndi Donbas og Luhansk inn í Sovét-Úkraínu við stofnun Sovétríkjanna. Slavar berast nú á banaspjót, Úkrar með vestrænum peningum og vopnum frá Nato gegn bræðrum sínum Rússum. Þetta er sem Dönum og Svíum væri att saman. Þetta er proxy-stríð, skugga-stríð Vesturveldanna gegn Rússneska lýðveldinu. Í Donbas eru 12 trilljón dollara sagðir bíða Black Rock og svo auðvitað yrði Rússland bútað í smærri ríki sem vestræn nýlenda. Hvað um að tala fyrir friði í stað þess að elta sturlaða glóbalstefnu Nato? Ísland á erindi við heiminn.

Af Alþingi, siðfræði lífs & dauða & sálarstríði barnanna ...

Í fyrsta kafla Barnalaga nr. 76/2003 er kveðið skýrt og skorinort á um að: “Barn á rétt á að þekkja báða foreldra sína.“ Stjórnarskrá, Mannréttindasáttmáli Evrópu og Barnasáttmáli Sameinuðu þjóðanna kveða sömuleiðis á um rétt barna til að þekkja uppruna sinn. Hér á landi er upplýst að tæknifrjóvgunarfyrirtækið Art Medica, nú Livio Reykjavík leyndi hjónin Gunnar Árnason og Hlédísi Sveinsdóttur heimtun 50 eggja. Nítján fósturvísum var stolið og stuldinum leynt í rúman áratug. Hjónin hafa rökstuddan grun um tilvist ellefu barna úr stolnum fósturvísum og hafa farið fram á dna-rannsóknir. LMG lögmenn sjá um að bera fólkið röngum sakargiftum til að koma í veg fyrir að börnin fái þekkt uppruna sinn, hugsanleg alsystkin og líf-foreldra.

 

Snorri Einarsson læknaforstjóri Livio í samtali við hjónin í ársbyrjun 2022 gaf til kynna að fósturvísunum kynni að hafa verið fargað enda “óskrifuð vinnuregla“. Það kynni að hafa verið skýringin á glötuðu fósturvísunum nítján hjá Art Medica þvert á samninga. Athygli lögreglu hefur verið vakin á þessu siðleysi sem verðskuldi lögreglurannsókn en yfirvöld sjá ekki, heyra ekki, aðhafast ekki.

 

SKÖMM ALÞINGIS OG RÍKISSTJÓRNAR

Í rúman áratug, 2012-2021 reyndu þingmenn að knýja í gegn um Alþingi lagabreytingu til að tryggja börnum sem getin eru með tæknifrjóvgun rétt til að þekkja uppruna sinn, síðast 2021. Einhverra hluta vegna hefur þingsályktunartiilagan þvælst fyrir þingmönnum frá 141. löggjafarþingi Alþingis 2012-13 og síðan 146. 147. 148. 149. 150. og 151. löggjafarþing án þess að fá framgang. Íslensk börn sem getin eru með tæknifrjóvgun eiga ekki sjálfstæðan rétt á upplýsingum um uppruna sinn, ólíkt Norðurlöndum og Bretlandi. Auðvitað verður íslenskt samfélag að leysa þetta erfiða mál en ekki sópa undir teppi.

 

“SIÐFRÆÐI LÍFS OG DAUÐA“

Í greinagerð með tillögunni á Alþingi 2020-21 er vitnað í bók Vilhjálms Árnasonar frá 2003 "Siðfræði lífs og dauða" þar sem er bent á að ekki megi ýta til hliðar brýnum hagsmunum barns að þekkja uppruna sinn. Fólk megi ekki lina eigin þjáningar á siðlausan hátt. Það skapi hættu á að farið verði að “...nota barnið sem tæki til að þjóna markmiðum foreldra en horft framhjá því að barnið er einstaklingur með sjálfstæð réttindi og hagsmuni.“ Með nafnleynd fósturgjafa sé brotið á rétti barns. Hafi barn þörf fyrir að fá upplýsingar um uppruna sinn en sé synjað geti því fylgt mikið “... sálarstríð og erfiðleikar.“ Er þetta nákvæmlega það sem gerst hefur hér á landi ... “Sálarstríð og erfiðleikar“ lagðir á herðar börnum af siðblindum foreldrum? Fyrir liggur að hylmt er yfir rökstuddan grun og sendiboðar erfiðra tíðinda ofsóttir; líf-foreldrar og blaðamaður.

