"Það verður allt vitlaust í þjóðfélaginu."

Um árabil leituðu Gunnar Árnason og Hlédís Sveinsdóttir eftir að fá sjúkraskrár sínar afhentar frá Landspítalanum eftir að gangast undir tæknifrjóvgun á árunum 2008-2010. Svo dag einn bárust sjúkraskránar á tölvukubbi sendar af uppljóstrara. Í ljós komu ólögleg innbrot í þúsundavís. Læknar og læknanemar höfðu brotist inn í sjúkraskrárnar. Hjónin kærðu innbrotin. Þau fengu fund með Ölmu Möller landlækni. Hjónin hófu að skýra frá skránum og tóku doðrantana upp úr skjalatösku. Landlæknir spratt úr sæti sínu, augljóslega í sjokki og freistaði þess að ná skránum af þeim hjónum. Þau héldu nú ekki. “Það verður allt vitlaust í þjóðfélaginu,“ stundi landlæknir í uppnámi. Hjónin lögðu áherslu á að embættið sinnti kæru þeirra og upplýsti málið. Það gerðist auðvitað ekki. Landlæknir skipaði sér í sveit elítunnar; hliðvarða sem hafa þagað og þaggað málið öll þessi ár. Hjónin hafa nú valið á annan tug lækna úr hinum stóra hópi til þess að fá skýringar. Þeir eru á fresti að svara. Landspítalinn ofsækir hjónin. Landspítalinn telur sér ógnað, hjónin séu að brjóta gegn valdstjórninni. Gunnar & Hlédís sæta einelti og ofbeldi ósvífinnar valdaklíku.

 

FRÚ KATRÍN HLIÐVÖRÐUR

Forsætisráðuneyti Katrínar Jakobsdóttur er í fremstu röð hliðvarða. Nátengdur ættingi forsætisráðherra stal fósturvísi sem nú er líf-barn hjónanna sem krefjast DNA rannsókna sem enga stund tekur og tekur af allan vafa og málið úr sögunni, en nei aldeilis ekki. Gunnar og Hlédís reka virta arkitektastofu Eon. Þrisvar boðaði frú Katrín grunlaus hjónin til funda og bar fyrir sig starf þeirra á sviði arkitektúrs. Hjónin voru ánægð með upphefðina en áttuðu sig síðar á því að Kata wef-litla var í veiðiferð. Frú Katrín tekur þátt í að hylma yfir þjófnað á fósturvísum; stolnum börnum. Nú hefur frú Katrín boðið sig fram til embættis forseta Íslands. Morgunblaðið rifjaði upp í viðtali við frú Katrínu í vikunni að hún hefði viljað leggja Icesave-fjötrana á þjóðina á sínum tíma. Af því tilefni lýsti frú Katrín því yfir að hún hygðist “...fara varlega í beit­ingu mál­skots­rétt­ar­ins.“ Frú Katrín verður aldrei öryggisventill á Bessastöðum. Frú Katrín mun sitja friðhelg á Bessastöðum ofar lögum og rétti, aldrei saksótt fyrir aðild að alvarlegasta sakamáli Íslandssögunnar.

 

Kata who-litla vill deyða fullborið barn. Frú Katrín vill svipta barn rétti til lífs. Hversu vont er það? Hún hefur sent milljarða í stríðið í Úkraínu þar sem elítan þvær peninga, þau vilja ekki frið, alls ekki frið. Enginn veit hvert peningarnir fara. Nú fara reglulega 300 millur til Tékklands til að kaupa "íslenskar byssukúlur." Spáið í crypto-veskin; crypto-wallet hið órekjanlega peningaþvætti, greiðslumiðlun elítunnar þar sem lagt er inn á reikninga og enginn fær vitað eitt né neitt. Frú Katrín talar fagurgala en þjónar myrkrinu.

 

ÞJÓÐIN VERJI LÝÐVELDIÐ

Á næstu árum koma til afgreiðslu stór mál sem varða fullveldi Íslands afar miklu; alræðisvald WHO á farsóttartímum, bókun 35 evrópsk lög rétthærri íslenskum lögum og orkupakki 4 leiðir af sér einkavæðingu Landsvirkjunar og sæstreng. Katrín who-litla mun standa með hinu alþjóðlega elítuvaldi gegn þjóðinni, eins og Jón Gnarr, Baldur & Felix og Höllurnar tvær. Framtíð íslenska lýðveldisins; menning og tunga eru að veði. Á Bessastöðum verður að sitja forseti sem ver þjóðina og vísar málum til þjóðarinnar svo fólkið í landinu fái varið lýðveldið. Þjóðin verður að hafa síðasta orð, valdið í sínum höndum. Það er ögurstund.

Nítján fósturvísum stolið & sett í móðurlíf kvenna elítu & staðgöngumæðra

Hjónin Gunnar Árnason viðskiptafræðingur og Hlédís Sveinsdóttir arkitekt gengust á árunum 2008-2010 undir tæknifrjóvgun hjá fyrirtækinu Art Medica sem nú heitir Livio Reykjavík í eigu Livio AB út frá Karolinska Institute í Svíþjóð. Eggheimtur voru þrjár og út frá þeim komu 50 egg og frá þeim 29 fósturvísar tilbúnir til uppsetningar í móðurlíf. Hjónin notuðu 10 fósturvísa en þeim lánaðist ekki barn. Eftir stóðu 19 frystir fósturvísar í vörslu fyrirtækisins sem hjónin höfðu ekki vitneskju um á annan áratug. Með öðrum orðum var fósturvísum – ófæddum börnum – stolið frá þeim hjónum sem þannig eru líf-foreldrar barna „út í bæ“. “Ófæddum börnum okkar var stolið,“ skrifar Gunnar 9. apríl sl. á fb. “Öllu sem var stolið skal skilað,“ skrifar Hlédís. Hjónin hafa birt færslur um þetta ótrúlega mál á Facebók. Í einhverjum tilvikum voru fengnar staðgöngumæður sem útaf fyrir sig er ólöglegt.

 

Meðfylgjandi mynd á fb er af Gunnari og Hlédísi þegar þau voru gefin saman í hjónaband 2009 af Erni Bárði Jónssyni. Tvö elstu börnin voru þá rúmlega þriggja mánaða gömul. Á árinu 2010 bættist við þriðja barnið og síðan heill hópur barna árið 2011 sex talsins og tvö börn eftir það; samtals 11 börn eins og horfir við þeim í dag.

 

GRUNLAUS Í RÚMAN ÁRATUG

Í rúman áratug voru Gunnar og Hlédís grunlaus um að fiskur væri undir steini. Þann 21. desember 2021 vatt uppljóstrari sér að Gunnari á götu úti, nánar tilgreint á Kárastíg í Reykjavík. Táknrænt? Hann rifjaði upp á tveimur mínútum tilraunir þeirra hjóna til að eignast barn á árunum 2008-2010. Viðkomandi vissi allt um mál þeirra og spurði í lokin hvort Gunnar vissi að lögbrot hefðu verið framin. Að þvi loknu hvarf uppljóstrarinn á braut. Gunnar stóð eftir sem þrumu lostinn án þess að hafa mælt orð. Í ársbyrjun 2022 fengu þau hjón lögfræðifirma í Bandaríkjunum til ráðgjafar sem sérhæfir í tæknifrjógvunarmálum, sem og innlenda ráðgjafa.

 

KÆRUR LAGÐAR FRAM

Gunnar og Hlédís lögðu  fyrst fram kærur á hendur tvennum hjónum sem vissu hvort af öðru. Sú tala fór í sex og hefur vaxið. Kærur sem lagðar hafa verið eða verða fram lagðar til þess að fá úr skorið með rannsókn hvort Gunnar og Hlédís séu líf-foreldrar barnanna. Staðfest er í einu tilviki að svo er. Börnin eru á aldrinum 9-15 ára. Hörð og ofsafengin andstaða er meðal hinna útvöldu við að upplýsa líf-foreldra barnanna. Réttur barns til að þekkja uppruna sinn er mjög ríkur að lögum.

 

INNBROT Í SJÚKRASKRÁR

Út úr myrkrinu hefur komið í ljósið mesta spillingarmál Íslandssögunnar þar sem með skipulögðum hætti og með kúgunum hefur verið hylmt yfir stuld á fósturvísum barna sem nú eru flest á unglingsaldri. Ólögleg innbrot voru framin í sjúkraskrár þeirra hjóna í þúsundavís á Landspítalanum, einnig innbrot frá líknardeild. Nákvæm skrá liggur fyrir um lögbrotin, íslenskir læknar og læknanemar hafa verið að verki, meðal annars í Ungverjalandi. Gunnar og Hlévís krefja á annan tug lækna útskýringa og bíða svara. Hjónin segjast hafa fengið gögn sem séu óvéfengjanleg og hægt að leggja fyrir dóm. “Þetta eru sönnunargögn í fyrsta flokki. Það er rökstuddur grunur núna um að það hafi orðið til börn, okkar börn úr þessum fósturvísum sem gufuðu upp í meðferðinni og engin viðhlítandi skýring hefur fengist á,“ sögðu þau í samtali við Mannlíf í maí 2022. Síðan hefur mikið vatn til sjávar runnið.