 

PRAXÍS HINNA VOLDUGU

Þingmenn lögðu til “...að ráðherra leggi frumvarp fyrir Alþingi eigi síðar en í janúar 2021.“ Dómsmálaráðherra 2021 var Áslaug Arna Sigurbjörnsdóttir Magnússonar stjórnarformanns Morgunblaðsins á lögmannsstofunni Juris. Þar praktíserar formaður Lögmannafélags Íslands, Stefán A. Svensson sem í fósturvísamálinu hefur gætt hagsmuna Þorsteins Davíðssonar Oddssonar ritstjóra Morgunblaðsins. Áslaug lét af embætti dómsmálaráðherra 28. nóvember 2021. Við tók Jón Gunnarsson en þar situr nú Guðrún Hafsteinsdóttir.

 

LÖGREGLA KNÝR DYRA

Í nóvember 2023 fóru Gunnar og Hlédís fram á dna rannsókn á tveimur börnum Þorsteins Davíðssonar og Heiðrúnar Waage, séra Geirs í Reykholti. Kröfu hjónanna var svarað innan 48 vinnustunda með lögregluheimsókn þar sem lagt var hald á haglabyssu rjúpnaskyttunnar Gunnars sem í aldarfjórðung hafði farið til veiða. Oddviti íslenskra lögmanna röskur til verka og lögregla hlýðin. Haldlagning byssunnar var framlengd 8. maí 2024. Sama dag fékk blaðamaður á afmælisdag sinn kvaðningu lögreglu vegna kæru Evu LMG undirritaða 13. maí, fimm dögum síðar. Þetta er ómögulegt að skálda.

 

Á Alþingi ríkir þögn um rétt barna til uppruna. Á toppnum er hliðvörður Katrín Jakobsdóttir. Hún bauð Gunnari og Hlédísi í þrígang í forsætisráðuneytið til þess að ræða almennt um arkitektúr. Kári Stefánsson fékk EON arkitektastofu hjónanna til að teikna verðlaunahús sitt í Kópavogi ...

Krafan var að banna ferðir mínar í sjö póstnúmerum um aldur & ævi

Eva Bryndís Helgadóttir hjá LMG lögmönnum krafðist yfir mér “ótímabundins nálgunarbanns”. Það átti að þagga mig sem persónu og blaðamann, banna ferðir í sex póstnúmerum í Reykjavík & einu póstnúmeri í Garðabæ; samtals sjö póstnúmerum meðan ég skrimti. Ég var sakaður um “umsáturs-einelti“ á hendur fimm hjónum vegna fósturvísamálsins. Ég var sakaður um umsátur í samtals sjö póstnúmerum í Reykjavík og Garðabæ búandi á Akureyri! Þetta er ekki hægt að skálda. Það liggur fyrir að nítján fósturvísum hjónanna Gunnars Árnasonar og Hlédísar Sveinsdótuir var stolið. Lög voru brotin. Eva er verjandi fimm hjóna sem rökstuddur grunur er að tengist fósturvísunum. LMG hefur spunnið lygavefinn um fósturvísana. Í febrúar 2022 áttu hjónin fund með Snorra Einarssyni forstjóra Livio Rvk. Í apríl 2022 hóf LMG að gæta hagsmuna Livio Rvk, Livio AB í Svíþjóð og í framhaldi af því hjónin fimm! Ein lögmannstofa fyrir hina sakbitnu! LMG er miðvörður í vörn Art Medica og Livio. Í maí 2022 hófust ofsóknir Landspítalans og ári síðar offors lögreglu. Fyrir liggja falsaðar sjúkraskrár Landspítala og hylming Persónuverndar um lygavef spítalans fyrir hönd 44 lækna sem frömdu innbrot í sjúkraskrár, hylmingar þriggja saksóknarembætta og lögregluofbeldi. Þetta verður ekki skáldað.

 

EKKI LÖGMENNSKA – ÓMENNSKA ...