 

Til hvers innbrot í sjúkraskrár? Hvers vegna voru fósturvísarnir eftirsóttir? Staðgöngumæðrun er ólögleg. Landspítalinn telur sér ógnað og þau hjón brjóta gegn valdstjórninni og hefur tilkynnt lögreglu “vegna alvarleika máls.“

 

ELÍTA UTAN OG OFAN VIÐ LÖG

Elíta sem telur sig utan og ofan við íslensk lög tengist foreldrum líf-barna Gunnars og Hlédísar. Spunninn hefur verið vefur yfirhylminga, höfð í frammi ofsakennd viðbrögð og hótanir. Eftirtaldir aðilar hafa hylmt yfir lögbrotin og beitt ofríki: Art Medica nú Livio Reykjavík, Livio AB út frá Karolinska Institue, forsætisráðuneytið, heilbrigðisráðuneytið, dómsmálaráðuneytið, Landspítali, Landlæknir, Ríkislögreglustjóri, Lögreglan á höfuðborgarsvæðinu, ákærusvið, Héraðsdómstóll Reykjaness, Ríkissaksóknari, sérstakur saksóknari, Biskup Íslands, Viðskiptaráð, LMG Mandat lögmannstofa Vg. Ríkissáttasemjari Ástráður Haraldsson – fyrrverandi eiginmaður Svandísar Svavarsdóttur – er stofnandi ásamt Evu Bryndísi Helgadóttur, Persónuvernd Helgu Þórisdóttur forsetaframbjóðanda og öflugustu fjölmiðlar landsins. Fólk á æðstu stöðum: Katrín Jakobsdóttir forsetaframbjóðandi, Davíð Oddsson ritstjóri, Kári Stefánsson ÍE og Dagur B. Eggertsson þá borgarstjóri, hafa beitt sér til varnar fólki sem í leyfisleysi – stal –  fósturvísum og eignaðist líf-börn Gunnars og Hlédísar.

Krist-fóbía rithöfundar ...

Grein mína í Morgunblaðinu fyrir sjö árum nefndi ég "Krist-fóbíu rithöfundar." Guðmundur Andri Thorson rithöfundur og alþingismaður hefur haldið því fram að kristin trú sé líkt og Íslam "...trénað og inntakslaust hugmyndakerfi." Hann er frjáls að skoðun sinni en ég bar saman ferilskrá guðleysingja og kristni.

Guðleysingjar 20. aldar skildu eftir sig sviðna jörð helsis í Sovétinu, stærsta fangelsi mannkynssögunnar sem hrundi 1991. Þessari bábylju hefur ættbogi GAThorson fylgt um langan aldur. Guðlausir trúa að manneskjan komi úr myrkinu þar sem ekkert er og hverfi til myrkursins þar sem ekkert er. Þessi furðusiður hefur ríkt á Íslandi síðustu 10-15 ár, raunar tekið yfir Vesturlönd. Þeir bera vísindi fyrir trú sinni þvert á vísindalegar þekkingu um lífi í ljósi. Þeir stefna að því að leggja af vestræna siðmenningu frelsis og lýðræðis. Hnignun vestrænnar siðmenningar og íslenskrar þjóðar blasir við okkur öllum. Guðleysi er skrepphyggja.

Kristin trú er lifandi samfélag við kærleika og náð Drottins í gegn um Jesú Krist; líf í ljósi tengir okkur við kærleika Drottins, sterkasta afl alheims. Þetta hef ég rakið með færslum að undanförnu. Þennan kærleika hafa menn upplifað á öllum tímum frá því Kristur gaf líf sitt á krossinum svo við mættum lifa.

Ég birti mynd af greininni á facebók

Af von og lygi langömmu frú Katrínar & nöldri Guðna Th...

Guðni Th. Jóhannesson fráfarandi forseti ávarpaði þjóðina í kjölfar ríkisráðsfundar ráðuneytis Bjarna Benediktssonar eftir útgöngu Katrínar Jakobsdóttur úr Stjórnarráðinu. Guðni Th. forseti Íslands stillti upp mynd af langömmu Kötu litlu til hliðar við sig. Langamman frú Theódóra Thoroddsen [1863-1954] var húsfreyja á Bessastöðum um þar síðustu aldamót 1899-1908. Af hverju stillti Guðni Th. myndinni upp á þessari sögulegu stund fyrir alla að sjá en aðeins útvalda að skilja? Á landinu bláa gefur elítan fyrirmæli á táknmáli til innvígðra og innmúraðra. Kremllógía var það nefnt í Sovétinu forðum þegar elítan tók sér stöðu á Kremlarmúrum á degi verkalýðsins. Hverjir voru undir náð og hverjir höfðu fallið í ónáð ... Myndin af langömmu var til merkis um uppgjöf en jafnframt gremju.

 

Frú Theódóra var gift Skúla Thoroddsen [1859-1916] fyrrverandi alþingismanni og sýslumanni á Ísafirði. Skúli var leystur frá störfum fyrir vestan eftir þungar sakir. Þau áttu þrettán börn. Thoroddsenar eru stór ætt innvígðra sósíalista. Sonur þeirra var í sendinefnd kommúnista í Moskvu 1964 sem kom út með tilskipun Brezhnevs um nei við álverinu í Straumsvík.

 

VON LYGI & NÖLDUR

Frú Katrín Jakobsdóttir hefur um árabil stefnt á forsetaembættið sem fulltrúi elítunnar svo Guðni Th. varð að víkja. Fyrir rúmum fjórum árum 1. janúar 2020 þegar Guðni Th. sóttist eftir endurkjöri, vitnaði hann í kvæði frú Theódóru með sérkennilegum hætti:

 

Gleðisjó geyst ég fer / þó sorg gutli und kili.