Eva Bryndís fékk lögreglu til að stimpla mig sakborning, senda lögreglumenn norður til að yfirheyra mig. Krafist var “ótímabundis ferðabanns“ yfir mér. Það lýsir ofsa og skorti á dómgreind. Þetta er ekki lögmennska, það er ómennska. Það er alvarlegt mál og ég  hlýt að leita réttar fyrir dómstólum. Ber að svipta konuna lögmannsréttindum? Á fimm mínútum hefði mátt leiða sannleika máls í ljós með einfaldri dna-rannsókn og málið dautt. En ekki Eva, nei aldeilis ekki Eva, aldeilis ekki LMG. Ausum karlinn aur og rægjum hjónin. Hvers lags lögmannsstofa tekur að sér svona skítamix.

 

HIÐ MAKALAUSA VINSTRA  MIX

Eva slitadrottning Byrs sparisjóðs færði eiginmanni sínum í Arctic Finance 55 milljarða þrotabú Byrs til að selja. Samstarfsmaður Ástráður Haraldsson nú ríkissáttasemjari var meðal stofnenda Arctic Finance, fékk 248 milljónir afskrifaðar af þrotabúi Glitnis 2011, barnsfaðir Svandísar Svavadóttur sonur þeirra inn í LMG. Dagur B. Eggertsson meðreiðarsveinn í fósturvísamálinu og náinn vinur, gerði Evu að oddvita kjörstjórnar í Reykjavík. Hvað segir það okkur?

 

Steingrímur J. Sigfússon var í fjármálaráðuneytinu þegar LMG lögmannsstofa Vinstri grænna fékk “hinn feita Byr bita“ 2010 sem kom hjónunum á græna grein um aldur og ævi. Arctic Finance er í turninum mikla við Höfðatorg og LMG er til húsa í Garðastræti 37 tæplega 700 m² 16 herbergja höll þar sem fjármálafyrirtækið Gamma var á síðasta áratug, þar áður Fíton og eitt sinn Síldarútvegsnefnd. Gerspilltir okkar tíðar maka krók og hreiðra um sig í glæsihöllum en drunur drynja svo 101 Reykjavík nötrar ...

Ráðherra talar sem vélbyssa fyrir stigmögnun stríðsins ...

Vesturlönd standa frammi fyrir ósigri í stríðinu í Úkraínu. Nato svarar með plani B sem er að bein þátttaka í stríðinu svo sem kort sýna og áréttar hversu langt austur Washington, Nato og Brussel eru komin í útþenslu sinni. Bandarískar hersveitir verða sendar eftir fimm leiðum austur á bóginn; “corridors“ eftir endilangri Evrópu. Hinn seníli Joe Biden hefur gefið Úkrum leyfi til árása á Rússland með amerískum eldflaugum sem er mikil stigmögnun og þýðir beina aðild Nato. Árásir hafa staðið yfir á Belgorod í Rússlandi skammt frá Kharkiv og dróni fór svo langt sem 1600 kílómetra inn í Rússland á dögunum. Margir spyrja hvort Heimstyrjöldin þriðja sé hafin. Alexander Mercouris á Duran telur að Úkraínustríðið mestu mistök Vesturlanda síðan Versaille-nauðungarsamninginn; Versaille Treaty í lok Fyrri heimstyrjaldar sem leiddi til Heimstyrjaldar síðari.

 

VALDARÁN CIA Í KÆNUGARÐI

Eftir valdarán CIA í Úkraínu 2014 mögnuðust fasískar þjóðernisofsóknir Kænugarðs á hendur Rússum í Donbass í A-Úkraínu og Ungverjum í V-Úkraínu; bannað að tala tungumál sitt. Rússar á Krímskaga gengu í rússneska lýðveldið. Stjórnvöld í Kænugarði hófu stríð á hendur rússnesku fólki í Donbass 2014. Rússar svöruðu með innrás í Úkraínu árið 2022. Friður var saminn í apríl 2022 en Boris Johnson stöðvaði friðarferlið. Friðarsamningar kenndir við Minsk 2014-15 voru brotnir. Í febrúar 2023 sagði Angela Merkel samningana til að vinna tíma til að vopnavæða Úkra. Hér eru sömu glóbalistar á ferð sem eru að taka yfir auðlindir Íslands, alveg eins og Blackrock og Big-Pharma í Úkraínu. Þeir áforma að búta Rússland í sundur og lama, sagan rímar.  