Vonina læt ég ljúga að mér / og lifi á henni í bili.

 

 “Vísan er athygli verð,“ sagði Guðni Th. í ávarpi sínu og hélt áfram. “Nöldur yrði illa séð í þessari ræðu, satt er það, en værum við betur sett með loftkastala og skýjaborgir? Liggur ekki beinast við að varast glansmyndir, ofmat og dramb en leyfa sér engu að síður að líta til framtíðar með von í augum og þor í anda?“ Svo mörg voru þau orð. Hvernig bar að túlka táknmálið ... Hver gat litið til framtíðar með von í augum ... Af hverju tilvísanir um glansmyndir, ofmat og dramb ... Hvað hafði gengið á? Það vita þau tvö, Kata who-litla-wefaranna-í-Davos og Guðni með buffið.

 

Það kom sem þruma úr heiðskíru lofti um áramótin síðustu að Guðni Th. hygðist hætta. Fyrir nýársdag barst tilkynning á Bessastaði þess efnis að Guðni Th. yrði að víkja fyrir Kötu who-litlu-wefaranna-í-Davos svo hún mætti verða húsráðandi á Bessastöðum. Sósíalískur feministi lætur ekki kalla sig húsfreyju, hárreisti í ráðuneytinu stöðugt háværara. Af hverju nöldraði Guðni Th. ekki um skýjaborgir, loftkastala, glansmyndir, ofmat og dramb. Guðni Th. varð að víkja hvort sem honum líkaði betur eða verr og nöldur hefði verið illa séð af elítunni. Myndin af frú Theódóru er hefnd en hvað er það í fortíð Guðna Th. sem fékk hann til þess að hlýða ...

Og þá kom vonda drottningin ...

Katrín Jakobsdóttir er fædd 1976. Krónprinessan tók við hinu víðfeðma  mennta- og menningarveldi þrjátíu og þriggja ára gömul. Árið var 2009. Strax í upphafi ferils kom Katrín í bakið á íslenskri þjóð þegar ESB umsókn var lætt inn bakdyr. Það voru söguleg svik. Ári síðar horfði hún blákalt í augu þjóðar og sagði “Já“ við illræmdum Icesave-samningi, enn og aftur “Já“ 2011. Svikin greipast í sögubækur. Árið 2013 hrökkluðust Steingrímur og Jóhanna til Jötunheima undan reiði þjóðarinnar. Katrín var krýnd á Bessastöðum 2017. Silkitungan stekkur nú af bátskel Vg á leið út af þingi. Hún er sérstakur fulltrúi wefaranna í Davos sem boða að við verðum svipt eignum; own nothing and be happy. Hún er sérstakur who-sendiherra, stefnir á alræði WHO á farsóttartímum, lýgur um hamfarahlýnun og skattleggur andardrátt til þess að lauma skattfé okkar í vasa elítu baki luktum dyrum dulins valds. Kata who-litla og Gulli græni undirbúa vindmyllurgarða vítt og breitt um landið eina helstu svikamyllu wefaranna í Davos. Vindmyllur sem nema tugþúsundum fótboltavalla. Auðkýfingur kenndur við Rottuklett hvergi á fasteignaskrám hefur sölsað undir sig yfir 40 jarðir á Norð-Austurlandi sem nema sautján Þingvallavötnum að stærð ...

 

KYNSYSTUR SVIKNAR

Kata who-litla er í bandalagi við hina ríku og voldugu. Ríkisstjórn og Alþingi samþykktu leynisamninga við lyfjarisa í upphafi covid um mRNA sprautur sem leitt hafa hörmungar yfir þjóðina. Big-Pharma firrt ábyrgð. Umframdauða á Íslandi, einum hæsta í Evrópu er haldið leyndum, tíðahringir þúsunda kvenna skaddaðir, ófrískar konur sprautaðar fóstur deyja, hvers kyns illvígir bráða sjúkdómar sem faraldur. Kata who-litla hlustar ekki á neyðaróp kynsystra né þjóðar fremur en aðrir vestrænir leiðtogar sem öllu ljúga. Lagt er á börn að velja kyn í nafni guðlauss sannfæringafrelsis óháð vísindalegri þekkingu, börn kynvædd í leikskóla og grunnskóla, drengir aflimaðir og geldir, móðurlíf stúlkna fjarlægð, líf lögð í rúst. Kata talar fagurgala um íslenska tungu en stefnir að kynlausu hrognamáli. Kata hóf þá vegferð að taka Jesú Krist frá börnum og skipta um þjóð í landinu. Hömlulaust er innstreymi hælisleitenda sem hatast við kristna siðmenningu. Kata who-litla kinkaði kolli þegar múslimar lögðu undir sig Austurvöll og svívirtu styttu Jóns Sigurðssonar undir palestínskum fána í litum Vg.

Sérstakt áhugamál Kötu who-litlu er frumvarp til laga um hatursorðræðu í anda skosku Nicole Sturgeon sem sendi transkarla inn í kvenfanglesi þar sem konum var nauðgað. Haturslöggjöf Sturgeon tók gildi 1. apríl svo nú er helsta umræðuefni í Skotlandi hvort J.K. Rowling skapari Harry Potters gagnrýnandi trans-væðingar verði handtekin og varpað í sjö ára fangelsi. Kata who-litla vill heimila fósturdráp í móðurkviði án tímamarka, börn komin að fæðingu líflátin. Því ákafar sem Katrín Jakobsdóttir geiflar sig og baðar út öngum því stærri er lygin sem hún ber á borð fyrir þjóðina jafnan svartklædd eins og vonda drottningin í ævintýrinu. “Þá kom vonda drottningin ... drottningin ... drottningin...“

 

STYRJALDIR & SUNDRUNG

Forfeður okkar hétu hlutleysi, neituðu að lýsa stríði á hendur öðrum þjóðum, hingað komu leiðtogar stórvelda til funda, friðarsetur á Höfða, friðarsúla John Lennon tendruð. Allt nú merkingarlaust. KEF er Nato-herstöð, kjarnorkukafbátar lóna úti fyrir Helguvík, B-2 hervirki í lágflugi sem váfuglar yfir Reykjavík, P-8 þotan sem sveimaði yfir Nordstream fór frá Nato-Kef, mesta mengunarhryðjuverk sögunnar. Til Úkraínu eru sendir milljarðar í “skuggastríð“ og nú "íslenskar byssukúlur".

 

ARFLEIFÐ SNORRA STURLUSONAR

Kata who-litla og Alþingi svíkja arfleifð Snorra Sturlusonar með “skuggastríði“ Nato á sögusviði skáldjöfursins í Ynglingasögu Heimskringlu. Óðinn hélt frá Ásgarði í Ásheimr austan Tanakvíslar sem nú heitir Don sem lygn streymir í Svartahaf. Fyrir austan Tanakvísl í Ásíá er hið mikla fljót Volga sem streymir í Kaspíahaf. Þar reistu Æsir Ásgarðr þar sem nú er Rússland. Snorri Sturluson var veginn af útsendurum Hákonar gamla í bandalagi við Vatikanið í tíð Gregoríusar IX páfa. Frumkristinn siður hafði verið kraminn og marserað austur á bóginn gegn orthódox sið. Klukkan glymur þjóðníðingum sem svíkja arfleifð fremsta sonar Íslands. Þau framselja fullveldi, orku og fiskimið í bandalagi við sömu öfl sem af níðingsskap drápu Snorra í Reykholti 1241. “Sagan rímar,“ sagði Mark Twain. Vituð ér enn eða hvat þau áforma? Hér er spáð að fari svo ólíklega að Kata who-litla verði kjörin, muni hún hrekjast frá Bessastöðum forsmáð og ærulaus. Þungr verðr dómr hennr.

Í minningu Matthíasar Johannessen

Matthías Johannessen var fremstur og áhrifamestur íslenskra blaðamanna 20. aldar. Hann hóf blaðamennsku 1951 varð ritstjóri 1959 og skilaði Morgunblaðinu áhrifamestu íslenskra dagblaða á pari við vestræn stórblöð við lok aldamótaársins 2000 þegar Ísland hélt út á ólgusjó nýrrar aldar. Ég hóf störf á Morgunblaðinu 1979, hafði átt því láni að fagna að vera meðal stofnenda  Dagblaðsins 1975 með föður mínum Halli Símonarsyni hsím, Jónasi Kristjánssyni og fleira góðu fólki. Þegar mér stóð til boða að fara á Moggann sagði hsím umsvifalaust; stökktu. 

Það var gæfuspor að fara á Morgunblaðið og vinna með Matthíasi og Styrmi heitnum Gunnarssyni ásamt afburðafólki sem  skóp blaðið frá degi til dags. Enginn einn maður hefur haft jafn mikil áhrif á mig og Matthías. Hugleiðingar hans á ritstjórnarfundum voru brunnur djúprar visku og speki. Ég nam hvert orð og geymdi í hjarta mínu. Ég átti mína fingurbrjóta, skrifaði viðtal sem stóð engan veginn undir kröfum. Sem betur fer þá fór það ekki í gegn því sívakandi Matthías sá áður en blaðið fór í prentun. Árni Jörgensen kom til mín og kvað Matthías miður sín eftir að hafa lesið ósköpin. Mér var brugðið og hét sjálfum mér að bregðast Matthíasi aldrei aftur, aldrei. Ég tók sjálfan mig í gegn. Matthías mótaði mig sem blaðamann, kenndi mér að rýna og greina. Ég vann náið með ritstjóra mínum fréttir um "októberdrengina" á Akureyri; tengsl hangikjöts og sykursýki. Eftir það var ekki litið til baka.

Ferill minn á Mogganum varð farsæll. Þegar gerð voru mistök þá undanbragðalaust voru þau leiðrétt fyrir fólkið í landinu að sjá. Sannleiksandi Matthíasar var óskeikull kompás okkar allra. Guð blessi minningu Matthíasar Johannessen. Ég votta fjölskyldu innilegar samúðarkveðjur.