 

MALAR EINS & VÉLBYSSA

Við erum með utanríkisráðherra sem talar eins og vélbyssa fyrir stigmögnun stríðsins sendandi vopn sem gera það eitt að verkum að fleiri Úkrar og Rússar deyja. Þórdís Kolbrún Reykfjörð Gylfadóttir finnst sjálfsagt að útiloka Rússa frá friðarviðræðum. Dísa Reykás harmar að Kænugarður hafi ekki kjarnorkuvopn. Konan malaði vitleysu á yfirsnúningi á Bylgjunni fyrir helgi. Dísa Reykás gerir ekkert með hættu sem steðjar að íslenskri þjóð. Það hefur eitthvað hent konuna. Jóhanna Vilhjálmsdóttir gerði vel að spyrja gagnrýninna spurninga á Bylgjunni.

 

VATIKANIÐ & VÍG SNORRA STURLUSONAR

Ég hef sagt og segi enn að framganga Ríkisstjórnar Íslands og Alþingis eru svik við arfleifð Snorra Sturlusonar, sem árið 1241 var drepinn af útsendurum Hákonar gamla í bandalagi við Vatikanið sem kramdi Ísland og Noreg. Á sama tíma gaf Vatikanið út tilskipun til Svía um árásir á orthódox Rússland sem var hrundið í orrustunni á ísnum 1242; Peipusvatn suður af Pétursborg. Pétur mikli sigraði Svía í orrustunni við Poltova skammt frá Kænugarði árið 1709. Er hægt að skálda þetta? Svo mætti Napoleón í Moskvu 1812 og Hitler knúði dyra 1941. Nú árið 2024 knýr Biden dyra með stríði á hendur Rússlandi. Biden faldi ekki fasískar rætur sínar í hatursræðu í sjálfri Fíladelfíu 2022. Tími fyrir þjóð mína að vakna? Íslenskir ráðamenn eru óupplýstir kjánar, hef ég rétt fyrir mér ...

Þjóðfélagið snýst um að hylma yfir lygar lækna ...

Á minni tíð á Dagblaðinu, Morgunblaðinu, Sjónvarpinu og Stöð 2 um 20 ára skeið átti ég afburða samstarf við lögreglu- og lögmenn vítt og breitt um landið. Vegna einstakra tengsla og sambanda sem reist voru á trausti og trúnaði, fékk Ingvi Hrafn Jónsson mig á Sjónvarpið 1986 og Páll Magnússon síðar á Stöð 2. Þá voru miklir umbrotatímar á Íslandi. Við breyttum sjónvarpsfréttum. Ég var í fremstu víglínu frétta minnar tíðar heima í stofum fólks. Það brá mörgum lögreglu- og lögmönnum þegar ég varð sakborningur kærður fyrir “umsátur” héðan frá Akureyri. Fámenn klíka hefur farið offari í lögreglu- og dómskerfinu á hendur hjónunum Gunnari Árnasyni og Hlédísi Sveinsdóttur.

 

Þegar lögreglumenn komu norður til Akureyrar og yfirheyrðu mig 16. maí lýsti ég ástæðum þess sem ég hafði skrifað um fósturvísamálið. Á árunum 2008-2010 heimti Art Medica 50 egg, út frá þeim urðu til 29 fósturvísar. Tíu notaðir af Hlédísi, eftir stóðu 19 frystir fósturvísar sem hjónin höfðu ekki vitneskju um á annan áratug. Staðfest er að Art Medica hélt eftir fósturvísum þeirra hjóna sem var stolið. Rökstuddur grunur er um að líf-börn hjónanna séu nú stálpuð. Hjónin hafa leitað samstarfs um að upplýsa málið með einfaldri dna-rannsókn. Þau hafa sætt fádæma ofbeldi klíku sem hefur misbeitt löggæslu landsins.

 

ÓTÍMABUNDIÐ NÁLGUNARBANN!

Nálgunarbanni var skellt á hjónin í fyrra þar sem hin gerspillta Eva Bryndís Helgadóttir hjá LMG lögmönnum hefur stillt strengi. Hún krafðist “ótímabundins nálgunarbanns” yfir mér og hjónunum. Það átti að þagga mig og hefta ferðafrelsi blaðamanns um aldur og ævi fyrir upplogið umsátur frá Akureyri. Þetta er ekki hægt að skálda. Fyrir liggur rökstuddur grunur um misferli Art Medica, falsanir og ofstopi Landspítala, hylming Landlæknis, Persónuverndar, þriggja saksóknarembætta og lögregluofbeldi. Rökstuddar grunsemdir hjónanna hefði mátt afsanna á fimm mínútum með einfaldri dna-rannsókn og málið dautt. Ó, nei.