Hallur Hallsson

Morgunblaðið 04.04 2024.

Af trúði, kóngi og forseta Íslands

Trúður verður ekki kóngur

þó í höll  flytji.

Höllin verður að sirkus.

     Tyrkneskur málsháttur.

 

Ef við skiptum kóngi fyrir forseta og höll fyrir Bessastaði þá gæti málshátturinn hljóðað: "Trúður verður aldrei forseti og Bessastaðir verða að sirkus." Ég hygg að þjóðin sé einhuga um að ekki sé rétt að trúður geri Bessastaði að sirkus. Þetta álitaefni á við um forsetaframboð Jóns Gnarr sem verður að fá svar við. Hvað verður um trúðinn? Hann fer á hilluna, svarar Gnarr væntanlega. Ok. Sagt er að forseti geri fátt eitt annað en sitja veislur. Þá er annað álitaefni uppi. Er Jón Gnarr hæfur til annars en að halda veislur fyrir vini og fína fólkið?

 

KROSS Á BESSASTAÐAKIRKJU?

Jón Gnarr var borgarstjóri 2010-2014. Það var sagt að “skuggastjóri“ Jóns Gnarr væri baki luktum dyrum Ráðhússins. Allir vissu en enginn nefndi. Það var Degi ljósara hver um valdatauma hélt. Jón Gnarr lofaði reykvíkingum ísbirni í Laugardal. Hann stóð ekki við loforð sitt. Gnarr átti til að gnarrast í reykvíkingum. Verður meira að marka loforð nú? Hann  kveðst ætla að sinna starfi forseta af auðmýkt með styrk Guðs og manna. Er hann tilbúinn að taka vindhana Guðna Th. niður og setja upp kross á Bessastaðakirkju? Þannig sýna meir en þúsund ára kristnum sið virðingu...

GNARR & ICESAVE

Ólafur Ragnar Grímsson forseti [1996-2016] vísaði Icsesave til þjóðarinnar þegar Gnarr sat í embætti. Jón Gnarr hlýddi pólitískri klíku “skuggastjóra“ síns gegn þjóðinni. Gnarr sagði “já“ við Icesave. Jón Gnarr kvaðst vilja kjósa Icesave í burtu [með því að senda þjóðinni allt að 500 milljarða króna reikning] því ESB-umsóknin gæti runnið út í sandinn og ríkisstjórn Jóhönnu Sigurðardóttir félli sem gnarr kvað hafa “...grafalvarlegar afleiðingar fyrir þjóðina.“ Það  var vont. Forseti þarf ávallt að vera tilbúinn að taka á erfiðustu málum af hlutlægni og víðsýni; stjórnarkreppum og málsskotsrétti forseta. Getur Jón Gnarr einlæglega sagt að hann sé hæfur?

Svik lýðveldis okkar tíðar við arfleifð Snorra Sturlusonar ...

Lýðveldi okkar tíðar er að svíkja arfleifð Snorra Sturlusonar [1179-1241] sem var veginn í Reykholti 23. september 1241. Atburður sem markaði upphaf endloka Þjóðveldisins. Líklegt er að litið verði á stjórnmálaelítu okkar tíðar sem þjóðníðinga sem fara með stríði á sögusviði skáldjöfurins í Austurvegi og selja fullveldi lands, þjóðar og auðlindir. Hákon gamli Hákonarson [1217-1267] í bandalagi við Vatikanið í Róm Gregoríus IX páfa [1227-1241] sendi flugumenn til þess að drepa Snorra Sturluson eftir að hann hafði farið út til Íslands; Út vil ek. Hákon gamli hafði látið drepa Skúla jarl Bárðarson árið 1240 þegar jarlinn hraktist út úr brennandi klaustrinu í Niðarósi. Þar með var bundinn endir á borgarastríð Birkibeina og Bagla. Frumkristinn norskur siður með höfuðsetur í Niðarósi hafði verið kraminn. Kaþólskt vald gerði Osló að miðstöð sinni. Á 13. öld lagði Vatikanið undir sig Noreg, Ísland, Kelta og framdi fjölamorð á Köturum í Pýreneafjöllum.

 

KAÞÓLSK HERFÖR GEGN ORTHÓDOX SIÐ

Jafnhliða gaf Vatikanið blessun sína um sænsk kaþólska herför til þess að brjóta undir sig Rússland og orthódox sið þeirra. Atlögunni var hrundið 1240 af Rússum undir forystu Alexander Nevsky prins. Árið 1242 var komið að kaþólskum riddurum í Orrrustunni á Ísnum á Peipus-vatni fyrir sunnan Pétursborg milli Eistlands og Rússlands. Hinn ungi Nevsky prins leiddi rússneska herinn gegn tetónum; þýskum og fleiri þjóða riddurum sem voru lokkaðir út á ísinn. Rússar höfðu algeran sigur. Atlögu kaþólsku að Orthódox trú hafði verið hrundið. Pétur mikli Rússakeisari lét reisa hina miklu Alexander Nevsky dómkirkju og klaustur í Pétursborg 1710.