 

Nú vonandi er þessum fasa lokið að lögregla láti misnota sig. Rannsókn á hendur mér og hjónunum hefur verið hætt. Það eru tímamót þó klíkan muni ekki láta staðar numið. Landspítalinn falsar, blekkir og öskrar eins og ljón. Hjónin eru “…ógn við valdstjórnina.”  Þetta er sturlun. Læknamafían herðir róður. Mér blandast ekki hugur um það. Gervifrjóvgun er stórbísniss. Fósturvísir mun seldur yfir tuttugu milljónir á markaði í Evrópu. Hér fer Golíat gegn Davíð.

 

SJÁLFUR SÆTTI ÉG ÁRÁS LÆKNA

Fyrir tæpum átta árum sætti ég sjálfur árás lækna í líkama minn þegar þeir söguðu af viðbeini mínu að mér forspurðum. Það voru svívirðileg svik manna sem ég hafði treyst fyrir heilsu minni. Ég hafði brjóst-, kinnbeinsbrotnað svo og rætur framtanna í hjólaslysi 13 ára drengur og þeir söguðu af viðbeini mínu rúmum fimmtíu árum síðar. Þetta er ekki hægt að skálda. Meginsin axlar slitnaði frá festum og rifnaði. Undirliggjandi er afsagað viðbein; gat í líkama mínum. Enn eru erfiðir tímar. “Þið hafið opnað mitt Pandórubox,” sagði ég við lækninn. Hann hristi hausinn, laug öllu og fékk aðra til að ljúga, hylma og ég var rægður. Faðir minn og afi létust fáum dögum eftir magaaðgerðir. Sem syni hsím var mér neitað um krufningskýrslu. Læknar eru ábyrgðarlausir starfandi í myrkrinu.

 

Landspítalinn hagar sér með sama hætti í fósturvísamálinu. Eurostat hefur birt tölur sem sýna að frá því mRNA sprautun hófst vegna covid er umframdauði í Evrópu mestur á Íslandi: “… fjöldi Íslendinga mætir ótímabærum dauðdaga í mánuði hverjum,” skrifar Þorgeir Eyjólfsson á Heildarmyndina. Aldur þjóðar lækkar. Læknar fremja siðlausar aðgerðir á börnum; aflima drengi, fjarlægja móðurlíf stúlkna og fylla börn hormónablokkerandi ólyfjan. Þetta er ekki hægt að skálda. Við missum frelsi og heilsu nema læknar sæti ábyrgð og kemízkum lyfjarisum skellt í lás. Þjóðfélagið meira og minna snýst um að hylma yfir lygar lækna.

Lögreglan fellir niður rannsókn vegna "fósturvísamáls" ... kröfu um nálgunarbann vísað frá

LRH lögreglustjórinn á höfuðborgarsvæðinu hefur hætt sakamálarannsókn 007-2024-19975 á hendur mér sem og hjónunum Gunnari Árnasyni og Hlédísi Sveinsdóttur 007-2023-33528 með bréfi fimmtudag 30. maí sl. undirritað af Kristmundi Stefáni Einarssyni aðstoðarsaksóknara. “...Að virtum gögnum málsins er það mat lögreglustjóra að umfjöllun blaðamanns, Halls Hallssonar, verði ekki heimfærð undir refsiákvæði almennra hegningarlaga sem sæta kunna opinberri meðferð.“ Það verður að hrósa embættinu fyrir að afgreiða málið rösklega, lögreglumönnum sem að komu svo og saksóknara.

 

Mér bárust tíðindin síðdegis í gær, 1. júní. Tíðindin eru góð fyrir blaðamenn yfir höfuð en ég hafði verið kærður fyrir skrif mín fyrir brot á 232. grein hegningarlaga 19/1940, svokallað “umsáturs-einelti“, einnig 228. og 233. greinar.  Málatilbúnaður á hendur blaðamanni um einelti hafði hneykslað marga lögmenn. Lögreglan hefur sem sagt hætt rannsókn. Lögreglan í Hafnarfirði hafði hringt í mig á afmælisdag minn 8. maí og boðað til yfirheyrslna, fimm dögum áður en Eva Bryndís Helgadóttir LMG lögmönnum hafði undirritað kæruna, þann 13. maí. Hver sá kæru Evu Bryndísar fram í tímann? Var það sviðsstjóri ákærusviðs, María Káradóttir með sín nánu sambönd ... Þetta er ekki hægt að skálda.