 

SNORRI & ÓÐINN

Við eigum Snorra Sturluson þjóðarvitund okkar að þakka og deilum sögu með Rússlandi allt til Ása-Óðins. Í Ynglingasögu Heimskringlu segir Snorri Sturluson okkur frá höfðingja þeim er Óðinn var kallaðr sem bjó í Ásgarði í Ásheimi í Ásíá austan Tanakvíslar. Það hefur verið á bökkum Volgu, hugsanlega í eða námunda við Volgograd. Þar var blótstaðr mikill þar sem dómar voru uppkveðnir. Óvinir Ása-Óðins urðu blindir, daufir og óttafullir. Óðinn tók sér bústað við Löginn í hinu fornu Sigtúnum í Svíþjóð hinni miklu. Er það ekki magnað að Snorri Sturluson talaði sama tungumál og Óðinn í Ásheimi sem nú er Rússland. Víkingar, væringjar stofnuðu Novgorad Rus, Hólmgarð þegar Slavar kölluðu Hrærek; Rúrik til  konungdóms 862 AD. Frændi hans Oleg tók ríki eftir hann og stofnaði Kiev-Rus á sama tíma og norrænir menn námu land á Íslandi. Við kristnitöku 980 í tíð  Valdimars I voru Slavar orðnir alsráðir. Kristnitaka á Alþingi var árið 1000. Rússar fögnuðu þúsund ára afmæli Rússlands 1862. Íslendingar þúsund ára landnámi 1874. Þjóðirnar eiga rætur  í eyðimörkinni með Móse. Við eigum Snorra skjaldarmerki okkar að þakka. Atlaga var gerð að arfleifð Snorra Sturlusonar en íslensk sjálfstæðisbarátta forfeðra okkar sótti styrk og þor til skáldjöfursins og verka hans.

 

SNORRI DANTE & Da VINCI

Nú er verið að ljúga að okkur um þessa sögu og vanvirða Snorra Sturluson. Glöggur lesandi spyr: Hverjir búa í Ásheimi Óðins nema auðvitað Rússar sem við erum í stríði við. Inn í sögu skáldjöfurins fléttast áttatíu austmenn; musterisriddarar sem undir alvæpni riðu með Snorra á Alþingi 1217. Það styggði Vatikanið sem um áratug áður hafði lagt upp í herför gegn frumkristnum Kathörum í Pýreneufjöllum. Spyrjið: Af hverju? Hvað vildi Dante öld síðar með ferðum til Íslands sem hann skráði í Helgileikinn; Divine Comedy? Af hverju? Da Vinci faldi Dante í Monu Lisu frægasta málverk sögunnar, svo sem Ítalinn Giancarlo Gianazza uppötvaði. Og svo er það hin mikla Völuspá um stríðið í Austurvegi þar sem bræður berjast í Ragnarökum. Okkar tíðar Endatímar Biblíunnar. Líkt og óvinir Óðins eru vestrænir leiðtogar okkar tíðar blindir fáráðir dæmdir til ósigurs. Harður verður dómur komandi kynslóða þegar hann fellur.

Bréf Pontíusar Pílatusar til Tíberíusar keisara um Jesú Krist ...

Upprisa Jesú Krists er áhrifamesti viðburður mannkynssögunnar, píslardauði Jesú á krossinum á föstudaginn langa fyrir senn tvö þúsund árum. Frá öndverðu hafa menn deilt um hvort Jesú hafi raunverulega verið uppi í Landinu helga. Vitnisburðir Biblíunnar segja að svo hafi verið. Við höfum frásagnir guðspjallanna, trúverðugar og áhrifamiklar. Þar er þó engin lýsing á útliti Jesú sem út af fyrir sig skiptir ekki máli. Flest þekkjum við frásögn Bibilíunnar að Jesú hafi verið pyntaður og krossfestur á dögum Pontíusar Pílatusar. Fáir vita af bréfi Pontíusar Pílatusar til Tíberíusar keisara og réttargögnum yfir Jesú Kristi. Pílatus lýsir yfirbragði og útliti Jesú. Árið 1913 kom út þýðing um hina miklu atburði: “Archko Volume – Bréf Pontíusar Pílatusar til Ceasars um Jesú Krist.“ Fornrit Sanhedrim og Talmud Gyðinga. Opinber dómsgögn frá dögum Jesú Krists, þýðing dr. McIntosh og dr. Tyman, fornrita deild [lodge] Genúa, Ítalíu. Frá handritum í Konstantínópel og gögnum Öldungaráðs Vatikansins í Rómaborg. Útgefandi W.F. Randall, fornbókafélagið í  Fíladelfíu, USA. Bréf Pontíusar Pílatusar er í VIII kafla verksins.