 

NÝR SKILNINGUR LÖGREGLU

Tveir lögreglumenn komu norður og yfirheyrðu mig 16. maí, Stefanía Pálsdóttir og Grímur Thor Bollason Thoroddsen sem sýndu kurteisi á allan hátt. Ég útskýrði ástæður og forsendur fyrir skrifum mínum um “fósturvísamálið“.  Þessi kjarni málsins kemur nú fram í fyrsta skipti hjá lögreglu. Gunnar Árnason og Hlédís Sveinsdóttir hafi með bréfum til kærenda óskað eftir eftir því að “... börn kærenda gangist undir erfðafræðilega rannsókn. Kærðu [Hjónin] hafa haldið því fram að fósturvísum þeirra hafi verið stolið og notaðir í heimildarleysi af öðrum.“ Þessi afstaða lögreglu markar þáttaskil í málinu og er væntanlega sem kjaftshögg á Evu Bryndísi Helgadóttur hjá LMG lögmönnum og hjónin fimm sem kærðu mig. Hin ofurvirka Eve Bryndís er jafnframt lögmaður Livio í Svíþjóð. Atlagan gegn mér sem blaðamanni hefur vakið mikla athygli meðal lögmanna. Ég var með lögreglu- og dómsmál á Mogganum. Ég breytti sjónvarpsfréttum Sjónvarps 1986 og síðar Stöðvar 2 þegar ég átti einstakt samstarf við lögreglu- og dómsyfirvöld og naut mikils trausts.

 

ART MEDICA/LIVIO RVK Á RADAR LÖGREGLU

Art Medica er nú Livio Reykjavík í eigu Livio AB út frá Karolinska sjúkrahússins í Stokkhólmi, Livio AB í eigu evrópska risans GeneralLive í eigu Kohlberg Kravis Roberts á Wall Street “eitt af fimm topp hlutabréfafirmum heims; one of top five equity firms globally.“ Art Medica er á radar lögreglu. Þetta hlýtur að valda skjálfta á Wall Street sem víða um heim, alþjóða fjölmiðlar skoða og spyrjast fyrir grein mína; Nítján fósturvísum stolið og sett í móðurlíf kvenna-elítu og staðgöngumæðra; Nineteen embryos stolen to the advantage of elite-women involving surrogates. Kári Stefánsson Íslenskri erfðagreiningu í eigu Amgen eins stærsta lyfjarisa heims. Björgólfur Thor Björgólfsson fyrstur Íslendinga á lista Forbes yfir ríkustu menn heims. Sigurður Gísli Pálmason Ikea á Íslandi. Svo eru auðvitað Katrín Jakobsdóttir, Dagur B. Eggertsson og Davíð Oddsson.

 

OPINBER RANNSÓKN FARI FRAM

Það hefur skapast forsenda fyrir opinberri rannsókn á “ fósturvísamálinu“ sem raunar verður að fara fram. Ríkissaksóknari getur fyrirskipað slíka rannsókn. Hins vegar er framganga Landspítalans ekkert minna en kolsvört, ofsóknir á hendur hjónunum sem sökuð eru um “...brot gegn valdstjórninni“. Landspítalinn falsaði sjúkraskrár 2016. Sú fölsun var afhjúpuð af uppljóstrara í október 2020 þegar sjúkraskrár 2012-2020 bárust hjónunum og í ljós komu á fjórða þúsund innbrot. Enn þann dag í dag heldur Landspítalinn leyndum sjúkraskrám 2008-2011 þvert á lög. Sjúkraskrár eru í eigu fólks. Þvert á lög gaf Landspítalinn út nokkurs konar tilskipun til Persónuverndar um að “sýkna“ 44 lækna fyrir á fjórða þúsund innbrot í sjúkraskrár Hlédísar Sveinsdóttur. Læknar sem höfðu aldrei heimild til að fara inn í sjúkraskrár. Það voru skýlaus brot á persónuverndarlögum. Jafnframt synjaði Persónuvernd börnum um vitneskju um uppruna sinn. Viku eftir að Umboðsmaður Alþingis hóf að grennslast fyrir um ákvörðun Persónuverndar fór Helga Þórisdóttir í forsetaframboð og gaf þjóðinni fingurinn.