 

JESÚS LJÓSHÆRÐUR MEÐ SKEGG

Pílatus kvað Jesú hafa verið ljóshærðan með skegg. Hann kvaðst fyrst hafa séð Jesús frá Galileu yfirvegaðan ávarpa fjöldann um nýtt lögmál í nafni guðanna; “in the name of the gods“, hallandi sér upp að tré. Pílatus skrifaði: “Gyllt hár hans og skegg gáfu útiliti hans himnesk yfirbragð; celestial aspect. Hann virtist um þrítugt ... Ég yrði ekki hissa að þegar tíma líða kunni þessir atburðir breyta örlögum þjóðar okkar. Ég er nánast tilbúinn að segja, að bölvaður sé sá dagur þegar ég lét undan[lýðnum].“ Jesús færði mannkyni skilning á lífi í ljósi. Þú, ég og við öll erum andi sem birtum okkur í efni frá getnaði til dauða. Þessi skilningur varð undanfari kristinnar siðmenningar, lýðræðis, jafnréttis og vísindalegrar þekkingar. “Ég er vegurinn, sannleikurinn og lífið,“ sagði Jesú sem lofaði að opna augu okkar og senda Heilagan anda. Í tvö þúsund ár bráðum hefur kristið fólk farið fram fyrir Jesú og þegið gjafir hans. Fólk hefur játað syndir sem Jesú tekur á sínar herðar. Enginn söfnuður, engin kennisetning, engir milliliðir, engir kennimenn, aðeins ábyrgð fyrir Guði Drottni allsherjar. Þú biður Jesú Krist að koma inn í líf þitt. Allt og sumt.  

Lokadagar í Berlín og Kænugarði þá & nú ...

Fyrrum yfirmaður pólska herráðsins, Rajmund Andrzejczak telur mannfall Úkra í stríðinu í Austurvegi geigvænlegt. “Ég tel að mannfall sé í milljónum, ekki hundruð þúsunda. Það eru engir lengur til að berjast, Úkraína er að tapa stríðinu, mjög, mjög dramatískt,“ segir herforinginn. Richard Engels, fréttamaður MSNBC News lýsti vondri stöðu Úkraínu á austur- og suðurvígstöðunum fyrir rúmum mánuði, 25. febrúar þegar stríðið hafði staðið í tvö ár. Hann hélt því þó fram að Úkrar hefðu aðeins misst 31 þúsund hermenn, Andrzejczak nefnir milljónir. Fyrir mánuði hafði 61 milljarðs dollara aðstoð Bandaríkjanna við Úkraínu ekki borist – og svo er enn. Engels hitti Volodymyr Zelenskyy forseta að máli. Það var brotinn og bugaður forseti sem var í viðtali við blindan fréttamann sem kvað Zelenskyy hressan; upbeat. Engels var þarna til þess að agitera fyrir ameríska hermaskínu, hafið það á hreinu, ekki segja sannleikann.

 

ZELENSKYY: MARGIR MUNU DEYJA

Engels spurði Zelenskyy hvað gerist ef amerísk aðstoð berist ekki? “Margir munu deyja – við töpum landi,” muldraði forsetinn. Síðan þá hafa um þúsund Úkrar fallið á degi hverjum, suma daga færri, aðra daga fleiri, miklu fleiri. Ameríka hefur misst áhuga á stríðinu. Zelenskyy minnir á Adolf Hitler í bönkernum í Berlín á lokadögum síðari heimsstyrjaldarinnar. Hitler gaf út tilskipun um tortýmingu þýska ríkisins; Reich Territory. Það var 16. mars 1945. Hitler kvað þýsku þjóðina ekki verðskulda framtíð fyrir að tapa stríðinu gegn “...óæðri slövum.“ Enn í dag tala ráðamenn Vesturlanda um Rússa sem „...halda verði í skefjum,“ svo notað sé orðalag Ólafs Ragnars.

 

TIL HVERS TENDRA FRIÐARSÚLU ...

Ráðamenn Nato hafa aftur og aftur sagt Úkra berjast til síðasta manns og segja fram á þennan dag að Úkrar geti unnið stríðið, dollarar séu lykill að sigri! Hvers vegna ætti Nato að teygja sig að landamærum Rússlands til annars en að koma þar fyrir eldflaugum? Útþensla Nato snýst um vestræna nýlenduvæðingu. Hryðjuverkið í Moskvu hefur stigmagnað stríðið. Ísland hefur yfirgefið öll gildi um frið og hlutleysi. Íslendingar senda “íslenskar” byssukúlur til Úkraínu. Sendiráðinu í Moskvu lokað, alþjóðaflugvelli breytt í Nato-Kef herstöð, kjarnorkukafbátar lóna úti fyrir Helguvík, B2 váfuglar í lágflugi yfir Reykjavík, P8 þota yfir Nordstream hóf sig til lofts frá Nató-Kef. Til hvers að tendra friðarsúlu í Reykjavík?

 

Allir íslenskir ráðamenn styðja útþenslu Nató, allir.

Ukraine's Volodymyr Zelenskyy looked unfocused as he requested continued foreign support. #ukraine #zelenskiy #zelenskyy #msnbc | Instagram